[c]
روح والله لايردكـ .. واحدٍ هذي علومه
روح والحب الحقيقي .. شيعه وأعلن وفاته ,,
روح أبا أحلمـ في زمان ما جنيت ألا همومه
البعض هانت سلومه .. والزمن زادت رداته ,,
روح أبا أحلمـ مثل غيري .. يومـ كلٍ له حلومه
وأجهر بحلمـٍ حلمته .. والخجل نرمي عباته ,,
ويومها عندكـ تساوت .. روحة الخل وقدومه
ما تساوت عند خلكـ .. سكرة الحب ومماته ,,
ما دريت أشلون يوسف شقت زليخا هدومه
وما دريت أشلون ربي أنقذه وأظهر براته ,,
وما دريت أشلون ربي أنتقمـ له من خصومه
وأطلعت شمس الحقيقه لين وسط السجن جاته ,,
وأنت مثل اللي ظلمـ يوسف وحومكـ مثل حومه
الفعل نفس الفصيله .. والصفات مواصفاته ,,
توني والله عرفت .. إن المواضيع محسومه
يومـ شفت الحب حبي .. والرحى هذي رحاته ,,
وشفت نظرات الخيانه .. والغدر هذي رسومه
قلت أجهز للعصابه .. قبل تاصلني حصاته ,,
ودامـ هذا قدر خلكـ .. في سواته من يلومه
ودامـ هذا قدر خلكـ .. كلٍ يسوي سواته ,,
الوصال مع المذله .. يالله إنكـ لا تدومه
والفراق بعز .. الله .. ياما أكبر حلاته ,,
لا تصورني ضعيف .. مغرق دمعه كمومه
لا تصورني قوي ( مرخصكـ ) يا نصف ذاته ,,
والله إني ما عرضت الخافق .. لمن هو يسومه
وأنت من بد الخلايق .. جيتني ثمـ قلت : هاته ,,
بس ما صنته .. ولا خليته يكمل لصومه
قلت : وقف عند حدكـ .. قبل لا تقطع صلاته ,,
والله إنكـ ظالمـ .. وظلمكـ تمثنتني سهومه
تكسر الخافق .. وتسعى يا شتاته في شتاته ,,
يا القوافي .. كيف يرضى حبنا تسقط رجومه
يا القوافي .. كيف يرضى أكون أنا من ذكرياته ,,
كنت أقول ليا طرى لي : جعل يومي قبل يومه
وإن زهمني قال : ( سيد ) قلت : آمر حياته ,,
ويومـ عزمـ للوداع .. والجفى شفته يهومه
كني اللي يلفظ أنفاسه .. ويشهق في وصاته ,,
شايب من صغر سنه .. مفخره لعيال قومه
ويومـ موته ما بقى له .. غير فاليمنى عصاته !!
وآخر اللحظات .. دمعه .. حايره خانت عزومه
والوصاة اللي نطقها .. جمله ( شقت شفاته ) ,,
روح .. والله لا يردكـ .. واحدٍ هذي علومه
روح .. والحب الحقيقي .. شيّعه وأعلن وفاته ,,
~O*O*O~[/c]
[c]
على كثر اليدين اللي تحرضني على مـوتي
تعبت .. وما لقيت اللي يشجعني أموت لها !!
سـ جروحي ـيد
~O*O*O~[/c][c]
القصيده:العصيمي[/c]
[c][SOUND]http://www.movn.net/moseqa_alsh3r/moseqa8.ram[/SOUND][/c]
العرض العادي
