قافله من شـعراء الود في (مساجله شـعريه)

[مسعد المدلج]

اختي ورده اسمحي لي سوف اغير القاف

يامنتدى الود ورده سجلت عندك
....................... ولازم نرحب بها ترحيب صافي
ياوردة الشعر هاتي واعلني ردك
....................... نبي نقول الشعر والله يكافي


مسعد المطيري

[صمت الغروب]

اعتذر اولا عن التاخير لكن صدقوني اني ما انتبهت اقدم اعتذاري للاخت
وردة صحاري وانا اشوف اخوي مسعد انهاهاا بحرف الياء

ياوردة صحاري قام الشـوق يلعـب بي...........على طاري المحاوره وعلوم الرجال
الرقاص لفى ودق الحديد وهوحامي.............وتلاه مسعد مثل غيثً شفق وهمـال

ودي ان الابيات تكون على قد ما يبغا اللي بيشترك معنا مو محدده بيتين
المهم
حرف الم (ل)*6

صمت الغروب

[غاليه]

ماهو مثل أمس كلن يلبي
الشوق شوق الحب محدن لعبي
أقدر أقول عنك أنت الملبي
وأنت صعب بدق الحديد وتلبي

[بنت الأجواد]

هلاااااا فيك وبموضوعك... أختي ... وردة صحاري

وأسسسسفه على التأخير لكن العذر منك.... وكان لي هدف بعدم تسجيل المشاركه

,,,,,,,,,
ياوردة الصحاري أتقبلي أعتذاري......تركت الفرصه لغيري كبار

وخذي مني هالتحيه وألتزامي..... معك في المساجله لأبعد مسار


,,,,

والعذر منك أختي

وحررررررف الراء

[عبدالله الرقاص]

مسعد عظيم الود محدٍ يردك
========== ياللي تجيب القاف هات القوافي
جيتك انا والشعر اثنين ضدك
========== عطني بيوتك يالقرم يالسنافي

عبدالله الرقاص

[وردة صحاري]

يامنتدى الود ورده سجلت عندك
....................... ولازم نرحب بها ترحيب صافي
ياوردة الشعر هاتي واعلني ردك
....................... نبي نقول الشعر والله يكـــافي
الرد:-
جيت أهـدي بيوت الشعر وأوفي بردك
.......................في نادي الود بهمس القوافي
مسـعد عسى مايسعد من عطى وردك
......................دوم تلقي الشعر منضوم القوافي
في منتدى الـــــود تعطــي بالغلى ودك
.................... وأكتب ياقلم هذا القرم الســــنافي

أختكم
وردة صحاري

[وردة صحاري]

ياوردة الصحاري أتقبلي أعتذاري......تركت الفرصه لغيري كبار

وخذي مني هالتحيه وألتزامي..... معك في المساجله لأبعد مسار

الرد:
ربي يوفقك يابنت الأجــواد
.............................. راعي الكرم والجود من جابك
حروف الشعرمن فمك تنقاد
..............................شعرك جميل ولا عـاش عيابك

.....تسلمين أختي على مشاركتك معي ومواصلة المساجله الشعريه وأنا من ودي أنا لزمك بحرف (لكاف)لاكن أخواني الشـعراء أحبوا أن يكون الشعر على القافيه !


وردة صحاري

[بندر العجمي]

اعتذر عن تاخري في المشاركه وذلك بسبب ضغط العمل 000
رغم ذلك ما يشغلني عن منتدى الــــــــود شاغل :::::::::::::::
طبعا هذي تعتبر محاوره شعريه يعني مو شرط يكون الابيات مقافه وموزونه وذلك لان المحاوره 00تعتبر ارتاجليه 00000000000 والمعاني اهم من الوزن فيها0
ومن هنا اسند هذه الابيات الى (بنت الاجواد ) 00
طبعا والمحاوره معاني 00000 وانا ابي رد المعاني 000
وليس القصد منها التعجيز يشهد علي الله 00000000000

طبعا الشكر موصول للصاحبه الفكره الاخت العزيزه [وردة صحاري ]

حرف الياء الي انتهت عليه الاخت ورده صحارى
اقول :

في بنت الاجواد انا معجب اعجاب
0000000000000000000000في زين شعرك والمعاني الجميله
ياليتني وياك في راس مرقاب
000000000000000000000الصيد يطبخ والاجازه طويله
وليل القصيد مشرع (ن)للغلا باب
000000000000000000000ما غير انا وانتي وبرق ومخيله
صحيح لا قالو ترى الحب غلاب
000000000000000000لا ما غلبني ؟؟بس ازريت اشيله
ولا تسمعين للهرج عاذل وكذاب
000000000000000000راعي الحكي خبل (ن) سواة الحليله
والهجر شين وهو سقم الاسباب
000000000000000000والا التغلي شوي با اقدر اشيله
غديت انا والليل والشعر طلاب
0000000000000000000وكل (ن) يبي رد الوفا من عميله
انا اشهد ان الحب للروح نهاب
000000000000000000وانا شهيد ابو العيون الكحيله
قلته وانا بنـــــدلا ولا نيب لعاب
0000000000000000لا قلت قول اثمنه وافطني له
والعذر منكم لاني قلتها ارتجاليه وانا في مكتبي الان ارجو السموحه منكم0000
وهاذي اول واخر قصيده ارتجاليه اكتبها 00000000000
بنــــــــــــدر

[alhanoof]

اختي وردة الصحاري

تاخرت في الدخول اشكرك على المساجله رائعه منك

لكن ماحد فهم مقصدك ..

لم يتقيدوا بآخر حرف

عندي فكرة افضل اذا اعجبتك ان يكون الرد على حسب الوزن

وللجادين فقط ...بدون تحديد اسماء ..

اذا اعجبتكم الفكره نقفل هنا ونبدأ موضوع جديد

وتكون من نظم الشاعر ...نفسه ليكون لها طابع خاص يتميز به

شعراء الود..

طبعا في النهايه يحكمون الشعراء

اوضح لك اختي انا لست شاعره ولكني متذوقه للشعر

تسلمين على الفكره

[وردة صحاري]

بسم الله الرحمن الرحيم
أبدي أتحيه وأعجابي الكبير بالشـاعر (صمت الغروب) سيد الإبـداع ...ثالث من لبى دعوتي في المساجله .
ياوردة صحاري قام الشـوق يلعـب بي...........على طاري المحاوره وعلوم الرجال
الرقاص لفى ودق الحديد وهوحامي.............وتلاه مسعد مثل غيثً شفق وهمـال

أنتهائك بحرف (ل)
الرد:-
ليت القوافي ياصمت تطاوعني وتنقاد
.....................لأقطف لك من اطراف المـعاني جددهــا
انت صـمـت لـمحاورة الشــعار معتاد
..................... تحصي بيوت الشعر وتحصي عددهـــا
مرات صمت ومرات قاسي وكباد
.................... حتى المراجل منك تستفيد وتزود مددها

اختك وردة صحاري