ممكن تساعدوني...

[loyal girl]

السلام عليكم ورحمة الله وبركاته..
هذي اول مشاركة لي في هذا المنتدى وحبيبت اخذ رايكم،انا عندي ربيعة وايد احبها ولاكن ها الايام عندها مشكلة بسيطة اتمنى انكم تساعدوني في حلها وجزاكم الله خيرا
المشكلة ان هي من عدة شهور تعرفت على واحد من خلال الشات و كانو مجرد اصدقاء وبعد كم اسبوع قال لها انه يحبها مع انه ما شافها ولا يعرفهاوقالت له هي انها بعد تحبه وكانو يكلمون بعض من خلال الماسنجر بس وكان عمر البنت 17وهي بعدها بالمرحلة الثانوية وعمر الولد 25وبعد شهر قال الولد ابى اسمع صوتج قالت اوكي وكلمته لاكن من دون ما يدري حد من اهلها وكانت البنت تحبه موت وبعد هو كان يحبهاوايد و تبادلو الصور هو عنده صورتها وهي عندها صورته وفي يوم تفاجأت البنت انه كل كلامه ....كل يوم كلام ....وبدأت تفكر هل هو صدق يحبها اويلعب وياها وحاولت باي طريقه انها تكشفه بس هي مب متأكدة هو يلعب وياها وهو اصلا ولا مرة كلمها عن الزواج ولامرة مول، وهي الحين وايد حزينه ما تعرف شو تسوي ، ممكن تساعدونها في انها كيف تتأكد من حبه انه صادق ولا لاء ،مع العلم ان الولد دوم يهتم فيها ووايد يسأل عنها ويحبها ويركزها على دراستها وهم ولا مرة التقوا ،بس البنت ما تقدر تلتقي فيه لانها ما تطلع وحدها من البيت ، اتمنى من اي حد يقرأالموضوع انه يساعدني في حل مشكلتي ومشكلة ربيعتي واتمنى لو تردون علي باسرع وقت ممكن ومشكورين جزاكم الله خيرا

[أم غاية]

بدون اي زعل ..ربيعتج يالغالية تعيش ايام مراهقة في هالسن..وما تعرف الحب الحقيقي فأول ماقالها الشاب انه يحبها صدقته وبدون ما تفكر انجذبت ورا عواطفها واوهمت نفسها انها بعد تحبه بدون ما تشوفه او تعرفه زين...وفي الاصل هذي مجرد احاسيس وهمية تحسها ربيعتج..والمفروض وانت تعرفين السالفة تنصحينها وتفهمينها ان اللعب باحاسيس البنات هالايام منتشر وسهل عند شبابنا..المهم يحصلون عالي يبونه وهم يستانسون في تحطيم البنات ((((ولا تصدقون كلمة احبج في التليفون وخاصة اذا الشاب ما شافها او يعرفها))))........
طبعا اللي استوى استوى والمفروض الحين نخلي ربيعتج تيلس مع نفسها شوي وتراجع كل كلمة كان يقولها ..ساعتها بتعرف ان الشاب يستغل مراهقتها ويضيع وقتها الغالي اللي المفروض تقضيه مع امها ..يعني تيلس معاها وتحاول تفضفض الها بدال ما تتعلق بانسان مستعد يفضحها او يذلها في اي دقيقة او ثانية هوه يحددها..او انها تيلس مع ابوها..اخوها..خالها...اختها...يعني ما تشغل عمرها بكلام انسان ماينويلها خير..لانه لو صدق يحبها جان ناقشها في العرس او انه ماشغلها عن دراستها ..المهم الحل هوه ان تفهمين ربيعتج ان كل هذا كلااااااااااااااااااااااام ...وتستوعب شو اسوي عدل وتفكر في ابوها وامها هل هم يستاهلون اللي اسويه فيهم؟؟ساعتها بعرف ان كل هذا مجرد نزوه عابرة مثل مايقولون..وبعد ما تقتنع تحاول تسايس الشاب عشان يرد كل صورها ورسايلها( لان الشباب هذي وسيلتهم في التهديد) وبعد ما تضمن كل شي تلغيه من حياتها وتقنع نفسها انها ما زالت وبتم صاينة سمعة ابوها وامها واهلها....والسموحة


أم غاية*t

[loyal girl]

مشكوورة على الرد ام غايه وجزاك الله خير

[سارا]

مرحبا اختي
اول شي الله يهدي خويتك يعني اشلون تصدق شاب
اساسا كيف يحبها وهو ماشافها ماتجي ذي
وقبل كل شي هي تدري انه كل الي هي جالسه تسويه حرام
هي ترضى انها تغضب ربها؟؟؟عشان شاب فتره رح تتركه
قولي لخويتك تنتبه شباب هاليومين يخوفون؟؟
وقوليلها انه هذا كله حرام مايسير احنا مسلمين وماعندنا هالكلام؟؟
قوليلها اذا عرفو اهلها امها وابوها اشرح تكون ردت فعلهم قوليلها ترى الثقه اذا انعدمت فيها وحست انه كل الي حولها يناظرونها نظرات شك بتتالم كثيييير؟؟

قوليلها تنتبه من الذئاب البشريه يا كثرهم هاليومين

مع تمنياتي لك ولها بالتوفيق انشاءالله

[loyal girl]

مشكوورة اختي ساره جزاك الله خير

[Lgeet Ro7e]

السلاااااام عليكم
الحقيقه لا اجد كلااام افضل من كلام
ام غايه
اتمنا لك التوفيق
وللجميع
ورد بسيط لسارا اللي شكلها ماخذه منا يالشباااب موقف
مو كل الناااس ذئاب بشريه ؟؟؟؟؟؟؟؟؟؟؟؟؟؟؟؟؟؟؟؟؟؟؟
هذا ولكم تحياااتي

[سارا]

اخوي لقيت روحي
اذا تكلمنا بصفه عامه فانتم ذئاب بشريه
مع احترامي لك

[Lgeet Ro7e]

وجهة نظرك واحترمهاااا
وانا اذا لي تعليق بسيط فراح يكون على النحو التالي
سارا ( ود متميز )
ارجو تكونين قد الثقه اللي حصلتي عليها من المنتدىىى
ولاتعممي بالكلاااام كان بامكااانك تخصصين بس تعممين هذا شيء ينعكس على صاحب المقااال

وانا اسف loyal girl
المفروض مايكوون النقااش الحااد هذا في مقالك ولكن تبقا وجهات النظر مختلفه
ورضا النااس غاية لاتدرك
وافر احترامي الى loyal girl

[loyal girl]

مشكوور اخوي لقيت روحي

[فتاة شرقية]

صباح الخير او مساؤه

بالبداية احب اعلق على كلام الاخت سارا لان مو كل الشباب ذئاب مثل ما
قلتي ولو كان كذا ما كان في بنات متزوجين اصلا كله يعتمد على اختيار
البنت
وثانيا احب اضيف للسائلة ان الحب ممكن اشبهه بالكتاب وعلشان يكون مشجع للقراءة لازم تكون اوراقه موجودة وهي التفاهم والاحترام و القبول وصديقتك تفتقد العنصر الاخير
وثالثا كيف تطلب من الشاب انه يلتزم معاها وهو تعرف عليها بطريقة غلط
لان الشاب مستحيل يكون علاقة مع بنت يمكن هي تعرفت على غيره
وبظل اقول هذي مو غلطتها بس الوقاية خير من العلاج وتندم الحين
احسن من الندم بعدين

وشكرا