ابدى بذكر الله على كل الاحوال
اللي شرع للخلق خمس وفرضها
حيث ان ذكره يدعي الهم ينجال
ويذهب عن النفس العليله مرضها
يقطعك دنيا كل يوم(ن) على حال
دوارتن مايندرى وش غرضها
ياما ابدلت عقب الجديدات بسمال
والعاقل اللي قبل تقفي لحظها
وخلاف ذا في دنيتي شفت الاهوال
وازوال جعل الله يبدّل عوضها
بعض العرب ظلم(ن) يقولون رجال
وهو دروب المرجله ماحفظها
هو يحسب ان المرجله ثوب وعقال
وكلمه يرددها وذي يعترضها؟!
المرجله قول(ن) يوكّد بالافعال
والنذل يقصر مايوفي بعضها
رجل(ن) له البيضا على روس الاقذال
غير الذي روس المراجل خفضها
مايستوي من لا يساوي ولا ريال
مع من بيوته بالمعزه نهضها
هذا كلام اللي عقب ماكوي قال
وابيات شعره بالهداني عرضها
العرض العادي
