توّك بديتي العُمر؟

[نايف الشريف]

اقتباس المشاركة الأصلية كتبت بواسطة أنتظر ضمّة غلآك هّلا واللَّهْـ بنَآْيْــــف .. | صَحّ لسَآْنك .. وعذْب هتّآْنك ومَشْكُور عَلى تَوَآْجدك الطيّب .. لا حُرِمْنَـــــا منهْـ .. وانا بغيابك حرّمت لكحلي العين = فترة غيابك عنّنا ماهي شويّه بسرد لك القصّه بكلّ العناوين = الحبّ مامات .. بس يبغى السقيّه كرهي لشخصٍ يعشق اليوم بنتين = يضحك .. ويسولف وهو للكذب خيّه وش فايدة حبٍ تقاسمه اثنين = لاله طعم ينذاق ولا بان ضيّه عمري بدا في الحبّ من عام الفين = مع واحدٍ يا خلق ماشفت زيّه ياما تجاوزت بمحبته كلّ القوانين = وياما شكيت الحظّ/فقر و رديّه والله يانايف لو آشوفه الحين = لأهديه قلبي وكلّ ما تملك يديّه هوّا رحل ايه ..!! بس مدري على وين = ما ودّي أحرق القلب بنار حيّه العمر قدّامي وانا باقي عشرين = وزيدها واحد وهاك الهديّه سبحان من خلّى في الأجساد روحين = روحين تجمعهم قلوبٍ رضيّه

توّك =بديتي العُمر

زين إسمعيني وإقري الخط سطرين=ماني مطوّل في معانيك ذيــّــه
عمري كبير وعندي بالعد طفلين=معهم بعد اخت الرجال البهيــّــه
الراس شايب والعمر فيه خطين=خط نجيه وخط نحسب مجيـّـه
دنياك دايم حِجِتِكْ بالبراهين=والموت برهانه نقول المنيــّــه
تدري الزمان يجوز لاقلت يومين=يوم ٍ يجيك ويوم ماجاك عــيــّــه
عــيــّــا يوفيّ مير ملزوم تنسين=حكمت إله الكون ماهي بيديـّـه
لوهي بيدي كان ابا اعطيك ِ ترضين=برضيك لين اليوم ترضى عليـّـه
هذي عوايد ماهي بقول تخمين=ماهي ظنوني والعوايد رديــّــه
يابنت لاتقفل على القلب جرحين=بعض الجروح تهز حتى الخليـّـه
والجسم ليّن والله إنـّـا مساكين=محنا كما ذيك الجبال الرسيـّـه
الحب حتى هز بعض السلاطين=الحب واحد والهوى مو خِطيـّـه
الحب جرحه مايطيق المداوين=حتى علاجه مايجي فالصحيـّـه(1)
يابنت هونك لابديتي بتقرين=إقري كلامي شاعر ٍ به حميـّـه
افزع ليامني لمحت المعادين=اشب نار القاف وارسل شظيـّـه
بعض العرب فالحب منهم شياطين=حذرى يجون بقول يفتح شهيـّـه
الناس راحت مير بيجون ثانين=والقصد منهو جا وكفه نديـّـه
انسي وكود إن الهوى فيه تلقين=منهو يجيك بشرع سنة نبيـّـه
وإن كان ماني مخطي القول تبغين=حب ٍ يصون القلب وانتي وفيــّــه
توّك صغيره تو فالعمر تبدين=بسمة غلاكي مظهرات الثنيـّـه
للحب شاره والتباشير فالعين=ظني فهمتي القول منتي غبيـّـه
قلته كلام ارجوك يابنت تكفين=ماطيق جرح الحب ولا ابغى دميــّــه(2)
هـذا كلامـي كــان للقـلـب تشـريـن=ولـيــا نـويـتـي مـنـزلـي فالـحـويّـه

(1)الصحيـّـه: المستشفى ( فقد كان أبائنا يطلقون على المستشفى مسمى الصحيـّـه )
(2)دميــّــه : جمع لكلمة الدم بلهجة عاميـّـه

[*+* مـهــآآآآجــرة *+*]

)) نآآآيف الشريف ((

جزلة أيها الشآآآعر الرآآآقي بفكرك

وجمال ردك ....لي عودة تليق بالمعنى

والمضمون وتوضح المكنون ...

صح لسآآآنك وربي لا هآآآآنك

ننتظر جديدك الرآآآئع بشوق ...

دمت برقي حرفك

[نايف الشريف]

اقتباس المشاركة الأصلية كتبت بواسطة *+* مـهــآآآآجــرة *+* )) نآآآيف الشريف (( جزلة أيها الشآآآعر الرآآآقي بفكرك وجمال ردك ....لي عودة تليق بالمعنى والمضمون وتوضح المكنون ... صح لسآآآنك وربي لا هآآآآنك ننتظر جديدك الرآآآئع بشوق ... دمت برقي حرفك

جات توعدني بجيـّـه واتحراها سنين=وانتظر يوم ٍ تقفت يامتى يمي تجي
ماقويت الصـَـبـْـر لكن حددي وقت ٍ تجين=لاتخليني على نار الوعـَـد بس ارتجي
الهوى له بحر وانتي فالبـَـحـَر لا تسبحين=مثلي لاغاص البـَـحـَـر ياكيف من موجه نجي
منهو مثلي مايطيق البـِـعـد لولي تسمحين=قلبي لا حب إيتعنا وانتي لك قلب ٍ سجي

اهلا اختي الكريمة
مهآآآآآآجرة
زيارتك تشريف لي واعتز بها
حين قرأت مشاركتك ووعدك بالعودة
خطرت على بالي هذه الابيات
وليست إلا ابيات فنيـّـه
وجدت نفسي محباً لكتابتها
حقيقة كلما اكتبه هنا لابد وان اسجله في مذكراتي
خارج المنتدى

احببت ان اكتبها واعلق عليها وعلى مشاركتك

ننتظر زيارتك وتعليقك
ولكي محبتي وللخوة الكرام في الله

[فــهــد الشمـري]

قصيدهـ الشاعره انتظر ضمه غلاك رائعه بس الاروع ردكـ مبدع دائما
/
/

ماشاءالله عليك نايف
بصراحه تستحق الوسام الذهبي
لك كل الاعجاب

[العسجديھ]

نَآْيْـــــف الشِّعْــــر
|
صَحّ لسَآْنك .. واعْتَلاَ بَآلْعِـــزّ قَدْركْ وَمنْزَآْلك ..
مُتمَيّز بِالمُفْرَدَآْت .. رَآْئِــــــع المَعْنَى ..!!
بجَدّ واللَّهْـ ..إِذَآْ كَـــــــــان للإِبْدَآْع مَعْنَى فَهُوَ أَنْتَ يا نايْف ..

قالوا علامك اليوم توفين ؟! = ناسٍ لهم في الكذب روحه وجيّه
قلت العفو ..ما ازوّد الجرح جرحين = كافي الجروح اللّي تقاوت عليّه
ايه.. توّي بديت العُمر ولو كان هالحين = وياما تمنيت الحظ / لدّ فيّه
وصاروا عليّ الناس حزبين حزبين = احدٍ معي واحدٍ تمنالي المنيّه
اعيش باقي العُمر مع ناس وافين = مالي ومال هاك القلوب القسيّه
ماتعرف الطيب والعطف واللّين = ولاني بمجبوره ولاني عميّه
يومي عرفت معدنهم الزّين والشّين = ما اتبع الشّين ولو كثّروا فيه غيّه
ياما تحمّلت لجلهم كثرة الدّين = ولزمٍ عليّ أقضيه ولو ماهو بليّه
مافيني أسهر وأدبّل اليوم يومين = ولا فيني ارضى بالعذاب وجميّه
واهلي ذكروا لي .. إنّ للنّاس وجهين = وما كنت أعرف الذّيب إلاّ من عويّه
وانا فهمت اللّي كتبته في سطرين = وابا آخذ القلب الصويب / ونرحل سوّيه
يمّ اللّي تهادوا عليّه من سنين = بمدّ لهم يدّي وابا ألقي التحيّه
وختامها يا ناس قولوا آمين = الله يسعد كلّ من حبّ (.......)

[نايف الشريف]

اقتباس المشاركة الأصلية كتبت بواسطة فــهــد الشمـري قصيدهـ الشاعره انتظر ضمه غلاك رائعه بس الاروع ردكـ مبدع دائما / / ماشاءالله عليك نايف بصراحه تستحق الوسام الذهبي لك كل الاعجاب

اخي الحبيب
فهد الشمري
زيارتك الكريمة منحتني بها وسام ذهبي
بحق اشعر بالفخر حين اجدك بين زوار متصفحتي
كل الشكر والتقدير

[نايف الشريف]

اقتباس المشاركة الأصلية كتبت بواسطة أنتظر ضمّة غلآك نَآْيْـــــف الشِّعْــــر | صَحّ لسَآْنك .. واعْتَلاَ بَآلْعِـــزّ قَدْركْ وَمنْزَآْلك .. مُتمَيّز بِالمُفْرَدَآْت .. رَآْئِــــــع المَعْنَى ..!! بجَدّ واللَّهْـ ..إِذَآْ كَـــــــــان للإِبْدَآْع مَعْنَى فَهُوَ أَنْتَ يا نايْف .. قالوا علامك اليوم توفين ؟! = ناسٍ لهم في الكذب روحه وجيّه قلت العفو ..ما ازوّد الجرح جرحين = كافي الجروح اللّي تقاوت عليّه ايه.. توّي بديت العُمر ولو كان هالحين = وياما تمنيت الحظ / لدّ فيّه وصاروا عليّ الناس حزبين حزبين = احدٍ معي واحدٍ تمنالي المنيّه اعيش باقي العُمر مع ناس وافين = مالي ومال هاك القلوب القسيّه ماتعرف الطيب والعطف واللّين = ولاني بمجبوره ولاني عميّه يومي عرفت معدنهم الزّين والشّين = ما اتبع الشّين ولو كثّروا فيه غيّه ياما تحمّلت لجلهم كثرة الدّين = ولزمٍ عليّ أقضيه ولو ماهو بليّه مافيني أسهر وأدبّل اليوم يومين = ولا فيني ارضى بالعذاب وجميّه واهلي ذكروا لي .. إنّ للنّاس وجهين = وما كنت أعرف الذّيب إلاّ من عويّه وانا فهمت اللّي كتبته في سطرين = وابا آخذ القلب الصويب / ونرحل سوّيه يمّ اللّي تهادوا عليّه من سنين = بمدّ لهم يدّي وابا ألقي التحيّه وختامها يا ناس قولوا آمين = الله يسعد كلّ من حبّ (.......)

المزهريه=

يالله توفـّـق بنت للخير أمين=وإبعد عن المحشوم كل الرديـّـه
دعوة شريف ٍ حافظ الشرع والدين=مايوم جا بالقصد يم الخطيــّــه
معرفك والله كود من عد شهرين=مير القلوب شهود وانتي الذكيـّـه
بعض الكلام موفي ٍ فيه حرفين=الحب عد حروفه الابجديــّـه
حب الإله اول ومن ثم بعدين=حب الرسول وباقي الناس ذيــّــه
واحنا بشر يلفت نظر عيني الزين=ياكيف لاصرنا بنفس الهويــّــه
ديرتك ماتبعد عن الدار شبرين=والنفس لاحبت تراها نقيـّـه
مير العـُـمر يكبرك يابنت تدرين=فرق العُمر والله اكبر بليـّـه
ماني من اللي كاتب الحب تلحين=ماهو كلام شعور والله فيّه
ياقلب زيده من ورود البساتين=ارسل ورود وحط ف(المزهريـّـه)

اختي الكريمة
انتظر ظمة غلاك
ابدعتي بحق واجدتي واخرجتي كلمات ومعاني غاية في الروعة والجمال
هنا اقف إجلالا وإكبارا
لماقرأته وإستمتعت به
كتبتي ورددت ثم كتبتي ورددت فكتبتي وإستسلمت للابداع

لاحرمنا الله منك ومن ابداعك الرائع

لكي كل التقدير والاحترام
وسجلي إعجابي بما خطته يداك
اخيك
نايف الشريف

[,,,ـــاoـــــر]

*¨ღ¨*
*¨ღ¨*
*¨ღ¨*

نايف

انتظر

*¨ღ¨*
*¨ღ¨*
*¨ღ¨*

صح السانكم والله لا يهينكم

امتعتوني صراحه بهذه المساندات

التي اثريتم بها متصفح همس

صحت اقلوبكم جميع

بشوق للجديد فنحن بالانتظار

*¨ღ¨*
*¨ღ¨*
*¨ღ¨*
عـiiilـق JJlـيـJ

[همسات حالمه]

أنتظر ضمة غلآآآك

صح كلك يالغاليه ابيآآت افهمتينا موجزهــآآ

لا عدمنآآآ هذا الاحســآآس


نــآآآيف الشريف

صح لســآآنك مليوووون ولا يكفوووون

لا هنت على الرد الرآآآئع

استمتعت بالحرف الجميل هنــآآ

قصه بحرووف مذهبه ,,

عســآآكم ع القوووه

أجمل ورود الكون لكمــآآ

[العـ راعي ـليا]

صح لساااانكـ

نايف الشريف ..

صح لساااانكـ

أنتظر ضمة غلاااكـ ..

واللهـ لا يهينكم كلكم بصراحهـ

استمتعنا بالصوووت والصدى .

تقبلوا تواضع مروري

دمتم بوود