وضحى وأبو الهبقـــات..؟
هلا والله بالاعضاء الحلوين
وش أخباركم والله لكم وحشه..
مسوي يمون....
المهم هذي اخر تمثيليه بدويه جت على القناه الاولى...
بطوله:
1 أبو الهبقات...
2 وضحى...
3 الشيخ مفوز ..(أبو وضحى) وعمي بنفس الوقت..
طبعاالقصه هذي قبل أربعين سنه
نبدأ القصه ونخلي الفلسفه..... :
طبعا الحين المقدمه
اللي هي الاغنيه
واللقطات المميزه
موسيقى هاديه
وواحد غبي قتعد يقول شعر بايخ
وحاطين صورتين وانا جالس
أصول وأجول على الفرس
حقتي
وأتفقد أمور القبيله..
الحلقه الأخيره...
كنت منسدح لي تحت شجره
أخذ قسطا من الراحه
الى هذي رساله في الجوال
من وضحى بنت الشيخ مفوز
بنت عمي واللي احبها في التمثيليه
طبعا عليها وجه اله لا يوريك
تذكرني بالممرضه اللي بحارتنا..
وبعدين حاطه في وجهها وشم
زي كذا .0.
على بالها حركه ما تدري انه سخيف
وراحت موضته..
المهم انا مخزنها في الجوال
أبو حميد..
عشان ما احد يجي يلقط الرقم
والله يخسى الي ياخذه
مسوي يخاف عليها.....
المهم الرساله تقول:
تكفى يابو الهبقات
لا تخلينا
عرب الشيخ مناور
غزو علينا
وذبحو حريمنا
وأخذو البلاي ستيشن حقي
وأخذو ابوي معهم
وقالوا انهم يبونك انت بعد يبون يذبحونك..
بيني وبينك انا خفت
والحين سويت ذيب
صار لي عذر ادق عليها
طبعا دقيت عليها
وردت
غريبه اول مره
بس مو لله تبي أبوها والبلاي ستيشن
عا111111د
انا مسوي محترم
يوم ردت قلت
الو
السلام عليكم
قالت يا عونك يابو الهبقات
قلت اي عونك
وش السالفه الحين
من المخطي برايك انتي... مسوي بيشبك..
قالت والله ياشيخ..أنا فكيت يوم قالت ياشيخ..
العربان كلها تـنادي باسمك
وتقول وين أبو الهبقات..
قلت لها خلاص ولا يهمك وش رايك اشوفك
ونتفاهم في الموضوع
قالت لا والله حرام ياشيخ
ما شوفك لين يرجع لي ابوي
وترجع البلاي ستيشن
وترجع كل اللي اخذوه
ويحرم علي الزاد والماء
الين ما يرجع اللي اخذوه منا..
قلت والله ذي البلشه
وش المصيبه
أنا ناقص مشاكل بعد
قلت لها يالله
اسمعي صوت القطار...طوط طوط
المهم
فكرت في الموضوع
والا صدق واله مالها
داعي اجحدهم
وانا عمي الشيخ
وانا فارس القبيله
..بس ليه ادخل نفسي في مشاكل مالها داعي
المهم وانا قاعد أفكر كذا في الموضوع
الى ذاك البعير اشوفه طالع من الديره
....تسمع والله بالديره
المهم قلت هذولي هم الحراميه
عرب مناور مدري وشو ذا هو ووجهه..
واركب لك فوق الحصان
واقول انا ولد ابوي
وادز ورى ذا البعير
يوم قربت الى هي حرمه
يويويويويو
هذي وضحى الله يرجك يابو الهبقات
والله جت برجليها
عا1111د
انا مسوي
برئ انا ووجهي
قربت منها
وقلت علي بالحرام
لا اروح اجيب عمي الحين
ولا يهمك
يابنت الشيخ مفوز
المهم البنت مقفله معها
ما ردت علي
الا اشوفها ماسكه الجوال
وقاعده ترسل رساله
قالت الحين اكلم
بداح من عرب الشيخ سالم والله انه ابرك منك
قلت لا واله يعقب ما بقى الا هو
..والله من جد مالها داعي ينادون ذا الزلابه وانا موجود..
وأجيك وأطلع السيف
واطق النظاره الشمسيه
واربط حزام الامان حق الفرس
وادز لم عرب الشيخ مناور
قلت علي بالحرام يا وضحى ما ارجع الا الربع
كلهم معي
والله لا اعلق راس الشيخ مناور
على مراية الكدلك حقتك
قصدي البعير..
قالت والله
.. يوم قالت والله.. حسيت ان الموضوع صعب شوي
هذي فيها دم وخرابيط ماني قدها
ورى ما انحاش بس
.......
المهم ذا المخفه وضحى صدقت اني بروح
ما تدري ني
مواعد الشباب في الدانه
بلا مناور بلا الخرابيط حقتكم ذي..
المهم البنت قام
تقصد وتقول شعر
وجمعت بنات الديره علي
وقعدوا يستفزعون فيني ويمدحوني
وانا مسوي ذيب
متكي تحت بيت الشعر الغبي
من غير مكيف بعد..
المهم قلت يالله جمعوا
القوم كلهم
وعطوا كل واحد سيفه
ووزعوا عليهم
بور هورس ولا بايسون
عشان يصيرون اقوياء
المهم تجمعوا ذا الاردنين
هك ووجيهم البايخه
كلهم شنبات
الى انا مخفف الشنب رقم واحد
وحاكر ام السكسوكه
وهم لا ما فيه الى قوة شنبات
قالوا:
حنا تحت الله ثم تحت ايديك ياشيخ
وحنا عصاك اللي ملا تعصاك.
قلت والله انكم كفوا ياذا الوجيه
بس تعالوا ابيكم بموضوع
أنا شفتهم خاقين معي عشاني قوي
وابي اتفلسف عليهم..
اأخذتهم ورى بيت الشعر
قلت يالربع يوم الله جمعنا بدون موعد
ورى ما نقط وناخذ لنا استراحه
عند الفحص
اعرف واحد يجيبها لنا بسعر حلو... انا قامط العافيه
قالوا والله الشور شورك ياشيخ
قلت أجل يالله بلا مناور
ما حنا ناقصين مشاكل بعد
يالله رفعت الجلسه
ويقعدون يناظرون بعض ما فهموا وشي رفعت الجلسه
قلت يالله كل واحد يروح يشوف شغله
وانا رايح ابي استأجرلهم استراحه
وأنا داز على الفرس
الى ذا الجمس يحدني على الدائري الشرقي
ويسقط علي وأشوف عمي مفوز ذابينه ورى معهم
ويأشر لي..
وانا تاخذني الحميه
وأناظر فوق لسماء
ولا هذي وضحى تقول مالك داعي تطلعون استراحه ولا تعلموني
وين اللي يبي يرد القوم
ويرد ابوي
ويرد بعارينا
وانا احس بالذنب وبالخطأ...
وانا أطق النظاره الشمسيه
وأدز ورى الجمس واشر له بالنور
وأحده وأوقفه بالغصب
وانزل عليهم بالسيف
وينزل السواق
سواق الشيخ مناور ولا ذاك العير اللي كنه بعير
قلت يالحبيب طريق الدمام منين
قال لا ياشيخ
أبو الهبقات ...قلت لا ياشيخ اي هبقات
انى مصطفى ...مسوي بلعب عليه
ويسدد لي ذاك الكف اللي بعدها ما ادري
وين انا فيه
ويذبني ورى في الجمس
عند عمي الشيخ مفوز
وأناظر فيه
قلت له هذا كله منك انت ووجهك
لولاك كان انا الحين في الشلال ولا في الدانه
مع الشباب
بس انت كذا تحب تورطنا معك
المهم ودونا للسجن>>>اي سجن تسمع والله..
طبعا السجن حقهم بيت شعر
رابطين انا وعمي على العامود
واجيك اترجاهم يفكونا ورفضوا.
وأجيك وانادي الحارس وأدفه بخمسين ريال
(( بخشــيــش ))
وياخذها ويجحدني هو ووجهه اللي كنه بيت مهجور..
المهم وأقعد اتذكر
القبيله
وش مسوين الحين
هم أخذوا استراحه ولا لا؟
ومن الي قط ومن اللي ما قط؟
ومير اتذكر وضحى....
وأنا يجيني ذاك النشاط اللي مدري منين جا..
وأنا أقطع القيود
..0 حلوه القيود...0
وانا انقز
قلت:
أنا أبو الهبقات والرزق على الله...؟
عا111111د الحين يبدأ شغل التايكوندو
وانا امسك الحارس واسطره
وأخذ الخمسين منه
عشان اعبي بانزين وانا راجع
واقعد أصفقلك في ذا الشباب
قلت وين البلاي ستيشن حق وضحى
قالوا خلاص خذه شفه في الملحق
وادخل الملحق
الى ذا لابزارين متجمعين يلعبون الدوري الياباني
قلت تبارون؟
قالوا تحداك تفوز
قلت اقول جب الجهاز ولا يكثر انت ووجهك يالدب
والله واخذه
واشغل الجمس حقهم
وأدز لم القبيله
وانا راجع ويدق علي واحد من العيال
قال لي فيه تغحيط في الجنادريه
قلت وبراسك
وامره ونروح نحظر التفحيط..
يوم خلصنا
وحنا راجعين من عند كبري الفحص..
الى هذولي قومي
عريب الشيخ مفوز عمي
اللي الى الحين مربوط في بيت الشعر
الى ذولي هم متقاطين لهم في بطل
وسكارى عند التريلات
والسطحات
قلت والله لأطردكم من القبيله بس اصبروا علي
...
وأرجع لقبيله
ولا هذي وضحى الى الحين ماسكه الجوال..
((( أكيد حرمه بس تكلم )))
وأجي كذا وأوقف الجمس
قدامها وأنزل
قلت :
ياعونــــــش يابنت العم
هذا البلاي ستيشن رجعناه
يالله ولا يهمك كم عندنا وضحى حنا..
وانا متكي كذا على العمود حق بيت الشعر
وهي تناظرني
وأنا مسوي فيها قوي قلت والله لو تدرين شلون جبته
وأقعد انصب عليها شوي..
قالت والله ما انسى لك ذا المعروف يابو الهبقات
((( طالع حليب السعوديه انا)))
قلت لا تنسينه ابد موب شغلي
والله ذي مشكلتك
بس هاه عاد وش رايك فيني
أبيض الوجه؟
قالت ما يحتاج
بس وين راس الشيخ مناور ما علقته على الكدلك
قلت:
أقول ترى موب حلى هي..
المهم وأنا قاعد اتناول البنادول
قصدي أتناول اطراف الحديثث معها
الى هي تقول انتبه ياشيخ
الى ذا الرمح اللي مدري منين جاي
يوم صوبني مع ظهري
وأنا اموت
وأطيح على الارض
وتقعد تصيح ذا المسيكينه والله كسرت خاطري بس اني ميت
ما اقدر اسوي شي
ولا هذولي الاعداء
(( صرنا خكاريه الاعداء))
عرب الشيخ مناور جايين يبون يغزونا بس اني ميت
ما بيدي حيله..
وأخذو القبيله
واستحلوا ديرتنا..
واخذوا الغنم والبعرين
وأخذو االخروف حقي توني شاريه ياشيخ
مسوي كرم انا ووجهي..
بس بصراحه
قــــــــــهر
لأن السهم اللي ذبحني كان من الظهر
يعني غدر
ولا لوما كان من ظهري ما كان قدروا علي..
وانتهت السالفه..
الخلاصه: وش تستفيد من الموضوع..؟
1 انك ما تدير ظهرك للعدو ابدا..
2 انك ما تدخل نفسك في مشاكل
مالها اول ولا تالي.. عشان ناس ما تستاهل..
3 انك ما تستاجر استراحه في شرق الرياض
عشان ما يلقاك الشيخ مناور..
أشكركم على قرائة الموضوع..
بس بالله وش رايكم فيني..
مو صح انا
: شجــــاع:؟
أخوكم:
أبوهـــ أبوالهبقات ـــا..؟
والرزق على الله..؟
المرشد الطلابي في المنتدى..؟
اللي يبي يسنجر لا يرده الى الكي بورد..؟
ah007007@hotmail.com
العرض العادي
