1.الشارع:
مستقبل الماضي المضارع.
2.الكراسي:
مصدر أفراح .... ومآسي ..
لاهي تبارك .. لجالسها الجديد
ولاهي اللي ...لربع تاركها تواسي
الكراسي عامدة
تهزأ بنا وهي جامدة
الصرير اللي يتسرب من قوائمها
يقول
مافي أحد منكم أساسي.
3.المواطن:
شخص تخفاه البواطن
شخص ما هو ... لمصلحة مستقبلة فاطن
المواطن في جميع الأزمنة
وفي جل الأماكن
دامة آكل ... شارب.... وساكن مايبي غير الذي
يقدر يفكر له
يقرر له يبين له
وش الفاتح من الألوان و ش الداكن
المواطن .. كفؤ.... محترم........عاقل ..
لكن.......................................
4.الذكاء:
انك تلاقي مكانك
بين أكوام الغباء
5.الجود:
العطاء بحدود
أو بمعني آخر انك دوم تعطي ... اكثر من الموجود
6.الحياة:
الممر الكهل
مابين الولادة .. والوفاة
أو بمعني آخر نقول
المـــــــسافه
بين جبهة متجه صوب السجود
وبين سجادة صلاة
7.السياسة:
فن..... والدنيا مسارح
ولجل تحقيق المصالح..
تقدر انك تكرهه
في داخلك
وتلعن الطيب في ساسه
لكن إذا شفته عليك تقوم وتحضنه
وتبوس رأسه
منقول من مجلة
who*care
العرض العادي
