الجزء الثالث|
أم محمد:وهي باينة الفرحة على وجهها حياكم اللة البيت بيتكم تنورون بأي وقت فمان اللة
لمياء وهي منسدحة على بطنها تحل واجب الرياضيات اللي صار لها شهر موعارفة تحلة
أم محمد:ماسألتيني من اللي كانت عالخط
لمياء:بعد من أكيد وحده من خوياتك
أم محمد:هذي خالتك ام فيصل بتزورنا يوم الخميس
لمياء:حياها اللة
أم محمد:تدرين وش سبب الزيارة؟
لمياء:لا وشدراني
أم محمد:جاية تخطبك لولدها فيصل
لمياء:صددددق وهي شاقة الابتسامة بس حست أنها فشلة ولازم تستحي وقعدت مكانها مسويه حالها مستحية حياها اللة وراحت غرفتها ركض ومسكت الجوال
الو هلااااااا رهف أحبك
رهف:روحي بس من زينك قاعده تتميلحين علي وش عندك متشققة؟
لمياء:أول شي وينك؟
رهف: في بيت عمتي عند البنات
لمياء:يوم الخميس خالتي أم فيصل بتزورنا البيت
رهف:وخير ياطير كل يوم مدرعة بيتنا أصلا غريبة عطتنا خبر خخخ
لمياء:لابس هالمرة غير
رهف:ليش انشالله؟
لمياء:حزري فزري
رهف: مابي أحزر ولاأفزر
لمياء:خلاص بقول احم احم جاية تخطبني لفيصل
رهف كانت تاكل بسكوت ريكو غصت كح كح كح
لمياء:بسم الله عليك وش فيك
رهف:شنوووووووو بتخطبك لفيصل ؟
لمياء:أي
رهف: خالتك ذي ماتستحي على وجهها الحين أنا أكبر منك وتخطبك انتي
لمياء:الزواج قسمة ونصيب
رهف:آآآآآآآخ يالقهر لالالا هذا ظلم لمياء لاتوافقي
لمياء:روحي بس أنا ماصدقت حد يخطبني والحين تبيني ما أوافق
رهف:الحين الناس بيشوفوني عانس
لمياء:وشدعوا توك 20 سنه تقولين عانس
رهف:هذا تفكيرك ياعمري لكن تفكير المجتمع غير
لمياء:طيب يلا بروح أنا أتكشخ
رهف:الحمدللة والشكر بيجون الخميس واليوم توة الأحد وش تكشخين
لمياء:أسوي بروفات
رهف:والله لو انك قرد بس تدرين أحسن عشان ترقعين بهالخشة
لمياء:مومنك من الحرة اللي فيك
قفلت الخط رهف وراحت للبنات
قاعدة تدلع على خويها ومسوية حالها ملكة الرقة وسارة وهديل عالنت
مرام:رهوفة عيوني وش فيك متضايقه ؟ قالتها بغنج مسوية دلوعه عند خويها خخخخخ
رهف:لمياء أختي
مرام:وش فيها ؟
رهف:انخطبت
مرام:طيرت الجوال تحت السرير من الصدمه وطلعت الدفاشة على أصولها شنوووووووو؟؟
وهديل وسارة طارت عيونهم شوي ويكسرون اللاب توب
مرام:لالا قهر هالبزر تنخطب وحنا كل وحده أكبر من الثانيه محد عبرنا
سارة:الحمدلله اني باخذ الماستر عالأقل بيكون لي كيان بالمجتمع
هديل:أنا لاكيان ولا مجتمع رسوب كل سنة وعنوسة لاااااا متى بننخطب متى
مرام:طيب هالفيصل وش يشتغل مملوح والاعادي؟
رهف:علاج طبيعي بمستشفى الملك فهد
سارة:وراتبة كم ؟
رهف:مدري عنه والله بس اكيد فوق ال7000
هديل:أشوا خطب لمياءعشان تسلفنا كل ما احتجنا خخخخ
سارة:شوف حنا وين وهي وين
هديل:جد قهر مافي الا نزور بالتحاليل ونقول مايناسبون بعض ونعطيه سويرة خخخخخخ
ضحكوا البنات لا وشدعوا مو لهالدرجة
رهف:هي انتي هذي أختي
هديل:زين كلتيني امزح والله من جدك انتي تستاهل لمو وبعدين بيصير معنا عرس بنتردح فيه وبنترزز فوق المنصه هههه
رهف:أي والله من زمان عن العروس
مرام:ويييييييييي
البنات:وش فيك؟
مرام:نسيت عبد الرحمن عالخط التفت يمين يسار ومالقت الجوال
رهف:بلا من الدفاشة سمعتي طاري خطبة وطيرتي الجوال واللي فية
مرام: سارة دقي على جوالي دقت سارة عالجوال مغلق
هديل:بل من الصدمه حتى الجوال تقفل
دورته ولقته تحت السرير ورجعت دقت على عبد الرحمن
عبدالرحمن:هلا قلبي وش فيك وين رحتي ؟ مرة خفت عليك
مرام :وهي متفشله بايش ترقع لابس هديل الدبة جلست على السرير خرعتني
هديل:حسبي اللة عليك يالنصابة الحين حتى لو عنده خوي لي بيهون
عبدالرحمن:هههههههه لاحرام لاتقولين كذا عنها لا بس جد وش صاير؟
مرام:أبد سلامتك بس لمياء بنت خالي انخطبت ومرررررررة فرحنا لها
سارة ورهف:أي هين وهديل ضحكت ضحكه وصلت لاخر الرياض بعدي والله القلب الكبير
مرام:عصبت وشوتت على هديل تحفة من التحف اللي جنبها
هديل:أعلن هجومي ؟
سارة:لاخلاص خليها تولي
هديل:بس عشان خاطرك انت ياقميل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ
(في الشرقيه) دخلت الجامعة وهي تركض للقاعه اف اشوا مابدأ الاختبار
هند:هلا سمر ليش تأخرتي؟
سمر:كنت أشوف فيلم هندي ونسيت نفسي
هند:متى ذاكرتي عشان تشوفين فيلم هندي
سمر:شرهتك عاللي فتح الكتاب
هند:حرام عليك الماده صعبة
سمر:سويت لك براشيم يحبها قلبك وبعدين بقعد ورى رحاب وبغش منها
هند:وليش ماتقعدين وراي ؟
سمر:لاانتي ماتحلين زين ما أضمنك أنا
هند:تكفين ياللي مقطعة الكتاب عالأقل أنا ذاكرت وبكتب شي ينجحني مو زيك مافتحتي الكتاب
سمر:سكتي بس لاتقرقي فوق راسي وتعالي نضبط لنا كراسي
رحاب:هلا بنات شخباركم ياحلوين
سمروهند: منيحين
رحاب:بنات اليوم بعد الجامعه بنطلع أنا والشلة نتغدى برا تجون ؟
هند:وين بتروحون؟
رحاب:مدري بس يمكن توباز
هند:ok
سمر:مدري أكيد اهلي ماراح يوافقون بس تدرون بقول لهم عندي محاضرة اضافيه
هدوووووووووووء يلا كل وحده على كرسيها بوزع الأوراق وبدأ الاختبار وسمر غشت كل شي من رحاب مابقى الا تغش اسمها وقدموا كويس بالاختبار
الساعة 1 الظهر رحاب:بنات برا سواقي تعالوا معي
سمر:دقيقه بتصل لامي بقو لها الو هلا يمة
أم سامي :هلا سمر
سمر:يمة اليوم عندي محاضرة اضافيه الى الساعه 3 احتمال أتاخر بالجامعة بس قلت أعطيك خبر عشان ماتحاتيني
أم سامي: متى نزل عليك العقل انشالله
سمر:اليوم
أم سامي:زين انتبهي لنفسك
سمر:انزين باي
رحاب: يلا مشينا
البنات:يلا
راحو البنات المطعم وقعدوا سوالف وضحك وفلوها عالأخر طلبوا من الويتر يحط لهم اغاني ورقصوا وكان باب غرفتهم بالمطعم شفاف فكان يبان كل شي من برا شوي الا طبت الهيئة وخذت البنات لمركز الهيئة
أعطوا رجال الهيئة البنات محاضرة انهم فاسقات وفاجرات والبنات قالبينها بكي وترجي فيهم بالجمس كان فيه رجالين ومعاهم شرطي اللي يسوق كان طول الطريق ساكت أما الثاني كان يقرق فوق روس البنات البنات احتاروا بأمر اللي يسوق هند: وهي تبكي بس تهمس لسمر اللي يسوق وش سالفته شكله صغير بالسن ولا تكلم ولا كلمه
سمر:وأنا شدراني يمكن تحت التدريب وبعدين جد انتي فاضيه خلينا نطلع من اللي فيه الحين وبعدين قزي بالولد
وصلوا المركز ونزلوا البنات وهناك استقبلهم أنواع التهزيء وسألوهم عن أرقام أولياء أمورهم البنات: لااااا الله يخليك صح أهلهم يدرون أنهم بيطلعون بس مايبون سالفة الهيئة توصل لأهلهم وخصوصا إن الهيئة كبرت الموضوع الله يسامحهم رجال الهيئة أحيانا يكبرون مواضيع صغيرة المفروض يحلونها بطريقه غير كذا بس وش أقول مانقدر نغير طريقة تفكيرهم
سمر كانت تبكي بقووووة لأنها عارفة إن سلمت من مركز الهيئة ماراح تسلم من الداخلية اللي هم أبوها وأمها لوووووووول
سمر:الله يخليكم حنا ماسوينا شي بس رقصنا والله نتوب مانعيدها مرة ثانية
كانت عيون الولد اللي كان يسوق متركزة على سمر كل شوي يناظر فيها هي صح كانت متغطية بس الشيلة شفافة وجهها باين <<< امحق رجل الهيئة
لاحظت سمر نظراته لها بس هي بحالة ماتسمح لها تلاحظ ولا تفكر في شي غير كيف يطلعون من اللي هم فيه الحين
تدخل فهد وقال خلاص خلونا ننهي هالموضوع دامهم اعترفوا إنهم غلطانين وانشالله يتوبون وناخذ عليهم تعهد إنهم مايعيدونها فهد يعرف يقنع رجال الهيئة اللي معاة ويدخل لهم من مداخل تقنعهم عشان كذا قدر يقنعهم
ارتاحوا البنات وتشققوا من الوناسة بس خذت رجال الهيئة أرقام البنات وأرقام بيوتهم للإجراءات اللازمة ومن هنا عرف فهد رقم جوال سمر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
خالد:هلا حبيبتي هلا روحي هلا بقلبي ونور عيني
سارة بدلع:خلودي تراني أخق مع هالكلام الحلو
خالد:خقي يابعد طوايف هلي خقي
سارة:بس عاد أنا أستحي
خالد:أموووووووت أنا باللي يستحون
سارة: قلبي وش صار على مشروع شركتكم الجديد؟
خالد:انشالله خير أنا اتفقت مع الشركة الممولة وبس باقي السيولة
سارة:اللة يوفقك انشاللة
وقعدوا يسولفون لوقت طويل (خالد وسارة) مر على علاقتهم شهرين تقريبا فهموا بعض قدر خالد يدخل قلب سارة المحطم ويعيد فيه النبض من جديد
خالد شاب وسيم عمرة 32 سنة رجل بمعنى الكلمة شخصيته قويه تفكيره راقي وفية كل الصفات اللي تحلم فيها أي بنت بس سارة صدمتها بحبيبها اللي خانها كانت قوية وصارت ماتعطي الثقة لأي شخص تكلمه بس خالد باسلوبة قدر يقرب من سارة وعرف اللي بخاطرها وأشياء كثير عنها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
العرض العادي
