تخيل لو
تخيل لو بطريقه ملتوية انسبوا اكتشاف الذره لك انت !!!!!!!
والله يافيه ناس يبون يتمصلحون معك وأولهم شركة الاتصالات تبي تصير فواتيرك ببلاش
تخيل لو تصير الدنيا ذي كل ابوها حلم !!!
كل شي حلم , الفيصليه والثمامه والحكير لاند الجديدة والسيارات وستاربيكس.... وتصحى من ذا الحلم تلقى نفسك من ايام العصر الحجري ولابس ورق شجر وبيدك حصاه وتحك رسمات على الجبال تكتب ذكرياتك ..... لا وشعرك جدايل
تخيل لو يخلص اشتراكك والوقت اخر اليل حدود الساعه 3 وانت قاعد على الماسنجر وناس من زمان مادخلو لقيتهم ان لاين وانت تستناهم من مده متى يكونون اون لاين !!!!!
اتحداك تقدر تنام ذيك الليله , صدقني تبي تقفل معك وماتخلي احد ماتتصل عليه تطلب منه اشتراك ومحد عطاك اشتراك وتقول بكرى انشالله ماشتري اشتراكين واحد اساسي والثاني سبير لمثل هل الحالات
تخيل لو جاك ابوك وعطاك مليون ريال وقال لك : رح يا وليديلمكه خذ عمره ورح لجدة تمش بهالعطلة
اتوقع مانتب رايح جده بدور العالم كله واخر شي ممكن تفكر بمكه
والله يا فيه ناس بيجحدون ناس ..... والجوازت تبي تصير زحمة
تخيل أنك داخل بال توك اخر اليل وتعرفت على واحد وطلبت منه يسوي لك روم وقال مايسوي لك روم الا بالباسورد حق اسمك وانت عطيته الباسور وانتقطع الكهرب وش بتسوي
واسمك صاير شي في البال توك صاير لك شهره ومعروف بهالاسم وش بتسوي
اتوقع انك بتموت قهر وبتموت اكثر اذا لقيت باسوردك متغير وهذا الشخص بكره داخل بأسمك وتطلب منه باسوردك يقولك ضف وجهك ماعندي لك شي
تخيل بعد لو وانت جالس الحين تقرى بهالموضوع يطيح الكمبيوتر وينكسرر ( تطلع وناسه لو كان لاب توب وتوه جديد )والله يا بتحقد علي وبتضيفني على المسنجر عشان تقول انتي مو كويس
تخيل لو تدخل يوم غرفتك وتلقى ابوك او واحد من اخوانك الصغار ( اقصد يعني اللي ما تمون عليهم ) جالس على الكمبيوتر وفاتح على المسنجر وفيه اربعه اون لاين ثلاثه منهم صاقعهم بلوك ومستلم القيادة مع الرابعه ....... >> اذا كان اخوك او اختك اكيد بتذبحه وراح تتوطاء ببطنه وبتسوي فيه جريمه واذا ابوك وش بتقول الشكوى لله حكم القوي على الضعيف
تخيل لو انك طفران وماتوظفت و راكب سيارتك ( كرسيدا او كورولا ) وماشي في امان الله .... فجأة وبدون اي مقدمات تلقى نفسك صاقع مرسيدس والمرسيدس قدامه لكزس أو بي ام وصاقع المرسيدس فيها والسيارات كلها موديل 2003 .. لا ومن زين الطبايع صاقعها من ورى ...
احس انك بتكره الدنيا وتفكر بالانتحار من الديون الي عليك
(هالتخيل موب صاحي ) ..... تخيل لو اكتشفوا انه انت موب ولد امك وابوك وانه المستشفى غلطوا فيك .. وانه امك وابوك ما تدري وينهم .. بس انه هذولا موب اهلك
والله يا بتخنقك العبره .... كل ما دخلت بيتكم تقول ( يا ولد !!! ) ... ابوك ( اقصد اللي كان ابوك ) بيأخذ سيارتك اللي عطاك ....
تبي تطلع من البيت تدور اهلك .... وحاط مثلك الاعلى ( سالي )
تخيل لو انك واحد من آكلين لحوم البشر ( الافارقه هذولا) .... تقوم من النوم وتطلع من العشة تلقى اخوياك ماسكين لهم ناس وصالخين جلودهم وجالسين يحمسون اللحم .... تلقى الشيبان متجمعين على الكبدة
تخيل لو كل اللي كتبتة فوق صار عليك ..... والله يا بتصير قصه حياتك على كل لسان .. لا وتكتبها هنا بالمنتدى تترزز فيها
انا بصراحه دايم اسوي هالحركات في أختي دايم اقولها تخيلي لو صار لك كذا والمخفه تتخيل وفي النهايه تقعد تصيح واتورط معها وش يسكتها والله انها تصدق
العرض العادي
