ياعين من مرقاش ياما جرالش
في علي المرقاب شيطانش أغواش
دمعش درج ياعين محدن درابش
واللي درا ياعين ماكنه أوحاش
خلش نساش وخان عهدش وباقش
ويمر من توش ولا كنه سواش
ياكيف تبكينه وهو ما بكالش
من لا عطاش الوجه لقيه بقفاش
ياكثر دمعش يوم خلش طرالش
دمعن تهلينه على خدش احفاش
انتي صفيتي له وهو ما صفالش
أسقاش من كاس المراره وخلاش
الله يعينش في هواش وعذابش
ويجبر عزاش مغيزل العين يفداش
ذيب الخلا من دون خلش عوالش
من دون ضامرة السراجيف عداش
تبغين زاده والعشا من جرابش
مثل الذي يبغي من العظم يعتاش
حلمش مع سود الغداري سرابش
وفي مالد الضبان خلاش وانحاش
ومطوع العشاق جاش ومحالش
ومن لوعه الفرقا قرالش وداواش
وسهيل مما جاه مر وحكالش
هاتي ردود سهيل ياعين وعفاش
من صوب نجران سلامه لفاش
وردي عليه أزكى التحيات من جاش
وسلامتكم اتمنا تعجبكم
العرض العادي
