عبائتي....هي شعاري...

[الجازي الودعاني]

--------------------------------------------------------------------------------

السلام عليكم ..

موضوعي اليوم موضوع جريء شوي يالغالين...

عبـــــــاءة الكتف + الرأس...

من المعروف ان في بعض العوايل تلبس بناتها عبايات الكتف...وبعضهم عبايات الرأس...

البعض يتخذ عباءة الكتف موضه تمشي عليها وتلقى معارضه من الأهل في البدايه وبعدها عادي الموضوع...والبعض تكون هذه العباءه حاجه عاديه ومهب شي غريب عالعيله يعني من خلقوا وهم يلبسوها فمايشوفوا فيها عيب او حرام..

البعض شي تعودوا عليه وتكون واسعه ومحتشمه .. والبعض تلبسها مخصرررررررررره مرررررررررره بهدف الإغراءات ولكن بعض الفتيات تلبسها مخصره لكن مايكون قصدها انها تغري حد ابد ابد ولا في بالها اصلا لكن لا سألتها تقول عادي متعوده ولافي بالي اغري او اشد بها حد...

وبعض العوايل زي ماقلت تعارض بناتها في البدايه لكن بعدين يقتنعون..

هذا اللي لمسته من المجتمع اللي حولي وبعض البنات اللي اسألهم عن هذي العبايه..

في مره شفت وحده بمجمع لابسه عيايه مررررررره مخصره ولما قلت لها الله يهديك عباتك ضيقه عليك والرجال عينهم عليك انتي ماتخافي ربك... ردت علي وقالت (( عادي مخصره ومالي قصد اني اشدهم لي ... انا بس تعودت هالعبايه وبس))

مصايـــــــــــــــب بهالدنيا وحاجات تفك الراس...

المهم سؤالي هو...

هل تحكمي او تحكم عالبنت من عبايتها؟؟؟

وهل فعلا عباية الكتف دليل على انحطاط الفتاه؟؟

للعلم اني اعرف بنات يلبسوا عالرأس لكن الله يستر علينا مظهر بس لكن بداخلها وتصرفاتها شي ثاااااااااااااني وهذا شفته قدام عيني...

واعرف العكس تمام .. فتاه الله يهديها ويستر عليها يارب لابسه كتف مخصرررررررررره لكن بداخلها تحسها طاهره وممكن تتغير وترمي هالعبايه...

وكثيـــــــــر كذا...

ابي ردودكم وتفاعلكم معي...
__________________

[أسطورة الرياض]

هل تحكمي او تحكم عالبنت من عبايتها؟؟؟

وهل فعلا عباية الكتف دليل على انحطاط الفتاه؟؟


معروف في جميع المجتمعات العربية والغربية المسلمة والغير مسلمة

الأسلوب والطبع يعكس الشخصية
ولبس العباية من الأسلوب

ولكن كما قلت في ناس عبايات على الراس والله يستر علينا وعليهم ولكن هذه الفئة قلة نادرة
وهناك ناس تلبس عباية على الكتف ومن داخلها الالتزام والحب للدين ولكن من أحب دينه لابد أن يخلص له ويلتزم بالشريعة ولكن ما أطول عليكم لأن هذا الموضوع شرحه يطول
الجازي الودعاني

لك جزيل الشكر على الموضوع الرائع
وفعلاً يستحق الاهتمام واللفتة الطيبة

[معدي المراقيب]

موضوع رائع ويحاكي عاده أنتشرت في مجتمعنا للأسف
صعب أن تجدي من تلبس العبايه المخصره مرررررررره وتكون نفسها طاهره عفيفه من كانت نفسها طاهره عفيفه فهي تكون أشد الناس حرصآ على البعد عن الشبهات
وهي تدخل في الكاسيات العاريات المائلات المميلات اللواتي أخبرنا عنهن الرسول عليه الصلاة والسلام
تحيه مني وتقدير على هذا الحرص لكي الجازي الودعاني

[شهد المدينه]

للعلم اني اعرف بنات يلبسوا عالرأس لكن الله يستر علينا مظهر بس لكن بداخلها وتصرفاتها شي ثاااااااااااااني وهذا شفته قدام عيني(بصراااااحه هذول منهم كثير الله يستر علينا )

اهم شي تكون العبايه ساتره على الكتف او على الراس وفيه عبايات على الراس مخصره نفس اللي على الكتف
الله يستر علينا ويقينا من الفتن

شهـــــــــــــــــد المدينه

[الجازي الودعاني]

شهد المدينه انا معك

كثيـــــــــر كذا وانا شفت

والكتف مهب دليل سفور او فسق

الله يستر علينا

حبيس المشاعر شاكره مرورك اسعدني

اسطورة الرياض حياااااااااك يالغلا