[ قصيده نبطيه للدكتور مــــــانع سعيد العتيبــة ]
سراب ونقضى عمري ورا تبع السراب && واتوهم بأني ويـــــــــــاك عشت ابواقعيه
ثرا الواقع معك أصبح مثل صفحة كتاب && دخيلك كيف أقراها وهي اصـــــــلا خليه
عذاب والفرج ياتــي بعد قصــــــــة عذاب && بليه علاجها بيدك غدت أكبــــــــــــر بليه
يشيب الراس من فعلك وأنا بعدي شباب && جروح الناس تتداوى وأنا جروحي عصيه
يسافر بك خيالك للمساحــــــات الرحاب && يجرك يا حبيــــــــــــبي مثل جر الجاذبيه
وأنا خلفك أدور فــــــي ملايين وهضاب && تدوس النار أقدامي وآهاتـــــــــــــي خفيه
فياض الشوق في عيني وفي قلبي حراب && فلا أنا تايب عنك ولا تعطـــــــــــف عليه
ضباب ويحجب الرؤيا عن الدرب الضباب && وأنا أبحث بأوهــــــــــامي عن آثار عفيه
حجاب وبينـــــنا حطوا هـل الدنيا حجاب && واحيوا بعد فوت الوقــــــــت فينا العنجهيه
غريبه من شكى مثلي من أحوالك مصاب && وأنا أدري سقام الحــــــــب والله سرمديه
وعن نفسي تعبت أدفـع وساوس لإكتئاب && ولكن شفتك الحســـــــــنه .. تبدلها ابسيه
أجيك بصادق احساسي .. أداعبك ابعتاب && وترجع يا بعد عمـــــــــري تحملني خطيه
اذا تقربت لك .. عنـــــي تزيد الاغتراب && ولا تبالي ولا تقدر ظـــــــروفي العاطفيه
أنا فوق الثـــرى عايش وانته عالسحاب && يا تنزل لي يا أطلـــع لك وننهيـها القضيه
العرض العادي
