واعينــي اللي كــلمـا طــرّف الليل= يجي لها من ســــيرة الوقت لاوي تسري بي الأفكـار وأصــب واكيل= والنفس بيــــن آمــالهـا والمنــاوي ياوقــت لاتقسى على القلب بالحيل= يكــــفيه ماعــانا هموم وشـــكاوي تكـفيـه صــكات الليالـي المحــابيل= يكفيه قضّى جـل عمره شــــقاوي عام مضى لي شــفت فيه التهاويل= ثنتين خلتني مثــــل ذيب عــــاوي راح السـنافي سيد كـل الرجـاجيل= أبوي خلى جــرح بالكبد كــــاوي يالله يامنشــي مـــزون الهـمــاليل= تقســــم له الجنه ســعيد غـنــاوي وراح عمّـــي راعـي البن والهيل= بيته عقب ذيك التراحيب خـــاوي عساه من تحت الغصون المظاليل= في جنة في وسـط بـســتان راوي مــن عقبهم تبـــدل الحــــال تبديل= عــــزّاه ياهـــذا الزمان الفنـــاوي صحيح من قــــال الليالي بها ميل= تجرح ولكـــن جرحها ماتـــداوي يامابها مــن هــم غــم وغـــرابيل= كم بيت عامرصبح يمسي خلاوي لكــــن لنا عـبره علـى مثل ماقيل= العبد مبلي فـــي زمـــــانه بلاوي وصلاة ربي عــــد ماسيّل السيل= على الـــذي خـتم النبيين حـــاوي
صح لسانك وعلا شانك الله يرحم أبوك وعمك والبركه فيك يالطلحي ومن خلف مامات يالذيب تقبل مروري المتواضع ولي الشرف أن أكون أول من يرد على هذه الرائعه أخوك يوسف العتيبي
شـــــــاعـــــرنــا الــطـــلـــــــحـــي 2000 صح لسانك ولاهنت وقصدة جميلة جداً وحضور مميز كعادتك لاهنت ت ح ي ا ت ي
أخي الغالي حبيس المشاعر سعدت بمرورك الطيب ياهلا وغلا الله يحييك ويحيي مرورك تقبل تحياتي
صقر النوايف معزوفة حزينة جات على الجرح العميق صح لسانك ولا هنت قصيدة متكاملة بكل جوانبها غفر الله لوالدك وعمك وأبوي وجميع موتى المسلمين اللهم آميييييين دمت بخير لا عدمناك -------------- مهآآآآآآآآجرة
عليه افضل الصلاوات والتسليم شاعرنا الطلحي حياك الله وحي عزفك معزوفه حزينه تجبرنا بالابحار الى شواطئ حزنها رحم الله والدك وعمك ومثل ماقالوا من خلف مامت يالقرم وانت خير خلف يابعدي ودعواتك لهم مازين منها شي لله درك على هكذا عزف لايجيده الا امثالك صح لسانك مليون في مليون ولاتوفي سجل اعجابي ومتابعتي ننتظر القادم فلا تطيل لانستغني عن امثالك ولاخلا ولاعدم اخوك نايف الشمري
حبيبي واخي حالي الذوق سعدت بمرورك الطيب على القصيده وتعليقك الطيب وهذا من ذوقك ياهلا وغلا تحيات اخوك
الله يغفـرلهم ويـرحمـهم ويـعوض دنيـآهم بالجنـه .. الطحـلي .. ,.,’.. عـزف اكتسى بوشـآح الحـزن . صـح لسـآنك وعلآآ شـآنك مليـون ولآ يكفـون .. وفيـك الخيـر والبـركـه .. بوح لـن نمل متـآبعته .. بشـوق لآخرى ..,.,’..
اقتباس المشاركة الأصلية كتبت بواسطة مهاااجرة ";1796214][ALIGN=CENTER][TABLE="width:80%; صقر النوايف معزوفة حزينة جات على الجرح العميق صح لسانك ولا هنت قصيدة متكاملة بكل جوانبها غفر الله لوالدك وعمك وأبوي وجميع موتى المسلمين اللهم آميييييين دمت بخير لا عدمناك -------------- مهآآآآآآآآجرة[/TABLE][/ALIGN] اختي مهاجره سعدت بمرورك الطاهرعلى القصيده لاعدمتك يالطيبه تحيات أخوك
صح لسانك وسلم قلبك من كل حزن وغم... رحمهم الله ورحم موتانا وموتى المسلمين جميعا ... كالعاد لاجديد تميز وابداع في كل احوالك حماك الرحمن ... دمت مبدع القلم والشعر كما عهدناك أسيرة الود
![الصورة الرمزية [] خفـوٍق الـرِوِح []](image.php?u=44747&dateline=1176313951)
العرض العادي
