بااااااااااااااع كل عاام وانتم بخيرن بمناسبة الشهر الكريم
اول قصه هبال اكتبها لكم في الود
نظراً لوجود العنقز في الكرة الأرضية ، وبما أن المهتوي يقطع المستوي والقرد بعين أمه
غزال ، فمن هذا المنطلق حبيت أن انوه بأنه يجب على كل من يقرا كلامي هذا أن يفصل سلك
المخيخ ويشغل أغنية علوش.
(( تنبيه ))
يمنع منعاً باتاً قراءة الموضوع من قبل صغار السن من هم تحت سن 8 شهور نظراً لوجود
مشاهد فاهره ولقطات مارجة في القصة.
(( تنبيه ثاني ))
يمنع دخول جوال الكاميرا للموضوع.
بسم الله ....
في يوم من الأيام يوم كنت كبير ، من زمان ذا الكلام <000 عمره يمشي بالريوس كنت رايحن
Hospital Market ابشري لي دولاب للملحق المهم مامداي اطلع من البيت عند لفة الشارع
حقنا الا واتذكر اني مالبست نعال ، وارجع للبيت والبس نعالي واطلع مره ثانيه واركب الموتر
وادز للسوق كان ذا الكلام بعد العصر مباشرة يوم السميس (يعني ماادري هو السبت ولا
الخميس ) المهم وانا ماسكن طريق الملك لويس الرابع عشر متجه شمال واذا بي افتح درج
السيارة واخرج منه مزيل رائحة الابط واتدهن عن الشمس واحط بوجهي وبيديني تعرفون
شمس نيويورك ماترحم ولازم الواحد يتدهن من الاشعة فوق البنفسجية ، عقب ماتدهنت حطيت
الدهون بالدرج ومامداي اسكر الدرج وارفع راسي الا والطريق واقف قدامي والله وادخل
رجلي بالفرامل والرجل الثانية مطلعه مع الباب وقاعد اضرب الفرامل التقليدي اللي هو تطلع
رجلك مع الباب وتحطه على الزفلت وتقول اوووووووووووووووح ، عاد الحمد لله الله ستر
ووقفت السيارة على بعد شعره من السيارة اللي قدامي ، انا الحين ماافكر بشي غير بالفرامل
التقليدي اللي حك رجلي حك ، انا ماودي اكثر عليكم افلام كرتون نرجع لموضوعنا ، عقب
الزحمة اللي صارت رحت للسوق واول مانزلت من السيارة واذا بالهئية يجونن ، وش عندك هنا
، قلت لهم ابد والله جاين اشري لي دولاب هما الدولاب البني اللي عندنا بالملحق اللي اول
ماتدخل الملحق تشوفه بوجهك عرفتوه وش يعرفن انا بدولابكم المهم ذاك اليوم دفيتووه انا
واخوي وانكسر مع الجنب وغير ان الدروج نصة ماتنفتح من قدمة ، رحنا جدعناوه بالاستراحة
حقتنا الي بالشانزليزيه اللي جدرانة الداخلية مشطبه وجدرانه الخارجية كله كتابات صايرتن
تسنه دفتر شخابيط مهب استراحة عرفته؟ اللي به مسبح كلوه طحالب عرفته ؟ عاد ناوين
نصلح الدولاب حنا بعدين لا تكثر هرج قلي وش عندك هنا هماي قلت لك السبب تو ولا انت
مانتب معي المهم اركب موترك وتوكل على الله اطلع من السوق ليه اطلع ابشري لي دولاب
ممنوع انت تدور لحالك هنا وليه ممنوع جاين اشري انا ماجيت اغازل وعاد من زين ذا السوق ، احلى وحده بووه وجهه تسنه وجه بشير الغنيم
يله رح اشر دولابك واطلع من هنا بسرعه هني اشوفك تدور هنا ايه طيب مانيب داير ، المهم
وافتكيت من الهيئة ورحت اشري لي دولاب وانا امشي مادريت الا اللي تصفر لي والتفت والقى وحده قططططططططعه تسنه نانسي عجرا
عاد ماادري هي زينه ولا انا اشوفه تسذا عقب ما حرقت مخي الشمس !! المهم والفت عليه
واقول ياجعلتس تصفرين مع سرتس وراتس تصفرين لي شايفتن تسلب عندتس ياجعل
التسلابه تلعب بتس طيب اعصابك لا يطق بك عردز انا كنت ابسالك سؤال هي الشمس لونه
برتقالي ولا اصفر عشاني ودي اشري لي مفرش لسريري ولا ادري وش احط لون ، وانتي
شايفتن زهير مراد عشان تسالينن ، منهو ذا زعير مراط ، هذا لاعب في المريخ السوداني يحب
الشمس ، ايه ماعلي منووه انا ابيك تعلمن الحين وشلون الشمس ، ابد والله طيبه ماعنده خلاف
وشلونتس انتي ووشلون العيال عساكم بخير ، وووووووه بس ياحمرووووه ذا ( مأخوذه من كلمة حمار ) طيب اسمع كم رقم جوالك انت ؟ ، وش تبين بجوالي شكلتس هكر تبين تسرقين الثلاثطعش ريال اللي بووه
مهب علي ذا الحركات ، اجل جاي تشري دولاب اجل هاه ، وقسم هي اللي صفرت لي مهب انا هي اللي تقول لي وشلون الشمس وكم جوالك انا برئ والله العزيم برئ يابيه ، اقول اقطع واخص وامش معي نوريك من المظلوم .......
عاد عقب خمس ساعات رجعت لبيتنا ومامعي لا دولاب ولا شعر براسي حلقون الهئية وكفخون والسبة نانسي عجرا....
.................................................. ...
مايستفاد من القصة :
1- لا تطلع مزيل الابط من الدرج وانت تسوق.
2- الموضوع ماله دخل بالقصة.
3- لا تروح للاسواق الا ومعك امك.
4- اذا صفرت لك بنت اركض ولا تلتفت.
.................................................. ....
المراجع
( البزبوز وبيت العجوز ) - الكاتب - مرهف الاحساس
( الموسوعة في الصور الممنوعة ) - الكاتب - حزين الشاطئ
( الكباب ومعركة ام دباب ) - الكاتب - راعي المشوي
.................................................. ...
انتهى
العرض العادي
