السلام عليكم
حبايبي هذي القصيدة كتبتها وانا في اعمق جراحي ... ولا كنت اظن اني في يوم راح اشتكي
لدمعة!!!
لكن..اذا صار الحبيبه والزمن والناس ضدي وقتها مالي الا اشكي لدمعي واشتكي منه....
عموما.. اتمنى انها تعجبكم... وهذا هو طلبي الوحيد
يادمعة المحروم طيحي وجددي كل الهمـــــــــــوم......واحرقي وجنات شخص عيا قلبه لا يعــــــــي
ياما بكيت وما لقيت اقسى من ادموع امحـــــــروم......ياما شكيت وما اشتكيت الا حرارة مدمعـــــي
ياما رجيت اني اذوق الفرحه لو فالعمر يــــــــــوم......ياما حلمت اني اعيش بعكس ما انا ادعـــــــي
البارحه..حسيت كن الدنيا في عيني حلـــــــــــوم......وجهت غصب ودون لا اشعر يم حلمي اشرعـــي
جالس على باب الأمل..بس انتظر قلب رحـــــــــــوم......بس انتظر منهي الأمل؟ منهي تكفكف ادمعي؟
كنت انتظر فرحه..واثاري الفرح في دربي امعدوم......كنت انتظر ضحكه.. وشفت الحزن دايم مرجعـي
ما كنت اعرف ان الأمل يظلم مثل حظي الظلـــــــوم......ما كنت اعرف انه يناديني للحدي ومصرعـــي
اللي عرفته يا دموعي كل هالعالم شــــــــــــؤوم......واللي عرفته يا دموعي كل وقت تطلعـــــــي
أدري القدر دايم يعيش القلب باحزاني امحكـــــوم......وادري الصبر قد ملني..وانتي قريب تودعـــي
وادري السعاده عيني ابعد من بعد ذيك النــــجوم......لكن قلبي عيا يفهم ظلم هالدنيا ويعـــــــــي
يا دمعة المحروم كفي..امتلت منك الكـــمـــــــــوم......يا دمعة المحروم كفي عن عذابي واسمعــي:
ياما تمنيت السعاده فعمري لو لحظه فيــــــــــوم......ولا ما لقيت الا التعاسه كل وقت وهي معـــي
والبارحه..توي عرفت البارحه..كانت حلوووووووم......والا الحقيقه كنت عايش ما معي غير ادمعــي
العرض العادي
