تعال يامحمد يابن تركي تعال محاوره

الجـ<قمة الساحه>ــزل · 12-08-2005, 08:11 PM

اخوي الغالي محمد القلوب نضاف انشاالله
واستلم الله لايهينك
وهات الرد واسر ياليل

ابدع جزيل القاف وأبدا بالسلام=من هاجس(ن) مرموق مايلحق مداه
تعال يامحمد ولد تركي تعال=واللي عقد روس الحبال يحلها
انته ترى غالي ولك عندي مقام=مقام عالي يامحمد مستواه
تستاهله ياذيب شييال الثقال=واللي عقد روس الحبال يحلها

محمد بن تركي · 12-08-2005, 09:07 PM

استلم لاهنت :


	حييت بنجد والا بعال(ي) الشام لك المحبه يالجزل على مستواه --------------------------------------- حـييت يا الفـذ ياقـرم الاعيال واللي عقد روس الحبال يحلها ------------------------------------- يالجزل ابا انشدك عقب السلام ابا انشدك عن القلب وش رداه ------------------------------------- ابا انشــدك عنه وراه ميـــال واللي عقد روس الحبال يحلها

الجـ<قمة الساحه>ــزل · 13-08-2005, 12:50 AM

دام البقاء والنور جلاي الظلام=دام البقاء والعد يروي من نصاه
واشرب من الجمه من الصاف الزلال=واللي عقد روس الحبال يحلها
مافات مات ومن وقفلك باحترام=وقفة سنافي واجب تحقق رضاه
وانته تعرف العلم وعلوم الرجال=واللي عقد روس الحبال يحلها

a99a · 13-08-2005, 01:42 AM

اخواني المعذره على الدخول الخاطئ
اذا فيه مجال اسمحو لي بمشاركتكم
واتمنى ان اقدر على مجاراتكم

ابدا واضم الحرف واسوق الكلام = واشد من حبل الشعر وارفع بناه
واقول للشعار من راعي السؤال = واللي عقد روس الحبال يحلها
المعذره لاجيتكم وانا مخالف للنظام= ودي اشارك واعطي العارف نباه
جيت بزهاب الفارس ان حصل مجال = واللي عقد روس الحبال يحلها

@سحـكل البارود@ · 13-08-2005, 04:26 AM

الله الله واصلوا وحنا متابعين !!!

وإن كان بتخلونها رباعيه درجت معكم

الطلحي2000 · 13-08-2005, 11:19 AM

إخواني
ماأدري إذا كنتم توافقوني الرأي أن يحدد موعد لشاعرين في ساعه محدده ويوم محدد لتكون المحاوره بينهما مع مشاركة الاخوان الشعراء الآخرين ليكون التواجد لأكبر عدد ممكن من الشعراء
هذ مجرد إقتراح والراي للجميع 00000تحياتي

الطلحي2000 · 13-08-2005, 11:22 AM

إخــــــــواني

ا لمعذره على الدخول ولكن إسمحوا لي بمشاركتم

خذوا مني هذي وهي ليست موجهه لواحد مخصوص:

أعداد برق لاح في عالي الغمام0000000000سلام من شاعــر رفــيــع مبتغاه
لاصحابنا أهل المروه والكــمال0000000000واللي عقد روس الحــبال يحــلها

الكل له حشمه مع الربع الحشام0000000000والكل مثل النجم في عالي سماه
درب الموده مايجـي فيه إختلال000000000واللي عــقــد روس الحبال يحــلها

غبار العشق · 13-08-2005, 11:41 AM

الطلحي .. حياكـ الرحمن ..

وأنا معكـ في الرأي اللي ذكرته ...

وإن شاء الله بنحاول ... ننسق في الموضوع مع الجميع ...

تحية تشبه قلوبكم ...

عبدالعزيز9999 · 13-08-2005, 12:47 PM

اعذروني على المشاركة ،،،
اتمنى ان تكون هالبيتي اللي انا كتبتها على قد المقام،،

ابدا سلامي غير كل السلام= بسم ربي لاغيرة ولاسواه
ربي اللي ارسى كل الجبال=ورفع السماء بقوة وعمدها
لكم تقدير فوق كل مقام=ولكم غلا محدن تعلاه
محتلين الروح عندي إحتلال=طيبكم تشفي الروح من علالها
جيتكم اخو ماهوب كلام=يبشر بعزه اللي تمناه
ابشرو بثقل ماتشيله جمال=ابشرو باللي لاقال فعلها

تحياتي اخوكم عبدالعزيز

محمد بن تركي · 13-08-2005, 03:30 PM

(الى جميع الاخوه اوافق ماذكره اخونا الطلحى من تحديد الاسماء والوقت)

وودنا اخونا الطلحى يلعب رديته مع اخونا سحكل البارود الليله الساعه العاشره مساء ان كان الجميع سيمعنا واما انا بلاعب رفيق دربي الجزل (قمة الساحه).

وارد واقول:استلم يالجزلــــــــــــــــ(لاعدمناك استلم)ـــــــــ:


	الا ياحــمــام السـلم ياحــمام علينا رف جنحانك علانا وعلاه --------------------------------------- نسينا مامضـى وحليـنا العقال واللي عقد روس الحبال يحلها ----------------------------------------- هذي يدي وامسك بها اللـجام وعطني يدك اعطيك اللى تباه ---------------------------------------- دربك خـضر وامش بـكل اعتدال واللي عقد روس الحبال يحلها