قمة الساحة (( مطلوب هنا ))...

[@سحـكل البارود@]

طيب طيب


أستلم ياقمة الساحه لاهنت..!!

جيتني طــلاب حق وأبشر بقــاضي يعـافي ..=..كسر ساق أهل المعاني بالعلوم اللي رشفها
مير خصمك ياعميل الخير في جوف اللحافي..=..مــا سمعنا قــالته لجــل الخطــايا أكـتشفها

[الجـ<قمة الساحه>ــزل]

انت شاعر معتبر قرر لنا الدعوى عوافي=ادرس الابيات ذيك وشوف من هو محترفها
والفتى لاشاف ماينعاف مثل الناس عافي=والخطاء ماني باحبه عملة(ن)ماحد(ن)صرفها

[@سحـكل البارود@]

الله الله


أستلم لا هنت..!!

كــانها فــالوزن والميـزان..رميه حيل هافي..=..ورميتك صابت هدفها شمس ما واحـد كسفها
وكانها قضوة معـاني فالنهر عــدة ضفافي..=..مالي إلا هــرجة الرجال .. وأي ضـفه قصفها

[الجـ<قمة الساحه>ــزل]

مادخلني شك وانت اليوم يارجال وافي=والذنوب ذنوب ماتكتب على اللي ماقترفها
علم محمد ترى قلبي على ذيبان صافي=شلفة مزوح القوافي كل شاعر يشتلفها

[@سحـكل البارود@]

أستلم لاهنت

الحقايق ياعميلي طعمها مر(ن) وشافي..=..والهروج طوال والعاقل يصكك في درفها
كـلنا نبدا صغار ونصطبر وقت العجافي..=..والله أكبر والكبر فالمعرفه يلعن جـدفها

[الجـ<قمة الساحه>ــزل]

صادق(ن) بالقول ياسحكل وسجلت اعترافي=ماتقول الا الحقائق والحقائق من شرفها
والمزوح امزوح والدنياء طلبتك يامكافي=ياولي انت الوحيد اللي عليم(ن)وتعرفها

[@سحـكل البارود@]

أستلم يا قمة الساحه


لاهنت..!!

دام ستر الله سترنا خل ستر الله ضافي..=..والمزوح إليا رطبها زاد يبيحرق سعفها
صاحبك لا صار جافي لا تشابه وتجافي..=..أرحمه مثل الرحوم اللي خطايانا حذفها

&&&&&&&&&&&&&&&&&&&&&&&&&&&&
&&&&&&&&&&&&&&&&&&&&&&&&&&&&

صح لسانك ياقمة الساحه وبيض الله وجهك

كفيت و وفيت

نفسك طويل ماشاء الله عليك

إن شاء الله يتجدد اللقاء في وقت لاحق

لك احلى تحيه

[غبار العشق]

ســ ح ــكل البارود ...
قــمة الــ س ــاحــة ...

يعطيكم العافيه .. على هـ الإبداع إللي يكتب بماء الذهـــب ...

لاهنتوا ... ونتمنى يتــ ج ــدد الإبداع فــي أقرب فرصه ...

لكم مودتــــي ...

[الجـ<قمة الساحه>ــزل]

[a7la1=#FFFFFF]بسم الله الرحمن الرحيم
اخوي سحكل البارود واخوي نديم الشعر
اولا اشكر البارود على هذه المحاوره الثمينه
واشهد انه من افضل الموجودين بالساحه
واتشرف بمحاورة شاعر كبير بحجمه
وثانيا اشكر اخوي نديم الشعر وكل من تابعنا
على المتابعه والمديح الذي يزيد من معنوياتنا
ولكم اجمل تحيه0000[/a7la1]