أنا والنمله والفلم الهندي***موضوع لايخلو من التلفيع**ـــــ متعووووب عليه

[شيط**بيط]

قصه اغرب من الغيال

بقولها وبدون مقدمات
انا كنت منبطح بالحوش وقاعد على حصيره جدتي اللله يحفظها واذاكر عندي اختبار برمجه والماده هذي صعبه بالحيل
وانا داخل جو بالمذاكره
واسمع لك هذاك الصوت
تقول لي يالاخو يالاخو
انا اناظر مالقيت احد شسالفه؟؟؟

وبرضو الصوت نفسه
تقول لي يالاخو يالاخو انا ناظرت تحت ولا هذيك النمله الي تشر لي وتقول هنا هنا..
انا قعدت اناظر قالت ممكن دقيقه من وقتك
انا طبعاً استغربت وقلت سمي امري
قالت ممكن شوي
قلت من عويناتي الزرق

<< عيونه مو زررق لا تصدقووون

المهم قالت تكفا يا اخوي شيط
ابي تسمع لي
قلت قولي
قالت انا حالتي حاله ولا لقيت الي اشكي له
او افتح له صدري

اانا قلت لا لا اعوذ بالله الا هذي

<== راح فكره بعيد
قالت لا لا لا لاتفهم غلط
قلت قولي
وقعدت اسمع لها وانا متركي وحاط يدي على راسي
قالت لي هالنمله
انها كانت تكلم صرصور وانه سجل عليها ويهددها
وبين فتره وفتره يجيها بمصيبه وانا مصورها
وتبني افكها من شره
انا قلت ولا يهمك افا عليك
المهم وانا قاعد اسولف ويا هالنلمه جد جدتي تبي الحصيره حقتها انا شلت النمله وحطيتها بمخباتي
قالت جدتي شيطوه
قلت سمي قالت من كنت تكلم تو
قلت لا لا قاعد اكرر الجمله عشان احفظ التعريف
قالت ايه انتو يالشباب ما عندكم سالفه وانتو .. وانتو 0000سوالف عجايز لا تشرهون تبين انها تعرف كل شي 0000
راحت جدتي وانا طلعت النمله من مخباتي
وقلت لها معذره بس جدتي هذي ما تقدر الحب
قالت ابكمل قلت كملي
قالت لي وهي تبكي
انها تزوجت من واحد ودرا بسالفتها مع الصرصور وططلقها وانها الحين ام عيال
وانها كانت تراقبني وانا ادرس وانها معجبه فيني
وتحبني

<======== خق الولد ;(

انا قلت مشكوره وماقصرتي
وقعدنا على هالحال
كل يوم العصر اطلع بالحوش واقابلها
ومره شافنا الصرصور وحنا نسولف مع بعض وقال افااااااااا
تسولفين مع هذا انا اوريك
وراح
النمله بكت وقالت يا شيط يا بعد قلبي تكفا فكني منه
....................
طبعاً لاني رقيق مشاعر وحساس
ما قدرت اطقه بالنعله___تكرموون__
رحت جبت بف باف مبيد الحشرات

<== يسوي دعايه لبف بباف

ولحقته ورشيت عليه
الصرصور هذا اسمه بوشنب ونص
لان طرف شنبه الثاني مقصوص
الصرصور ما مات
انحاش وتخبا
بس اصيب باصابات بالغه
المهم ابو شنب هذا حقد علي انا والنمله
وجا للنمله بالليل
وذبح عيالها
الصبح
000000000000
وانا نايم بفراشي يوم الخميس جتني النمله وتقومني وتهزني تقول قم قم يا ولد قم
انا قمت مفجوع قالت يرضيك وهي قعدت تبكي قلت لا لا ما يرضيني بس وش
وبدون مقدمات ولا فاصل اعلاني ولا شي ان عطست وفي ضرف ثانيه مدري وين راحت النمله طارت
وقعدت ادورها بالغرفه اليييييييين لقيتها
مسيكين لقيتها مكسوره رجلها
المهم جبرت رجيلاتها وقالت لي ان هالصرصور ذبح عيالها
انا مت قهر وقلت لا والله ما اخليه
وانا ابو شخابيط
وادور بالغرفه ادور والقا لك هذيك الزبيريه الي يحبها قلبك
وانقعها بمويه نص ساعه
اليييين طلعت النعله خااااثره- وانتو بكرامه-
وادرو هذا ابو شنب
واطلع له بالحوش واقول له انت يا ابو شنب اذا انت رجال تعال قابلني
وطلع لي وقال اذا انت رجال تعال وضارب بدون اسلحه
قلت ولا يهمك
وارمي لك النعله
واطيح بالصرصرو هذا ابو شنب ونص ضرب
وهو يضربني وانا وياه ضرب هو يضربني وانا اضربه ومافيه الا تفقيع وجيه وبووووقصصااط
الين سمعت النمله تقوله اذبحه يا شيط وهذا مهري
انا يوم سمعت هذا مهري تشجعت وقلت هلا 777777777777 واللللللللللللللللللله
وانقز لك على بطن هالصرصور واسوي له سوبر سوبليكس خلفي وابطحه
واجيب النعله والفعه فيها لفعه اغمي عليه فيها
والفه اللفعه الثانيه ولا راسه بجنبه

الللللللللللللللللللللللللللله
ذبحت الصرصور
وقمت من جثته
وتجيني النمله تبوسني وتضمني
وانا مستحي اول مره تصير لي هالسوالف
وقالت انت فارس احلامي .... انت حبيبي ونور عيني ... انت الي تحميني من الاشرار ... وبعدها النمله طالعت الارض وقالت لي احببك يا شيطوه يا بعد عمري

انا خقيت ولا ادري ويني فيه وجهي حمر وزغيداتي زرقن
وقلت لها وانا احبك بعد ولا ما كان ضحيت من اجلك

وبعدها باستني
ونويت انا وياها اننا نتزوج
ورحت اخطبها من خالها وخطبتها وتزوجنا طبعاً هديه زواجها كرتون بفك ابو نص هذا فش فاش اذا تعرفونه
يعني تكلفه الزواج كلها مع الطقاقات ما تجي عشره ريال والبيت بخمسه يعني خمس طعش ريال ه يالله لك الحمد

النمله هذي انا احبها وهي دايم معي بالجامعه بالبيت بكل مكان
دايم اخليها بمخباتي واحط لها بسكوته ولا شي تتونس فيها
وبين فترات البريك بالمحاضرات اطلعها واسولف معها وهي تضحك وتسحرني بعيونها واذوب على جمال شعرها الاشقر
واذا جا الدكتور انا ادخل
وعشنا انا وياها وحنا نحب بعض

وقررنا ما نجيب عيال الا اذا تخرجت انا من الجامعه هههههههههههههههه

النلمه هذي تحبني حيييييييييييييل تغار علي حتا من امي اذا نا دتني
الله يهنينا ببعض
ما بديش اطول خير الكلام ما قل ودل ...
ودمتم سالمين..
هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه
ههههههههههههههههههههههههههههههه

[(ولد الخبر)]

ههههههههههههههههههههههههههههه

خخخخخخخخخخخخخخخخخخخخ

الله يرجك

خليتني اخش جو مع القصة

يعطيك الف عافية

[ميــ قمر14ــشو]

الله يديم المحبة بينكم ان شاء الله ,,, وعقبال ما نشوف أحفادكم



بس جدتك وش رايها بزواجكم ؟؟؟ يمكنها من الشياب اللي يعارضون فكرة الزواج عن حب



مشكووور أخووي شيط**بيط على هالموضوع الحلووو ,,, وحياك الله معنا في منتدى الود ,,, وان شاء الله تقضي معنا أسعد الأوقات ,,, وتفيدنا وتستفيد منا ,,,


ونحن بانتظار المزيد من مشاركاتك المميزة ,,, ونتمنى ألا تبخل علينا بها ,,,


الموضوع مميز ويستاهل التثبيت ,,,

[عسل الخبر]

نياهاهاهاهاهاها
حلوووووووووووووه
أندمجت مع القصه
وصارت فلم هندي ( وقعدنا على هالحال
كل يوم العصر اطلع بالحوش واقابلها )
أما هذي الجمله رومانسييييييييييييييييييييه
مشكور على الموضوع أخوي ... شيط ** بيط
وننتظر جديدك
أختك
عسل الخبر

[ركود ركود الزعيم موجود]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههه


مشكووووووووووووووور على القصة وعقبال مانشوووووووووووف عيالكم

امزح معك .