((قصة مؤثرة جدا)))))
السلام عليكم ورحمة الله وبركاته
اسرة مكونه من ابو عبير وام عبير وابنتهما عبيرالتي لم تتجاوز الرابعه من عمرها قدر الله لها بحادث توفيت فيه الام ونجا ابو عبير وعبير
ثم قرر ابو عبير الزواج من اخرى اسمها مها ثم اتت مها الى منزل الزوجيه وكانت مها تتظاهر بحب عبير وتعتني بها وتعتبرها ابنتها وفرح ابو عبير بذلك وكان دائم الثناء على مها وكان الاب يحب عبير جدا ودائما يلعب معها وكانت مها تغار من عبير خاصة بعد انجابها لطفلها الاول لان ابو عبير يهتم بعبير اكثر من الطفل وجن جنون مها وقررت الانتقام من عبير وعندما يذهب ابو عبير الى المؤسسه تقوم مها بضرب عبير وتهديدها بحرقها بالنار اذا علمت ابوها وتجعلها تغسل الحمام والمطبخ وتجعلها تذهب الى المدرسه وهي تبكي ولا تخليها تلمس ولدها الصغير وابو عبير لا يعلم شيئا
ومرة جاءت رساله الى مكتب ابو عبير من مديرة المدرسه حيث تقول ان عبير كثيرة الغياب وتأتي الى المدرسه بلباس متسخ ولا تعتني بنفسها فإستغرب ابوعبير وهو يعرف ان إبنته عبير من الاوائل ومهتمه بمنظرها فذهب فورا الى البيت وكانت الساعة 10 صباحا تقريبا وصادف ان عبير كانت غائبه اليوم فدخل ابو عبير وإتجه الى غرفة مها وأقرئها الرساله وخافت مها وفجأه خرجت عبير (وهي لا تعلم بوجود اباها ) وهي تبكي وتقول ماما تعالي في صرصور في الحمام وانا خايفه ما اقدر اغسله وتفاجأ ابو عبير وقال لمها عبير ما راحت المدرسه؟؟؟ وقالت مها انها تعبانه اليوم وخليتها تغيب وبدأ ابو عبير يشك بمها . وفي يوم من الايام رجع مبكر ودخل بسرعه لقى بنته تغسل الصحون في المطبخ وملابسها مليئه بالماء وأستغرب وسأل عبير ليه تغسلين الصحون؟ وقالت ان مها تخليني اغسل الصحون كل يوم وسألها ابو عبير ليه ما علمتيني؟ قالت عبير ان مها قالت اذا علمتي ابوك ابي احرقك بالكبريت وانا خايفه من الكبريت فجن جنونه وراح لغرفة مها لقاها نايمه وشدها من شعرها وسحبها سحب الى المطبخ وقالها يا ظالمه شوفي وش سويتي ببنتي وانا أمنتك عليها واعتبرتك امها ويضربها ويعطيها كف على وجهها وقالها روحي بيت اهلك يا الظالمه وطردها من البيت وراح عند عبير يسليها ويلعب معها. ومن بكره في الصباح يخليها تروح المدرسه وفي المساء تجي معه الى المؤسسه.
ومره راح ابو مها الى المؤسسه يحاول يصلح الوضع ودخل مكتب ابو عبير
لقى عبير ولما شافته ركضت الى ابوها وهي تصيح وخايفه منه وراح ابو عبير الى ابو مها وقاله شف بنتك وش سوت ببنتي صارت تخاف من الناس كلهم بسبة بنتك وحاول ابو مها يصلح الوضع ووعده ان مها تتغير وتهتم بعبير ووافق ابو عبير (وليته ما وافق ) ورجعت مها وهي حاقده على عبير مرة وكانت تعامل عبير زين وابو عبير ما يثق فيها وخاصه في شؤون بنته ومرت الايام ومرض ابو عبير ودخلوه المستشفى ويبي يرقدونه شهر وفرحت مها وقالت فرصتي انتقم من عبير ورجعت زي اول في معاملتها لعبير وكان ابو عبير خايف على عبير مرة وبس يسأل عنها ومره راحت مها ال ابو عبير في المستشفى وسألها عن عبير وقالتله ان عبير وبناتها(طبعا الله رزقها بأربع بنات ) عند اهل عبير وصدق ابو عبير ووصاها على عبير ولما طلعت مها من المستشفى وركبت سيارة اخوها سألها اخوها ليه تكذبين يا مها انتي تركتي عبير بالبيت ردت عليه انت مالك شغل وسكت اخو مها (واسمه احمد) ولما دخلت مها البيت دخل وراها اخوها احمد وسمع صوت صراخ من الغرفه حقت عبير وركض للغرفه لقى مها مسكره الباب على عبير وجن جنونه ونادى مها وخلاها تفتح الباب لعبير وصرخ على مها وهددها انه يعلم ابو عبير وضربها وقالها يا ظالمه هذي أمانه في رقبتك خافي من ربك يا الظالمه وصار احمد دايم يجي عند مها ليهتم بعبير
ومرة طلبت مها من عبير تقوم تسويله شاهي وقالت عبير انا ما اعرف اولع النار قامت مها صرخت عليها وضربتها وخلتها تقوم وراحت عبير بالمطبخ وحاولت تولع الغاز بس شب الغاز بالمطبخ كله وصدف ان احمد كان داخل مع باب البيت وسمع الصراخ وراح الى المطبخ بسرعه ولقى عبير شابه النار فيها وبسرعه خذاها للمستشفى ورقدوها ورجع احمد وهو زعلان وسأل مها وش السالفه؟ قامت مها تبكي وتقول عبير الله يهديها دايم تلعب بالنار وانا دايم احذرها بس هي ما تسمع الكلام وقامت اخت مها (وكانت موجوده عند مها وقت الحادث) وقالت مها كذابه مها تكذب هي الي طلبت من عبير تسويلها شاهي وقالت عبير انا ما اعرف اولع الغاز وقامت صرخت عليها وضربتها هي السبب وقام اخوها يضرب مها ضرب غير طبيعي وجرها جر الى بيت ابوها وقال لابوها السالفه وارتفع الضغط مع ابو مها وقام يضرب مها وبعدين حست مها بغلطتها وفجأة دق ابو عبير على بيت ابو مها وقاله وش فيهم بيتي ما يردون؟؟ رد عليه ابو مها وقاله لا مافي شي بس عبير معها حمى وودتها امها المستشفى وما فيها الا الخير ان الله . اما مها صارت ما تطلع من غرفتها ابد بس وتنتظرعبير تطلع علشان تتأسف لها وتحسن معاملتها. بعد يومين راح احمد للمستشفى يشوف عبير دخل غرفتها ما لقاها بعدين راح بسرعه الى الدكتور وقاله ان عبير ماتت من تأثير الحروق وجلس يبكي احمد بعدين راح لبيتهم وقال لابوه وقام ابو مها يبكي ويقول وشلون اقول لابو عبير وعلمت مها بالسالفه وصارت ما تغادر غرفتها ابد بس تصلي وتستغفر ربها اما ابو عبير دايم يتصل ويسأل عن عبير وعن مها مره يقولون نايمين ومرة طالعين شك ابو عبير وهرب من المستشفى وراح بيتهم وما لقى احد بعدين راح بيت ابو مها ودخل عليهم فجأة ارتبك ابو مها وقاله ابو عبير: وين عبير؟؟؟ وقاله ابو مها اجلس الحين نجيب عبير وجلس وقاله ابومها يا ابو عبير ودي استشيرك بشي قاله ابو عبير خير ان شاء الله قاله ما في الا الخير بس واحد عندنا في العمل خذا مني امانه وبعدين لم قلت له يرجعها رفض وش رايك؟؟؟ قاله ابو عبير خذ الامانه منه واشتكه للمحكمه هذا ما يستحي قام قاله ابو مها طيب وانت اذا واحد اعطاك امانه ترجعها له قال ابو عبير اكيد قال خلاص الله عطاك عبير امانه وخذاها منك قال ابو عبير يعني ماتت عبير؟؟؟ قاله ابو مها أي وانت رجال مسلم مؤمن بقضاء الله وقدره وبعدين بكى ابو عبير ورجعوه للمستشفى وبعد اسبوع طلع من المستشفى راح يبي ياخذ مها بس مها ما ترد قال خلاص اجي آخذها بعد اسبوع وكان طول هالاسبوع جالس بغرفة عبير يتأمل صوره عبير ويبكي وبعد اسبوع راح يبي ياخذ مها بس رفضت تتكلم وراح ابو عبير لغرفتها وحاول يكلمها وما تتكلم وبعدين ناظرته وبكت وقالت اشهد ان لا إله إلا الله وان محمد رسول الله وماتت وجلس يبكي وبعدين خذاها وغسلوها ودفنونها.........
((((ارجو ان تكون القصه اعجبتكم))))
مع تحيات : ابو فـــــــــــهـــــــــد
العرض العادي
