قمة الساحة (( مطلوب هنا ))...

[@سحـكل البارود@]

قمة الساحة

,,, أستلم لاهنت ,,,


*****************
*****************

سلام والتسليم سنّـة هـل الديـن ..=.. يا قمة الساحة بدا هرجـك يضـج
كلن يحب أسمه طريـد العناويـن ..=..لين أصبحوا في القمة أكثر من الحج

******************************************
((((((((( قمة الســــــاحة ))))))))))))





مع التحيه اخوي سكحل البارود 00 عذرا تاخرت لاني لم اتصل الا ذلحين

وأستلم..

يامرحبا باللي يسلم من ايميـن = ياسكحل البارود ماطرت بالعج
كلن يبى نجمه مع الناس ويبين = لكن نعرف من تعلى ومن دج

******************************************
(((((((( ســـحــكل البـــارود ))))))))))))



قمة الساحه ,,


أستلم لاهنت,,

دام البقى وبعض القذا يعمـي العيـن ..=.. يا صاحبي زلزل عسى الأرض ترتج
أكل السفرجل سهل ماهو كما التيـن ..=.. له سنة(ن) في الأكل..قطفه بمنهـج

******************************************
(((((((((( قمة الســـاحة )))))))))))))


سحكل البارود

أستلم لاهنت

الله رسم فالارض للخلق فجيـن = فج(ن) لنا واللي تردو لهم فـج
لكن خلق الله بعضهم ملاعيـن = مع درب غيره قام يمشي ويعرج

******************************************

قمة الساحة


أستلم لاهنت



.................................................. ................................

عــقــم الصحـاري ما تولّد بساتين ..=.. وقاموس جارح مـا ظمن طاير الوج
بوجه العواصف ماثبت بيت من طين ..=.. يطـــيح بيت الطـين وراعـيه يحتج

[الجـ<قمة الساحه>ــزل]

الصقر لامن طار صف الجناحين=علا مطيره مايجي جثة الحرج
هذي هي الدنيا سلوم وقوانين=واللي صبر لابد مايوم تفرج

[@سحـكل البارود@]

راحت مراح الطير


قمة الساحة

,,أستلم لاهنت,,

أحد(ن) لقــا شرّاي سـاوم على ألفين ..=.. وأحد(ن) خسر ســوقه ولو بألف حرج
وأحد(ن) عرف صيته وياخذ على الدين ..=.. وأنتـه بعـيـنك فـي البضــايع تفــرج

[الجـ<قمة الساحه>ــزل]

السوق جيته واهله اليوم لاهين=ساقو نظرهم يم بنت(ن) تغنج
والدين اعرفه مير مافيه وافين=فيه اللذي لامن عطيته تسمج

[@سحـكل البارود@]

قمة الساحه

أستلم لاهنت,,

شفت البلد قصـة حـكوها المزايين ..=.. مــا تخـضع لمخـرج وعـيت تمنتج
وإن قلت لا..قالوا حكي من معادين ..=.. ضد النجـــاح وضد مبداء التخرج

[الجـ<قمة الساحه>ــزل]

هذي هي الدنيا مع الوقت ذلحين=للغرو كلش والبقيه تفرج
والاولين ابهم رجال(ن) موامين=الحق راع الحق ماهوب يفلج

[كحيله]

محاورة ولا أروع

ابيات جزله من جزليين

انا من المتابعين

[@سحـكل البارود@]

قمة الساحة


أستلم لاهنت,,

البقى يا من ترحب هات والمعنى إحترافي..=..قالة(ن) بالطيب تلقى في هجوسي محترفها
منتدى هــمس القوافي به كثيرين النظافي..=..لا تـلد العيـن فـاللي كـل مـزيونه خـلفها

[الجـ<قمة الساحه>ــزل]

زرعة التاريخ تحكي بالسوالف يامشافي=الله اكبر والحصيني كيف بالله يخطفها
دارت الايام دورتها وبين كل خافي=بينت ليه خلفها عقب ماراحو سلفها

[@سحـكل البارود@]

ياسلام يا سلام

أستلم يالقمة لاهنت..

شـعلـة التاريخ تـبقى لـو طفوها بالمطافي..=..والحصاني سيل مزن الوافيه عنّا جرفها
والسلف عقبه خلف وافي مثل ما كان وافي..=..لاتطبق مصطلح نــار(ن) يرمــدها خلفها