اخباركم يااعضاء الود الطخووم والله لكم وحشه من بعد هالاختبارات والغثا والعروووس والذبايح خخخخ
هذا اول مووضوع اكتبه عندكم بعد غياب دام اشهر.. بس اعذروني ماراح اكتب مقدمه للموضوع
لأني قبل شوي كنت متحمس وكتبت مقدمه طويله طول ابليس وبعدها علق الجهاز وفصل هع
المهم بادخل بالسالفه على طول اذكر صارت لي قبل سنتين في مثل هذا اليوم في عطله الصيف وفي ومثل هذي الساعه بعد .. كنت منسدح في غرفتي على سريري المقطن من كثر التبطح والتمورس عليه وفاتحن فمي كالعاده مترين في مترين والسعبوله تقطر وناشفه على خشتي ..
وتطقني ام الهواجيس واقعد افكر في مستقبلي وشريكه حياتي وافكر ليش ابوي معيي مااخذ الا بنت عمي .. وكل مااتذكر هالسالفه امسك مخدتي والعن مصيرها وابرد حرتي فيها واطبق عليها حركات الحانوتي وكين حقين المصارعه اللي كل ابو دايم تجي على القناه الاولى
وانا متحمس وداخل جو مع المخده الا يدق جوالي دقه ويقفل !!!!!!!!!
واخذ الجوال واكمل عليه والعن جدفه واصفه جنب المخده -->والله من القهر
طبعا بحكم ان نوع الجوال الرهيب فهو كبير ويساعد على المصارعه معه ..!!
والله وافتح واشوف من هالقلق اللي متصل ويطلع لي رقم غريب كان رقم بيت الوكاد انه من جده ..
وبحكم اني شاب سعودي مهف دقيت على الرقم وترد علي ذيك البنت الجداويه اللي اول ما سمعت صوتها رحت اخرخر ..وانا اللي اصك الجوال في وجهها على طول ولاقدرت اتحمل صوتها العذب اللي حرك جميع غرائزي المغروزه فيني
واقعد انتفض على السرير ->اول مره بنت تتصل عليه
واقعد ادور طريقه عشان اشبكها واسمع صوتها مره ثانيه ..
المهم جهزت لي كلمتين وحطيتهم على بعض وكتبتهن في ورقه واتصلت عليها !!
والله وترد علي البنت بصووت نااعم قصصصم بالله ياعيال صوتها صوت خثره احس انها تكلمني من تحت السرير خخخخخخ
المهم قعدت ارضع انا واياها واخذ واعطي معها في الحتسي وشبكت ام امها وتعرفت عليها وضبطت علاقه بريئه معها << ايه هين
ومن خلال مكالمتي معها عرفت انها تبي تقنعني اني اسجل في مستوصف الطب البديل !!
(وش انت يا هالطب البديل لا تسألني خخخخ)
قالت لي تعال بسرعه بأسرع وقت وانا مستعده اتكفل فيك واسكنك عندي بس بشرط انك تسجل في مهعد او دوره الطب البديل ..
انا على الريحه وبدون ماافكر قلت يالله جايك بس احسبي مسافه الطريق-->>عاد من قل المسافه من الرياض الى جده
والله واطمر من السرير واقربع على خشتي كالعاده بسبب ارتفاع قامه السرير وطفاقه محدثكم بسبب المكالمه !!!
واجهز اغراضي وعدتي واكتب رساله لاهلي واحطها على سريري -->مشكله اللي مدمنين على روتانا سينما هع
وادق سلف وعلى جده .. وانا ماسك الطريق قلبي يقرقع وكل ماتذكرت صوتها احس بخفقان وغثيان في القلب-->>لاتدققون واجد خخخخ
المهم وصلت ضواحي جده الساعه سبع الصبح واتصل على البنت مره مرتين عشر ماترد ..
انا ماجاز لي الوضع وشميت ريحه خيانه في السالفه وماكنت متوقع ابد اللي راح يصير بس تدرون البنات بطبعهن الغدر ومعروف المرأه مخلوقه من ضلع عوج (بالعربي لاتشرهون عليها) <<--ياحبي للتقطيع في البنات
واستمر اتصال ينطح اتصال الى الساعه عشر ولافيه فايده !!!!!
المهم بعدها تأكدت ان الموضوع ملعوب وفيه إن واخواتها ..
واتذكر اني لي واحد من الجماعه ساكن في جده وعنده عماير وشقق ..
وامسك الجوال وادق عليه وصرفت له سالفه اني محتاج سكن ضروري ولاعندي ولاقرش واعطيه من هالرخيص.. وقعدت ساعه وانا اقردن فيه لين وافق اني اسكن في شقق عوايل (وناااسه)
واخيرا رحت لم الشقه واجر اذيال الهزيمه والانكسار ودموعي اربع اربع بسبب خويتي واتمدد على السرير واتذكر صوت (سوسن)
-->>البنت اللي كلمتني واتحسف على المشوار اللي قطعته عشانها خاطرها
المهم اتقلب يمين يسار ابي انام ماقدرت كله بسبب هوا المكيف اللي كان يلفح في خشتي قلت خل اجيب السلم واصدد ريش المكيف عن السرير ..ويوم رقيت سمعت اصوات تجي من المكيف والاصوات كانت تؤثر على نفسية اي عزوبي ساكن في شقق عوايل (عقب ما طلعت روحه من قردنة راعيه عشان يوافق يسكنه)
طبعا المكيف كان واحد مركزي لكل ثلاث شقق قلت خل اروح اشوف وش سالفة هالاصوات..
واوخر طباقة المكيف واطمر واحبي وسط المجرى وكل مالها تزيد هالاصوات..
واوصل لم فتحة مكيف جيراني الاجانب واطل مع الشقوق والقى واحد ووحده موسعين الصدر ووضعهم ما ينوصف لانه -18 طبعا انا انبسطت وقعدت اتفرج بس قلت خل امشي.. مهوب زود عقل بس خفت لا تتفاقم عندي الامور وسط هالمكيف وبعدين اشقص ولا اقدر اطلع خخخخ
واكمل المشوار وسط فلتهم واوصل لم فتحة المكيف حقت الغرفه الثانيه واويدز منها والقى نفس الوضع اللي كان في الغرفه الاولى.. قلت في نفسي لعنبوا هالاجانب يتقاطون في بيت واحد ياحبهم للتوفير ..
واكمل مشواري قلت خل اشقر على باقي الغرف ومثل ما قلت مهوب زود عقل بس للسبب الانف ذكره ..والظاهر ان البرد لعب في مقفاي وجاه ابا الوجيه وعبر عن غضبه بطريقته الخاصه وسمعت اللي كان في الغرفه يهاوشها وهي تقول ما عملت ايشي
ومع تغير الجو من برد لحر جتني العطسه واحاول اعطس وما تطلع كل اللي في خشمي شاقص من هالصقوعه في وسط المكيف مره ثنتين والثالثه..والله وتطلع وتتل معها كل اللي في خشمي ويكمخ في مرايتها وتنكسر ..
ما دريت الا البنت تناظر فيني ومع الروعه اللي جتني طحت عندها.. قالت لي شو هيدا وشو ياللي جابك من عالمكيف ما بتستحي ع وشك؟ لما بدك تجي تعال من ع الباب
انا قلت ياحبي لها مهيب معلمه شكلها بتستر علي وامطخها غصبن عني لا اراديا.. وهي تضحك وتقول مش هلأ خليني اسوي لك حمام دافي مبين عليك بردان
وتدخلني الحمام وتروشني بمويتن دافيه خلت الدم يمشي في عروقي وطلعتني ورجعتني لم غرفتها وقالت لي يالله خلينا ننام
انا حاولت استوعب الموقف الا هي خامتني وباطحتني على السرير وانا اللي اتل الفراش واتغطى فيه قلت لحد يويدز علي من المكيف
وبعد ما نمنا وجاء الصبح وصحتني وفطرتني قلت لها انا استأذن وراي دوام -->>مايعرف يصرف ابد
قالت لي اوكي بس خلينا نشوفك قلت لها ابشري الليله وانا طابن عليتس من المكيف .. قالت لي طيب وين الحساب انتا ما دفعيت
قلت وشو حسابه ؟؟ قالت عام تستعبط الفين ريال ادفعهم هلأ احسن ما نادي لك سلوم !!!!
قلت لها مافيه ولا ريال لا ابوك لا ابو سلوم
وتقتح الباب وتنادي سلوم ويقول لها خير شو فيه؟ قالت ما بدوه يدفع .. ويجيني سلوم ولينه عيرن كبر قريح وشنبه ناشب فيه برميل زباله ما درى عنه
قال شو عام بتقول انو ما بدك تدفع .. قلت ايه صح ما بدي ادفع الفين بادفع اربعه (الخوف مليح)
قلت له بس اسمع انا جايكم مع المكيف وبيتي جدار بجدار خل نروح هناك ترى بوكي في البيت ..
واول ما طلعت من باب بيتهم وهو متيتني وتالني مع رقبتي .. ولقيت الاثنين اللي في الغرفتين امس واحد منهم يقول لخويه الله يلعنك خذت اللحمه وطيحتني في العجوز خخخخخ
قلت لسلوم ترى المفتاح جوا البيت توني اذكر ويلفعني بذاك الكف اللي خلاني افتر في محلي واحفر لي قليب
قال لي شو الحل ؟؟ قلت خلني اروح مع المكيف دربي وادله ..
قال رجلي على رجلك.. والله وادخل مع المكيف ويدخل وراي خايف انحاش ويوم وصلنا حول غرفتي لين الهوا البارد لاعبن في بطني واخليه يعبر عن شعوره في وجه سلوم ويقوم يتنافض ويضرب بيديه ويقول شو هيدا يلعن يومك ماكل بئلاوة بالتوم!!
ويوم تنافض ماتحمل السقف ويهبد فينا على غرفتي ويغمى على سلوم بس مدري هو من سبب الطيحه والا شيء ثاني
والله والقط التلفون وادق على الشرطه قلت لهم فيه واحد طابن علي في البيت من فتحة المكيف وكسر السقف..
خمس دقايق ويرن الجرس واقول مين ؟
قال معك العريف بخيت جوهر سرور مجرشي من المباحث الجنائية
وافتح له ويدخل وكلبشونا انا وسلوم وودونا عند القسم وانا اقول في نفسي بياكلها هالعلوص مهوب جايب طاري اني طبيت في بيتهم عشان ما اعلم وش شفت وبياكلها على طبته في البيت..
ويدخلونا على الضابط ويقول لي وش السالفه ؟ قلت الرجال هذا طابن علي في بيتي مع فتحة المكيف ومكسر السقف وصافقني كف (من شيء اونسه عقب الكف)
التفت وقال صدق الكلام اللي يقوله ؟ قال سلوم ايه صحيح انا دخلت لعندو من ع المكيف بس هو عزوبي وانا متجوز وهو ساكن عنا في نفس العماره..
قال لي الضابط انت عزوبي ؟؟ قلت ايه .. قال وساكن في شقق عوايل ؟؟ قلت ايه .. ما وعيت الا بيالة الشاهي ناشبتن في خشمي ..
ويقول سلوم للضابط حضرة الزابط انا عندي اهل وبخاف عليهون هيدا لازم يطلع من بيته وما بيسكون عنا
ويقول لي الضابط لازم من اليوم تدور لك سكن ثاني شف لك شقق عزاب بيتك ما ترقد فيه الليله
واروح اشيل قشي واخذ لي شقة عزاب .. واول ما دخلتها حطيت غرا فيران في مجاري المكيف
ومن بكره صحيت ابي ارجع للرياض وافتح الباب والقى سلوم واخوياه ومن ضمنهم معلم الشاورما اللي كان يعرفني ويزود لي ثوم عند الباب وكلهم بصوت واحد الفييييييييييين ريال يا حيواااااااااااااااان
وادفع لهم الفين وامري لله واركب سيارتي واسري للرياض واقعد اهوجس قلت الحين ليه حقين مكاتب العقار اهم ما عليهم دفتر العائلة بغض النظر عن نوعية النشاط اللي يمارسونه وليه العزوبي دايم غلطان
** مايستفاد من السالفه الماصله **
* اذا دق عليك رقم غريب وقفل لاتدق عليه احتمال ترد عليك بنت ويصير لك العن من موقفي هع
* انحش من سكن العوايل نصيحتي ترا جيرانكم بيبلغون عليك وتاكلها في لحيتك
* ذا اللبنانيات يدورن القروش لو انهن في ذنب تسلب
* ترا يوم كانت البنت تسبحني ماشفت شي لين طنبست تفركني واويدز مع فنيلتها ولين ناظرتني صديت يقالي مستحي ما دريت ان تاليتها 2000 ريال كان حللت هع هع هوووع
* ترا السالفه مهيب صدز عاد لاتصدقون بس صحيح اني رحت جده بس ماكان عشان بنت .. وسكنت في شقق عوايل ولا احد درا
اول شي احب ارحب فيك ,, وجد وحشنا تواجدك الجميل معنا و هبالك اللا منتهي <<< لازم تخربها
اقتباس
المشاركة الأصلية كتبت بواسطة ــالمزيون
ومع تغير الجو من برد لحر جتني العطسه واحاول اعطس وما تطلع كل اللي في خشمي شاقص من هالصقوعه في وسط المكيف مره ثنتين والثالثه..والله وتطلع وتتل معها كل اللي في خشمي ويكمخ في مرايتها وتنكسر ..
<<< قاعده تتخيل المنظر
ووووووووووووووووووووووووووووووووع
<<< استوعبت المنظر
بس تصدق تو ادري انك أبضاي
اقتباس
المشاركة الأصلية كتبت بواسطة ــالمزيون
التفت وقال صدق الكلام اللي يقوله ؟ قال سلوم ايه صحيح انا دخلت لعندو من ع المكيف بس هو عزوبي وانا متجوز وهو ساكن عنا في نفس العماره..
قال لي الضابط انت عزوبي ؟؟ قلت ايه .. قال وساكن في شقق عوايل ؟؟ قلت ايه .. ما وعيت الا بيالة الشاهي ناشبتن في خشمي ..
ويقول سلوم للضابط حضرة الزابط انا عندي اهل وبخاف عليهون هيدا لازم يطلع من بيته وما بيسكون عنا
مزمز
ماااااالت على سلوم و ساعته ,, حطها براسك هالنذل
اقتباس
المشاركة الأصلية كتبت بواسطة ــالمزيون
* ترا السالفه مهيب صدز عاد لاتصدقون بس صحيح اني رحت جده بس ماكان عشان بنت .. وسكنت في شقق عوايل ولا احد درا
مزمز
علينا يامزيون هههههههههههه خلاص مصدقينك
الف شكر لك عزيزي على هالمشاركه الرائعه ودامها من مخك = للتثبيت و تستاهل
في مثل هذا اليوم من عام الف وتسعميه وخشبه !!!
والله لكم وحشه من بعد هالاختبارات والغثا والعروووس والذبايح خخخخ
هههههههههههه خلاص مصدقينك 
ودامها من مخك = للتثبيت و تستاهل 
العرض المتطور
