خلاص أنا ياداعج العين مليـت
قلبي من أسبابك تزايد صوابـه
اعز نفسي لو من الحب قاسيت
تراي عندي بالمواقـف صلابـه
ياما على شانك من القلب ونيت
ودموع عيني مثل مزن السحابه
تطري علي حتى بصلاتي لصليت
غلاك في قلبـي ولاحـدٍ درابـه
أجر صجات الألـم والتناهيـت
وأعيش في جو الشقاء والكأبـه
أفديك في ربعي وبالحي والميت
تسوى بعيد الناس والأ القرابـه
واليوم يومنك بهجرك تماديـت
ليلك ظلام ويتعب الـي سرابـه
تشوفني مجروح لكـن صديـت
قلبي صويب وحضرتك ماشقابه
بنيتلك يازين وسط الحشاء بيت
وسطه غلاك ومعه مفتاح بابـه
عذبت قلبي وش من الهم خليت
وصبرت ميرالصبرطول حسابـه
ياليتنـي والله ولا يـوم حبيـت
ولاعرفـت الحـب وألا عذابـه
لكن ماتنفع ياعـل ويـا ليـت
درب الهوى والحب كلاً مشابـه
خلاص أبرحل دام عني تناسيت
ا لصقر مايسكن بوسط خرابه |
العرض المتطور
