أرجوكم محتاجة لكم..

غدر · 30-07-2003, 05:09 AM

سلااااااااااام
أنا محتاجة لأحد يشور علي في مشكلة يمكن تكون تافهة بالنسبة لكم بس هي شيء مهم بالنسبة لي ...
مشكلتي هي:
أنا لي صديقة أحبها موووووووت واللي بيني وبينها أكثر من صداقة وكثييييير اللي يحسدوني عليها ..والظاهر صابتنا عين عاللي كان بيننا لأن فجأة صارت علاقتنا ببعض موب زينة كل يوم خصام وزعل بس بسرعة نتراضى لأن محد يقدر على زعل الثاني وجا يوم اتصلت علي وقالت ((خلاااااااص اللي بينا انتهى وأنا من طريق وانت من طريق)) وكانت تبكي وانا يوم سمهت كلامها انصدمت وماقدرت اتكلم يوم حست فيني قالت بقول لك آخر كلمة ((انتبهي على نفسك )) ومن بعدها ماسمعت صوتها وبعد مااستوعبت كل شيء حاولت اتصل فيها عشان أفهم السالفة بس ما ترد علي والحين صار لي اسبوع ماكلمتها وانا كنت كل يوم أكلمها أرجووووكم قولولي ايش اسوي انا بموووووووت ماأقدر استغنى عنها...ساعدونيييييييييي *a

البــــAــــدر · 30-07-2003, 06:56 AM

أختي :

غــــــــــــــــــــــــــــــــــــــــدر

أول شي أنا عارف انك ماتهتمين براي الشباب ؟

من حبك للبنت

لكن خذي نصيحه وادعيلي معكي ,,,

تأكدي أنه ما قالت كذا إلا لأسباب يمكن ماتكوني عارفتها وهي ماتبي تعلمك بها

عشان ما تشغلك .. فــ اتمنيلها الخير مثل ماحاولت تبين غلاك من ( انتبهي على

نفسك )

وحاولي انك ماتكونين لوحدك عشان الفراغ يسبب الذكريات الشينه وعيشي ..

والله يوفقك .

أخوكــ : البدر .

جاكم الأخضر · 30-07-2003, 07:08 AM

اختي رغد

الاولاد ما يهمك اكثر من البنات فالبناات هلا هلا يفتح الله لمن تكلم اقل شيء من الوقت ساعة لان البنات يحبووون اتكلمون لاكن خذي نصيحة مني : لا تتكلمي مع ولد غير ابوكي واخوكي بس لاكن مع ولد اكتك الكبير يعني لالالا نحنا الاولاد تافهين في بعض الامور لاكن البنات 100%

جاكم الأخضر · 30-07-2003, 07:14 AM

دائما الناس يدوون حسد وانا صرلي كان معاي 100 حبة من القمر الدين فرحة البيت لقيتها مافي

اخواني الكرام\
قال الله تعالى (( من شر حاسد اذا حسد)) صدق الله العظيم

غدر · 31-07-2003, 03:34 AM

أسعدني جداً تكرمك بالمرور على موضوعي ومحاولتك في مساعدتي بردك الذي ربما خفف عني بعض من آلامي ومعاناتي لكن كيف أعيش حياتي من دونها لقد كانت ولم تزل تعني لي الكثير فأرجوك ساعدني

غدر · 31-07-2003, 03:44 AM

أولاً أنا زعلانة منك لأنك كاتب إسمي غلط أنا إسمي (غدر) مو (رغد )
ثانياً أشكرك على مرورك بموضوعي والتفاعل معي في مشكلتي وانتظر مساعدتك..
وبعدين وين البنات ماني شايفة أي بنت حاولت تساعدني .. تكفى إذا ماعليك كلافة كلمهم عشان يساعدوني ..

أختك المعذبة/ غدر

اسـ الجرح يـر · 31-07-2003, 12:20 PM

السلامعليكم

كيف الحال اختي غدر انشاء الله تكوني بخير

اختي غدر كل مشكله ولها حل

اول شي من كلامك فهمت انك انسانه مخلصه ومتعلمه وفاهمه امور الدنيا

لانك مهتمه باعز واغلى لكي شي في هاالدنيا اللي هي خويتك

الدنيا اختي غدر مالها امان واللي مثلك صعب انه الانسان يلاقيه لانك

فيكي الخير قلبك متعلق في انسانه جرحتك شعوريا وانتي تحاولين تفهمين وش

السبب

اختي غدر انا بقولك كم حل ويمكن انشاء الله تكون خطوه انكم ترجعون لبعض

حاولي انك تزورينها

حاولي انك تكلمين امها

حاولي انك تكلمين اختها

حاولي انك تاثرين عليها باسلوبك

مااظن ان قلب خويتك قاسي عليكي لهدرجه

وانشاء الله انكم ترجعون لبعض والله يكتب اللي فيه الخير

ولا تنسي عسا ان تكرهوا شيا فهو خير لكم

اتمنى انك تشدي حيلك اختي غدر وترى الدنيا بخير

وكلنا اخوان وكلنا لبعض انشاء الله

لكي تحياتي

اســــــــــــــــــــــــالجرحيــــــــــــــــــــر

غدر · 31-07-2003, 04:42 PM

بصراحة مهما كتبت لك كلام شكر وتقدير ماراح أوفيك حقك .. فعلاً خليت فيني الأمل في أننا نرجع لبعض بس فيه مشكلة صغيرة.. هي أن خويتي الحين مسافرة هي وأهلها وما اعرف إلا رقم جوالها .. وكلما حاولت أتصل فيها ماترد علي شور علي أنا محتاجتلك..
وتقبل خالص شكري وامتناني

أختك المعذبة / غـــــــــــدر

اسـ الجرح يـر · 31-07-2003, 05:47 PM

السلامعليكم

اول شي احب اني اطمن عليكي وانشاء الله انك تكوني بخير

وغير كذااا اتمنى انك ماتشكريني لاننا كلنا اخوان في الله وكلنا انشاء الله

لبعض

والبنسبه لخويتك انا بعطيكي حلين واذا لا سمح الله مانفع معاها بعطيكي

غيرهم

اول شي اختي غدر انك تتصلين من رقم غريب يعني من رقم هي ماتعرفه يعني

موو مخزن عندها اذا ردت يكون الموضوع سهل عليكي واتمنى انك

ماتفاتحينها في الموضوع اتمنى انه يكون اتصالك لمجرد سلام عليها

ثاني شي اذا ماردت لاسمح الله اتمنى انك تتصلين من رقم وحده من

خوياتها اللي يعزون عليها يعني اللي ترد عليهم وانتي انشاء الله تعرفيهم

وذا ماقدرتي انك تتصلين من رقم خويتك اتمنى انك تكلمين وحده تعز عليها

ويكون عندها لها خاطر وتكلمها في الموضوع ويكون انشاء الله برد الموضوع

وطاب خاطرها وترجعون حبايب اكثر من اول .

اختي غدر انا زعلت منك من شي اللي هو انتي كتبتي اخر سطر

اختك المعذبه

اتمنى انك ماتكتبينها مرة ثانيه

ماعاش اللي يعذبك وانتي بينا .

تحياتي

اســـــــــــــــــــــــــــــالجرحيــــــــــــــــــــــر

غدر · 01-08-2003, 04:26 AM

من جد والله ماني عارفة كيف أشكرك على تعاونك معي في حل المشكلة..
بس الظاهر إنه مافي أمل في رجعتنا لبعض ...والأبواب كلها تقفلت بوجهي ..
أناكلمت كثير من اللي يعزون عليها لكنهم بدل ما يساعدوني زادوني على همي هموم ..
بعضهم قالولي لازم انساها لأنها ماتستاهلني ومافكروا إني مستحيل أنساها وإذا فكرت أني أنساها اللي كان بينا صعب أنساه
والبعض قالولي ان طيبة قلبي هي المشكلة وانا أستاهل على اللي صار المفروض يكون لطيبة قلبي حدود
والبعض قالولي اني أبعد عنها وأقسي قلبي عليها وإذا جت عشان ترجع اللي بينا .. ماأرجعه وأرد لها الصاع صاعين .. بس أنا والله ماأقدر..قلبي ما يخليني.. و العشرة اللي بينا ماتسمحلي أسوي هذا الشيء

ويوم حاولت أكلمها من رقم غريب ردت علي.. بس يوم سمعت صوتي قفلت الخط

أنا لو أعرف سبب يخليها تسوي كل هذا كان أهون علي

وأشكرك أخوي مرة ثانية على اهتمامك فيني بس بصراحة أنا تعبانة و ماني بخير بس تطمن كل هذا من الصدمة وكلها أيام وأرجع مثل الأول وأحسن
وسامحني .. تعبتك معي

أختك ...... / غــــدر *a