[poet font="MS Sans Serif,6,white,normal,normal" bkcolor="transparent" bkimage="http://nadawi.net/images/blfaces.jpg" border="ridge,10,purple" type=2 line=200% align=center use=ex length=0 char="" num="0,black" filter=""]
ماعبر البوح عن حزني وغربالي = حتى القصايد تخون أحساس كاتبها
[/poet]
[poet font="MS Sans Serif,6,white,normal,normal" bkcolor="transparent" bkimage="http://nadawi.net/images/blackdream.jpg" border="ridge,10,purple" type=2 line=200% align=center use=ex length=0 char="" num="0,black" filter=""]
صـــــــوره ؟!!
صوره لهـا كـل الفضـا درب وأبعـاد = صوره لها روحي مصابيح وشروق
صـوره لهـا روحـي معاميـل وأمجـاد = وعن ماتبيه من الغلا شهـد وعـذوق
صوره ولاهي بالصـور حلـم ووسـاد = صـوره يعـادل وزنهـا كـل منطـوق
لـو كـل مـن حْـب وبعـد كــل قـصّـاد = يقـدر ينشـد لونهـا جــاوب الـشـوق
وشلـون أبرسـم ظلهـا وجـه وامـهـاد = مع كل مافيها مـن الوصـف والـذوق
نــص التـفـات بعينـهـا فـيـه مـيـعـاد = تاخذ من اللي غيرها ماعطى حقـوق
ماغـاب عـن عينـي وهجـهـا ولاكــاد = انـه يصيـر ولفـح الأكـوان ملحـوق
صوره تصحـي هاجـس القلـب لانـاد = في وقت ماحينه على القرب مسبوق
لـو قيـل مـن هـي مامـع البـوح نـشـاد = مع برهـا لاأقـول أنـا كلـي عقـوووق
علـى اسمهـا ولاهـي هـدف كـل نقـاد = كـن المسمـى لأسمهـا الحـر مخلـوق
أنـا بهـا حـي وبـهـا أمــوت مقـصـاد = لأول هـدد وآخـر جناحيـن وسبـوق
وأنـا لـهـا طـفـل يــروح ولـهـا عــاد = وأنا لهـا بعقلـي مـن الحـب مطفـوق
(صوره ) وأهلها أصلهم منبت أسيـاد = نتبع رضاها وان زعل كل معشـوق
كأني(ولـدهـا) بالنـشـامـا والأجـــواد = لاحط راسي تحتهـا وأمرهـا فـوق !!
[/poet]
[poet font="MS Sans Serif,6,white,normal,normal" bkcolor="transparent" bkimage="http://nadawi.net/images/fansy.gif" border="ridge,10,purple" type=2 line=200% align=center use=ex length=0 char="" num="0,black" filter=""]
ياصمت دام الصوت مايلحق الفوت = أنا بوجهك تلحق أفوات همي
بعضي يعزي بعضي بصمت وسكوت = الين ماضاقت عروقي بدمي !!
وآفوح قلبٍ ضمه الصدر تابوت = ياحر جمره لاطرت دمعة أمي
[/poet]
[poet font="MS Sans Serif,6,white,normal,normal" bkcolor="transparent" bkimage="http://nadawi.net/images/orange.jpg" border="ridge,10,purple" type=2 line=200% align=center use=ex length=0 char="" num="0,black" filter=""]
أمـــــــي !!
في صدري أسمع صمت شيْ أيتكسر = بالليلـه اللـي ليلهـا صـار ليليـن
هـو قلبـي اللـي بالمحانـي تفّطـر = او دمعةٍ مـن كبرهـا مالقـت عيـن
ضميـت قلبـي ليـن قلبـي تفجـر = وأحرق بنبضـه مابقـى بالشراييـن
كـن الخناجـر بالضلـوع أتسـمّـر = وتصرخ بداخل خافقي لوعـة البيـن
ليت الجـروح مـن الرمـاح أتعّـذر = كان أعتذر ظلي عن ألفين سكيـن !!
ياقلـب يفـداك الــردي لاتحـسـر = موت الطريـق ولاضيـاع العناويـن
((أمي)) وراحت وش بقـى ماتكّـدر = ((أمي)) وراحت تونس أطعونك منين
كانت هنا.. كانت أنا .. كانـت أكثـر = مابينها وبيني سـوى كلمـة ال بيْـن
أتلمنـي 00 وألمهـا 00 وأنتبّعثـر = أنا .. وأنا وأظمهـا (ضمـة اثنيـن)
(أمي) الحنيـن اللـي بقلبـي تنثّـر = صدق الخيال اللي عليـه البراهيـن
(أمي) الطريـق اليـا وطتـه يتكبـر = الله خلقهـا وأنحنـى النـور للطيـن
(أمـي) النسيـم اليـا لثمهـا تعطـر = منها .. لها لامالـت الشمـس ظليـن
أذكر ((دعاها)) كل لحظـه وأبذكـر = هاك الغلا والصدق والعطف والليـن
أقلهـا اللـي مايجـي بعـده أكـثـر = مجموعة أنثى فـوق كـل القوانيـن
ياليلـةٍ سـودا بهـا الـهـم كـشّـر = من وين أببدى سكة الموت من وين ؟!
كنـي لـكِ الله بالمكـان أمِتسـمّـر = رديت دمعي لين ضاقـت بـه العيـن
وشلـون أجبّـر كسـر ماينتجـبـر = وشلون أبقـرأ شـئ مالـه عناويـن
ياجرحي أنزف أكثـر وأكثـر أكثـر = مادامني دافـع ثمـن غلطتـي ديـن
ياعلني أصغـر كثـر ماانـت تكبـر = اني على الرمضا تقـل بيـن ناريـن
أصبر .. ولكـن وش عليـه أتصبّـر = لاصار حتى الحلق مادونه أيديـن !!
(( مـنـصــور الـرويـلــي ))
[/poet]