السلام عليكم ,,,,اخواني اعجبتني هذه القصيده وحبيت ان تتطلعون عليها ,,وشكرا.
ياعلي خل العيد لأم الدناديـش=اللي تنظف كل يـــــوم جسدها
تبي تماري ناقضات العكاريـش=في كل ملفاح تنقض جعـــــدها
العيد عيدالله ولو فات حتـــيش=من حسبة ايام يمــــرك عددها
نبي نعلمك المساري على الجيش=تمشي ذلولك لين يفتر جهــدها
خابرك مانتب ضاري للمــطاريش=نبيك تونس حلوها من نـــكدها
ليله على مسرى وليله مغابـيش=وليله نخلي نومها لمن رقــدها
وليله على تمره وليله على عيش=وليله نوكلك اللحم صيد يـــدها
ياعلي لاجيت العرب لاتـــجي تيش=خبل ليا جاب السوالف ســـردها
إحفظ لسانك لا يجي فيه تبــطيش=تصبح عيونك كايدات رمــــــدها
يجيك من يـــنشدك نشدة تكديش=يبي يســـــــنع هرجة يعتمدها
خله يقوم مفلت في يده ريش=يروح منك وحاجته ما وجدها
ترى دعابيل الخبول الفوانيش=تبدي بما فيها ولا احد نشدها
يجيك واحدهم يورش توريش=سحابته يسبق مطرها بردها
واللي لغمقات السوالف مناقيش=قراية الكلمة على اول عددها
تجي سوالفهم ضحك وتبهيش=وقلوبهم ما احد يفكك اعقدها
الشاعر/صقر النصافي رحمه الله تعالى
العرض المتطور
