تحيه من القلب للجميع هنا مصافحه بعد الانقطاع ولكم وافر الشكر والتقدير مسبقا واعذرونا على التنسيق مو راضي يضبط موليه عزي لمن يمسي وهو ضايق البال يواجه اهمومه ولا معه حيله اليا تجرا جر بالصوت مـــــــوال واليا انهشم ماخف صالي غليله توميبه افكاره على بحر الاهوال محموم وتزود عليه المليله لا ريح الخاطر ولا منوته طال اكفوف حظه بالعطايا بخيـــــــله فيا اللي عاتبك مرني عبر الارسال لاتلومني وحمول وقتي ثقيله غلاك غرسه في عروق الهوى طال الشوق تمره والمحبه نخيله القا طويفك في مراحي والاقبال واشم نسمات الغرام العليله بين العنا والحب حلٍ وترحال مسجون قلبي كيف بطلق سبيله ان كان تنشدني عن الوضع والحال فلا غير خلاق البشر بشتكي له يا مكبر الهقوه ويا كثر الامال اجهدت نفسي والمكاسب قليله ياكم نوى شوقي ملاقا وميصال ويحول دونك من ظروفي قبيله عيد الفطر دمعي على الخد همال لو ناش جرد القاع تصبح ظليله لاجل الزمان اللي بكثر العنى مال خلا اقرب شبوح الوهف مستحيله وعيد الضحيه ساقني العزم رحال يم الطموح ولا يبيلي دليلــــــه احث رجلي واطوي اميال واميال ودي بوردٍ ارتوي سلسبيله بديت بالنيه وثنيت بافعال مدام تشعاني بروق المخيله اخاف من واقع للاحلام قتال ونين صدري والعنا من جميله يعني هموم وفوقها ضيق واشغال منها قوي الباس يركد صهيله هذا العذر وان ما تكفيك الاقوال بسري الدروب الموعرات الوحيله
مبدع.... ♥دمت ودام نزف قلمك الرائع....... عساك عالقوه.... ♥ننتضر جديدك............ تقبل مروري... ♥
اقتباس المشاركة الأصلية كتبت بواسطة كلي مشآعر مبدع.... ♥دمت ودام نزف قلمك الرائع....... عساك عالقوه.... ♥ننتضر جديدك............ تقبل مروري... ♥ حياك الله يا كلي مشاعر الابداع مرورك وتواجدك اسعدني مرورك لك كل الشكر
خالد السنحاني صح اللسانك واعتلى شانك ولاهنت ابدعت فيما طرحته لنا عساك ع القوه دمت ودام نزف قلمك الراقي ننتظر المزيد من هالابداع شمس القوايل
اقتباس المشاركة الأصلية كتبت بواسطة شمس القوايل خالد السنحاني صح اللسانك واعتلى شانك ولاهنت ابدعت فيما طرحته لنا عساك ع القوه دمت ودام نزف قلمك الراقي ننتظر المزيد من هالابداع شمس القوايل هلابك يامشرفتنا الغاليه شمس صح بدنك ولا تهونين الابداع مرورك ويعطيك العافيه لاخلا ولا عدم
/ خآلدِ القَحَطآنِيِ , قَرآتُ النّصِ .. آوّآهِ مَ آعذَبَهِ صَحّ لسآنَكُ
اقتباس المشاركة الأصلية كتبت بواسطة ثَرْثَرَة غَ ـيْمَه~ / خآلدِ القَحَطآنِيِ , قَرآتُ النّصِ .. آوّآهِ مَ آعذَبَهِ صَحّ لسآنَكُ هلابك ثرثرة غيمه اسعدني مرورك العذب صح كلك
القصيده خذت جوّها من غير تنسيق يالسنحاني ! وذاب معها الشمع والسكر ! وياهلا فيك وبحضورك صح لسانك والله لايغير عليك فائق احترامي وتقديري ,,, المــــدى ,,,
اقتباس المشاركة الأصلية كتبت بواسطة مــــــدى القصيده خذت جوّها من غير تنسيق يالسنحاني ! وذاب معها الشمع والسكر ! وياهلا فيك وبحضورك صح لسانك والله لايغير عليك فائق احترامي وتقديري ,,, المــــدى ,,, هلابك مشرفتنا المتالقه مدى صح كلك ولاهنتي تواجدك شرف لي لاخلا ولا عدم مشكوره
خالد. صح لسانك . قصيده جزله .. تحيتي
العرض المتطور
