قصيدة سبايك ذهب
ماجيت لك في زحام العمر راجع لك
محتاج لك ماقدرت اعيش من دونك
قناعتي خسرت قارون مايملك
ولاهمني برجك العاجي ولاحصونك
شفني سبايك ذهب والغير مستهلك
ويكفيني الطيف لي مريت بعيونك
واسعد مخاليق ارض الله في وصلك
اطير طيور شوقي في فضا كونك
ماجيتك الا معزة اهلي واهلك
اهل الوفا والسخا من حيث يأتونك
تستاهل ابيع كل الناس من اجلك
واستاهل انك تطنش من يعذلونك
صبري على الظلم كله في عشم عدلك
وان خانك الحظ لاوالله ماخونك
انا على الموت لويرمي بيه فعلك
اعذرك لجل الغلا والواجب يصونك
واعوذبالله من شر الجفا المهلك
دمر كياني وانا المشتاق لعيونك
الكلمات للشاعرة:- شمس العرب