محظوظ من هو يشوفك وقت مايبغا=ومحظوظ من كنتي ام(ن)له تضمينه
من حسنك اللي على حسن البشر يطغى=من يعشقك لو تجنن لا تلومينه
حبك صبغ في خلايا هيكلي صبغا=حتى صبغ دم قلبي في شرايينه
واصبحت اشوف الإناث من الحلا فرغا=غيرك حشا ما أشوف بعالمي زينه
والقلب ماله هوى غيرك ولا مبغا=القلب ملكك تمشي في ميادينه
شيطان قلبي عجز ماينزغه نزغا=دام انك انتي على كيفك تمشينه
انقاد لك في الهوى وانصاع لك واصغى=ما يمشي الا على اللي انتي تريدينه
عاف البشر كلهم واختص بك والغى=ماضي وحاضر وما باقي من اسنينه
ياليتني وحدي اشوفك وقت ماأبغا=ياجنة القلب يازهرة رياحينه