السلام عليكم ورحمة الله وبركاته اسعد الله اوقاتكم بكل خير قصيده من ارشيفي الخاص واتشرف بأن اقدمها لكم في منتديات الود واتمنى تنال اعجابكم اترككم مع ارشيفي وبعض العلومي يامن لقلـب (ن)كـل ليـل(ن) ويومـي =كـن بمعاليقـه تحـز الصقـيـلات ويامن لعيـن(ن) ساهـره ماتنومـي =تسهج وتسهرهـا جـروح المعانات تسهـر وترقـب عاليـات النجومـي=وان عارضت برق(ن) شلع بالثقيلات عزي لحـال(ن) طاولتـه الهمومـي =تصلاه نار الهم فـي كـل الاوقـات الجوف كـن تهـب فيـه السمومـي=لاطرى علي من حالي الوقت مافـات قمت اصفق الكفيـن واقعـد واقومـي =واقلب افكاري علـى كـل وجهـات واصبحت في بر(ن) من الوجد اعومي= واضن بيدي لي من الموت سكـرات والله يالوما خـوف بعـض العلومـي= اسـرار مابيـن النحايـف خفيـات لاهج مـن داري وانحـي واشومـي= عسانـي اسلـى بالديـار البعيـدات لـو سلـم اهلهـا مايوافـق سلومـي =لكن لهـا لمعـذب الـروح سجـات للي همومه مثـل حـدب الرجومـي= لابد ماتغـدي مـن السجـه اشتـات لو قالـو انـي ناسيـن سلـم قومـي =ماهمني لـو يشتمـت كـل شمـات والله مـا اقـول للايمـي لاتلـومـي =ولاضقت من راع العلـوم الهزيـلات اسـج ساعـه كنـي اسـج دومـي =وانسى القديم بسجه الخمس ساعـات اصوم في يومي عن الهـم صومـي =والعين لا امسى الليل من طوعها تبات لا واهنـي الباشـق اللـي يحومـي =مايمنعـه عنهـا جنـود الـجـوزات لا اسدل جناحه واختلـط بالغيومـي =كنه لها من سرعتـه شـوت ينشـات ماهو بالانسان الضعيـف الزعومـي =اليا زعم له مـرة(ن) جـظ مـرات لو فتل عضـوده ضعيـف العزومـي =جداه فـي ضيقـه عبايـر وونـات وللي حياتـه كـل ابوهـا همومـي =اغلى هديه هـي وفاتـه لـي مـات اخووووكم شا ا ا ا عر ربعه
الله عليك أخوي حمد وصحّ لسانك على هذه الرائعة دائما متميز أخوي ومن تألق لتألق ونحن ننتظر إبداعاتك تقبل مني كل الود والاحترام
اقتباس المشاركة الأصلية كتبت بواسطة مبدع الحرف الله عليك أخوي حمد وصحّ لسانك على هذه الرائعة دائما متميز أخوي ومن تألق لتألق ونحن ننتظر إبداعاتك تقبل مني كل الود والاحترام اخوي مبدع الحرف هلا بك في متصفحي نورت وصح بدنك الروعه هنا مرورك الكريم والابداع تواصلكم المميز لاهنت على المرور دمت بخير اخووووكم شا ا ا عر ربعه
شاعر ربعه وشاعر الود ,,, صح لسانك وقصيده تستحق التصفيق لها .. رائعه بكل معنى الكلمه والله يعطيك العافيه ,,, تقبل تواضع مروري .. تحيّه وتقدير ..
اقتباس المشاركة الأصلية كتبت بواسطة مــــــدى شاعر ربعه وشاعر الود ,,, صح لسانك وقصيده تستحق التصفيق لها .. رائعه بكل معنى الكلمه والله يعطيك العافيه ,,, تقبل تواضع مروري .. تحيّه وتقدير .. مدى حياك في متصفحي نورتي وصح بدنك الروعه تواصلك الرائع والعذب عساك على القوووه دمتي بخير اخووووكم شا ا ا عر ربعه
اسـج ساعـه كنـي اسـج دومــي وانسى القديم بسجه الخمس ساعـات اصوم في يومي عن الهـم صومـي والعين لا امسى الليل من طوعها تبات مماراقت لي صح لسانك ياشاعـر فالك المليون تقبل مروري يالغالي
اخوي / حمد الهذلي صح السااااانك ولااااهنت وسلمت ودمت ,,, تقبل مروري المتواضع دمت بحفظ المولى
اقتباس المشاركة الأصلية كتبت بواسطة فهد الفريدي اخوي / حمد الهذلي صح السااااانك ولااااهنت وسلمت ودمت ,,, تقبل مروري المتواضع دمت بحفظ المولى اخوي فهد الفريدي هلا بك في متصفحي نورت صح بدنك وجعلك سالم ولاهنت على المرور الكريم دمت بخير اخووووكم شا ا ا ا عر ربعه
اقتباس المشاركة الأصلية كتبت بواسطة كحيـــــلان اسـج ساعـه كنـي اسـج دومــي وانسى القديم بسجه الخمس ساعـات اصوم في يومي عن الهـم صومـي والعين لا امسى الليل من طوعها تبات مماراقت لي صح لسانك ياشاعـر فالك المليون تقبل مروري يالغالي كحيلان مرحبا فيك في متصفحي نورت صح بدنك ولاهنت على المرور العذب دمت بخير اخوووكم شا ا ا ا عر ربعه
صــح السانــك ولا هنـــت اخــي / حمد الهذلي .. واافــيه من رااس وااافـي .. لا عدمتــــــــك . تقبــل تحيتي ... وتــواضــع مـروري . دمت بووود
العرض المتطور
