مـــــــــــــــــرحبـــــــــــــــــــــــــــــ ـا
كيفكم ؟؟؟
اخيرا تسنت لي الفرصه احط موضوع بالمطبخ ... و كان بخاطري منوعات اكثر
و لكن للأسف الوقت ماساعدني كثير بهالفتره :)
ســــــلطة العــــــــــــدس
كاس عدس مسلوق في ماي و زيت و شوي ملح
حبة فلفل بارد مقطع صغار
كزبره او بقدونس ( نص كاس )
حبة طماط مقعطه صغار
عود بصل اخضر مقطع خيار
حبة خيار مقطعه صغار
ممكن اضافة حبة جزر مبشوره
بعد مايبرد العدس نحط مكونات السلطه كلها مع بعض و نضيف عليها المتبل الإيطالي الجاهز
سلطـــــــة الذره الصغيره
علبه من الذره الصغيره مقطعه وسط
نص حبة بصل احمر مقطعه شرائح
نص حبة خيار مقطعه شرائح
5 حبات فجل احمر مقطعه شرائح
نص حبة فلفل بارد مقطعه شرائح
حبة جزر مبشوره
الصوص : ربع كاس خل ابيض + ملعقتين عسل + ملعقتين زيت زيتون + ربع ملعقه صغيره بابريكا + ملح و فلفل اسود + عصير نص ليمونه
نقطع مقادير السلطه و نصب عليها الصوص و نقلبهم جيدا ... و تقدم
تورتـــــــــليـــــــــــــيني
نحتاج علبه او علبتين ( حسب الرغبه ) تورتليني جاهز .. بالعاده استخدم حشوة السبانخ و الريكوتا بالإضافه لحشوة الأجبان الثلاثه
بس هالمره ماحصلت الا حشوة السبانخ و الريكوتا ..
نسلق التورتليني في مويه ساخنه مع شوي زيت و ملح ( مثل مامكتوب على العبله )
في قدر نصب كريمة خفق ... مافي كميه معينه تكون حسب الرغبه
شخصيا احط علبه كبيره و ربع كاس كريمة خفق ... و ضيف لها ربع كاس مويه ... و اتركها حتى تغلي
اضيف عليها ملح و فلفل حسب الرغبه ... ثم التورتليني و اقلبها بخفه عشان الحبات ماتتفتح
نقلل الحراره و نغطي القدر و نتركها تقريبا ربع ساعه عشان تاخذ الطعم .. نفتح الغطا و نرش عليها اي نوع جبن ( موزاريلا مثلا ) ...
و تقدم ساخنه :)
دجــــــــاج هندي
صدور دجاج ننظفها و نتبلها ب 4 فصوص ثوم + ملعقه كبيره زنجبيل مبشور + 6 ملاعق نشا +
بابريكا + ملح و فلفل اسود ... و نتركها تقريبا ساعه
نقليها و نخليها على جنب
في قدر على النار نخلط علبة زبادي كبيره + ثلاث ارباع ملعقه لون احمر + بابريكا + ملح و فلفل اسود +
ربع كاس زيت + ربع كاس مويه + 4 فصوص ثوم مهروسه + ملعقه كبيره زنجبيل مبشور +
6 اوراق كاري + فلفل حار حسب الرغبه
نقلبهم على نار هاديه تقريبا ربع ساعه ... نضيف عليه الدجاج المقلي
نقلبهم و نتركهم 20 دقيقه على نار هاديه
بسكـــــــوت بالزبده
2 كاس طحين
كاس زبده
كاس سكر بودره
ملعقه صغيره بيكربونات الصوديوم
فستق او صنوبر للتزيين ( اختياري )
نخلط السكر و الزبده .. نضيف الطحين و بيكربونات الصوديوم و نعجن جيدا
نشكل حبات البسكوت .. و نحطها بصينيه مدهونه و مرشوشه بالطحين و ندخلها فرن حار 350 فهرنهايت
نتركها حتى تستوي .. نطلعها و نخليها تبرد
بـــــــــــــــــــراوني
150 جرام زبده
كاس كاكاو بودره
4 بيضات
2 كاس سكر
ملعقه فانيلا
ثلاث ارباع كاس طحين
ملعقه صغيره بيكنج بودر
سكر مطحون للزينه
في قدر على نار خفيفه نذوب الزبده و نضيف لها كاكاو البودره و نخطلهم تى يمتزجوا .. و نتركهم حتى يبرد
بعد مايبرد نضيف ال4 حبات بيض + السكر + الفانيلا و نخطلهم جيدا
نضيف الطحين و البيكنج بودر و نخلطهم جيدا
نصب الخليط في صينيه مدهونه و مرشوشه بالطحين ... و ندخلها فرن حار ( 160 درجه مئويه ) مدة 40 الى 50 دقيقه او الى ان تستوي
نطلعها و نتركها تبرد .. نرشها بسكر البودره ... و تقدم
مــــــوس الأناناس مع جوز الهند
207 ملل حليب جوز الهند
نص كوب اناناس معلب مقطع صغير ... نصفيه و نحتفظ بمويته
نص كوب جوز هند مبشور
ربع كوب عسل
نص كوب قشطة خفق
ظرفين جيلاتين
فستق للتزيين
في الخلاط نخلط الأناناس المقطع + جوز الهند المبشور + العسل + حليب جوز الهند .. و نخليهم على جنب
نذوب ظرفين الجيلاتين في ربع كاس من موية الأناناس و نتركه مدة 10 دقائق
نخفق كريمة الخفق حتى تثقل
ناخذ نص كاس من موية الأناناس و نحطها على نار خفيفه و نصب عليها مزيج الجيلاتين و نحركهم حتى يذوب الجيلاتين تماما
في طاسه نصب خليط الأناناس + قشطة الخفق + الجيلاتين المذوب و نخفقهم جيدا يدويا او بالمضرب الكهربائي
نصحب الخيلط في صينيه و ندخله الثلاجه حتى يجمد و يتماسك
نحصه في صحن التقديم و نرشه بالفستق المجروش ... و يقدم
Chiffon Cake
مقادير (1) : نخلط صفار4 بيضات مع 100 جرام سكر ابيض + ملعقه صغيره فانيلا
نضيف عليهم 150 جرام طحين + 115 ملل مويه + 85 ملل زيت + ربع ملعقه صغيره ملح + ملعقه صغيره بيكنج باودر
نخلطهم و نخليهم على جنب ..
مقادير (2 ) : نخلط بياض 4 بيضات لحد ماتتكون رغوه
نضيف عليهم 90 جرام سكر + ربع ملعقه صغيره من كريمة التارتار
نخلطهم تقريبا 10 دقايق
نضيف مقادير (2 ) على مقادير (1) و نقلبهم بخفه بواسطة ملعقه خشب او بلاستيك من تحت لفوق لحد مايمتزجون جيدا
نصب الخليط في صينيه مدهونه و مرشوشه باالطحين .. و ندخلها فرن حار ( 175 درجه مئويه ) تقريبا 40 دقيقه او لحد ماتستوي الكيكه
نطلعها و على طول نقلبها بصحن .. يعني نقلبها على وجهها و نخليها بالصحن من غير مانشيل الصينيه و نخليها بهالشكل
تقريبا 20 دقيقه لحد ماتبرد الكيكه و بعدها نشيل الصينيه << هالطريقه مره مريحه و تضمن ان الكيكه تطلع بشكل جيد بدون ماتتقطع
و تنفع لكل انواع الكيك..
نزينها بالشكل المطلوب .. اما بسكر بودره او بخليط البيريز اللي انا استخدمته او نتركها على حالها
Butter Bun
جرام طحين الكيك ( بدون خميره ) .. حطيه بالعجانه او اعجني على يدك ..اخلطي مع الطحين 50 جرام سكر + ملعقه صغيره ملح +
ملعقتين و نص كبيره حليب بودره + ملعقه و نص صغيره خميره + بيضه
بعد ماتخلطينهم ضيفي عليهم 30 جرام زبده + 140 مل مويه
بعد ماتعجنين ... غطيه و خلي العجينه ترتاح مدة ساعتين ..
قطعيها دواير و احشيها ( انا لما قطعتها قستها بالميزان عشان يكون عندي احجام متساويه ) و حشيتها بقطع زبده مع شوي جبنة بارميزان
المهم بعد ماتخلصين من العجين .. حطيها في صينيه مدهونه بزيت او زبده و مرشوشه بطحين و خليها 10 دقايق و غطيها .. رشي عليها
شوي ماي و دخليها فرن حار ( 200 درجه مئويه ) تقريبا تاخذ 15 دقيقه او الين تحمر من فوق
طلعيها و على طول رشيها بسكر و امسحيه بزبده ذايبه و رشيها بسكر مره ثانيه .. و غطيها و خليها ربع ساعه
* ملاحظه : ممكن استخدام الطحين العادي اذا ماتوفر طحين الكيك و الفطاير
ممكن تحشينها بأي شي مرغوب .. و ممكن تتركينها بدون حشو
اذا حبيتي تحشينها بشي مالخ مايحتاج خطوة السكر الأخيره اللي بعد ماتطلع من الفرن .. و يتم الإكتفاء فقط بالزبده
اتمنى ان يحوز الموضوع على اعجابكم :)
منوعات مطبخيه ( سلطات .. اطباق رئيسيه .. حلويات )
العرض المتطور
