هذا حوار صار معي مع احد الاخوات الكويتيات وكنت مسمي نفسي السعودي طبعا بدت الاخت الكويتيه بالحوار وقالت/
الكويتيه: الحين انا بسالكم يالسعوديين. من جد انتو ماتبون الحريم عندكم يسوقون؟
السعودي: ايه ليه وش المشكله عندك؟
الكويتيه: اعتقد انه تخلف منكم مع احترامي لشخصك.
السعودي : ههههه حلوه مع احترامي هذي لشخصك خلاص سبيتي ماعاد فيها احترام .الزبده وش تبين بالضبط من سؤالك ؟
الكويتيه : اللي ابيه ليش ماتعطونها حقها في السواقه عندكم؟
السعودي : والله يا طويلة العمر انا بقول لك ليه :
ثانيا/ حبنا لهم : يعني مانبي يجيهم أي ضرر ولا يمسهم أي شرر من أي احد كان
سواء حي ولا جماد لا من شباب ولا من حوادث كبيره ولا صغيره قال تعالى عندما امر في كتابه الكريم لنساء النبي وجميع المؤمنات ان يقرن في بيوتهن وضح السبب وقال (ذالك ادنى ان يعرفن فلا يؤذين)والانثى بطبيعتها
كل شي يمسها كبير يعني تتالم فكيف تبيني اخليها تروح وتخالط الشباب الصالح منهم
و الطالح ولاّ لاسمح الله اقل شي بنشر عليها كفر من اللي بيفك الكفر لها ؟ هيه؟ هههه والله حاله اكيد بيكثرون الفزاعة .فمن حبنا لبناتنا قلنا لهمم استريحو
حنا بنكفيكم في اللي تبونه.
وتساليني ليه مانخليها تسوق؟
ثالثا/الغيره : حنا وانتو وكل مسلم لازم عنده غيره وغير المسلمين ناس كثير عندهم
غيرة فحنا مانرضى ان أي واحد يقرب لبنت من بناتنا او يلمس شي منها او حتى
يشوفها او حتى يسسسسسسسسسسمع صوتها ماهو لجل نكبتها ونكتمها لااا لجل
نحافظ عليها ونحافظ على سمعتنا وقبل كذا سمعتها لانها مثل المرآآه لو تنخدش
فمن يقبلها هالمرآآه وهي مخدوشه بطبيعة الحال تنحذف اكيد هالمرآآه لاحد مخليها
عنده ولا احد ماخذها فهذا هدفنا من الغيرة الحفاااظ عليها وعلى السمعه العامه .
وتساليني ليه مانخليها تسوق
رابعا:لأنوثتها/ الللللللللللللللللللللله مااحلى هالكلمه انوثه احس وانا انطقها كاني بسكر
احس بدوخه جاتني من حلاة هالكلمه ومن ماتحمل من صفات . يالللله بعجز وانا اذكر
صفاتها وسماتها ومميزاتها وكل شي فيها والله بعجز يا ناس الانوثه هي النعومه
هي العذوبه هي الحنان هي الدلع هي الولع هي المشاعر هي الاحساس هي الناس
هي الظل هي الكل هي السكون هي العيون هي الحلى هي السلى هي .....هي .......
بتعب وانا اقول هي ووش هي تخيلي ان كل الصفات والمميزات اللي قلتها واللي
مابعد قلتها تطلع وتخالط مجتمع خارجي اشبهه انا بالغابه فيه المفترس وفيه المحتال
وفيه الجبار وفيه القذر وفيه الجبان وفيه الغدار اعتقد انها اكيد بتنتهي وتروح كل
ماتشيله من وصف وحلى زين اذا ماراحت هي كلها مثل ماراح غيرها مهما كانت
من قوة فيها ومن شجاعه ومن رباطة جاش تراها انثى يعني ماتاكل عيش بالمجتمع
اللي انا ذكرته.
وتساليني ليه مانخليها تسوق
خامسا: الرجولة/ اعتقد من واجب الرجل الحفاظ على كرامة المرأه ولا بد يعطيها
ماتحتاجه ويوفر عليها متطلباتها واذا ماقدر يوفر الرجل مستلزمات المراه تنقص
من صفات الرجوله لان الرجل قادر باي طريقة كانت شرعها الاسلام ومن كرامة
سترها وعفتها وحجابها واللي مايقدر على المراه في كذا اعتقد انه فعلا تنصقه صفة
من صفات الرجوله واعتقد انها اهمهم قال تعالى (الرجال قوامون على النساء)
وتساليني ليه مانخليها تسوق
اولا : الشريعه الاسلاميه: وانا حطيته اخر شي واعتبره انا وكل مسلم اول شي
وكل ماقلته مستدل منه يعني ماجبت لا انا ولا غيري بشي من عندي ان قيادة المراه
للسياره فيه خلوة محرمه للمراه والاختلاط بالرجال دون حذر ومنه ارتتكاب ا
المحظور الذي من اجله حرمت هذه الامور . قال تعالى (وقرن في بيوتكن ولا
تبرجن تبرج الجاهليه) وقال تعالى (يايها النبي قل لازواجك وبناتك ونساء المؤمنين
يدنين عليهن من جلابيبهن ذلك ادنى ان يعرفن فلا يؤذين) وش بعد هالقول يا بنت ؟
يا بنت قال فلااااااااااااااااااااااااااااااااااااااااا يؤذين يعني خوف عليك ماهو شي ثاني
تكفون افهمو يا ناس افهمو الدين وش يرجي يبي حشمتكم يبي يحفظكم يبيكم بخير
ارحموني الله يرحم والديكم وافهموووووووووووووووو واستوعبو وتوعوا
وبعدين تعالي الحين أي بنت يشوفونها بعض الشباب وهي ماسوت شي قالو هذي
بنت فيها لعب هذي بنت لعابه تحب الحركات البايخه وهي ماسوت شي في حالها
فحنا نبي نحشمها من هالكلام يا غاليتنا .الحين ماتذكرين اتهام عائشة بالزنا وهي
زوجة الرسول صلى الله عليه وسلم لجل انها تاخرت عن الركب فقالو اكيد عندها
اكيد مواعدها احد وماتاخرت عبث .فهذا اللي خلاني نرفض سواقة المراه السياره.
وتساليني ليه مانخليها تسوق؟
هذي بعض الاسباب تظنين انها ماتكفي لجل نمنع السواقه للمراه؟
الكويتيه : طيب افرض ان البيت فاضي وابوها واخوانها مسافرين ولااحد بالبيت كيف تروح؟
السعودي :يا بنت الحلال حنا مامنعنا السواقه الا وحنا قد المنع يعني مستحيل يطلع رجال من
البيت الا وفيه رجال وهذا حق على الرجال للمراه اللي بالبيت وياعزيزتي كثير نحرم
انفسنا من الطلعات والسفريات لجل نجلس مع حريمنا ومانخليهم لحالهم وهذا حق لهم
وواجب علينا تجاهم واعتقد هذا حق من حقوق المراه بالنسبه لنا حنا يالمسلمين .
الكويتيه : اممممممممممممممممم طيب يعني كل البيوت اللي بالسعوديه فيها رجال مايطلع منها؟
السعودي : اللي يطلع من بيته ويطول المده ولا بالبيت رجال ماهو برجال لانه ماعنده غيره ولا يحب اهله ولا يخاف عليهم ومايخاف من ربه لانهم في ذمتة وامانه برقبته هالحريم اللي بالبيت
وانتي تعرفين وش الامانه يا غاليتي .
الكويتيه : لحوووووووول مالك درب انت؟
السعودي : بسم الله عليك انتي قاعده تدورين دروب ؟؟؟ لحوووووول ولا قوة الا بالله.
طلعت الاخت علمانيه من اخر كلامها واعذروني ماذكرته لانه مايهم ولا يهز فينا شي
طبعا بعطيكم ملحوظه / انا خليت الشريعه اخر شي لاني ابيها تسترسل معي فلو بديت بالشريعه بتقول هذا مطوع وبيغثني بكلامه فحبيت اخلي الشريعه اخر شي ولاحظو اني قلت اولا بها وطبعا كل كلامي من الاسلام ولا لنا غناة عنه الله يخلينا ثابتين ويزودنا الله لطاعتهوعساني ماقصرت معكم في هالموضوع اللي ابي من كل اذا عنده شي يبديه من دون احراج والفايده تعم يا غاليين
العرض المتطور
