السلام عليكم
اسعد الله اوقاتكم بكل خير
قصه يرويها احد العاملين البنقال الذين يعملون في مؤسسة احد الزملائ
يروي لي القصه والدموع تذرف من عينيه وهو يردد (ليش سعودي سوي كذا)
ميزان بنقالي طموح عمل جاهدن لمدت اربع سنوات من التعب والشقى ليجمع بعد مضي اربع سنوات
مبلغ وقدره 56 الف ريال
اراد ميزان ان يفتح مشروع بهذا المبلغ
ميزان حصل فرصه حلوه بقاله للتقيبل بملبغ 45 الف ريال
قام ميزان وكلم كفيله وقال له انا بشتري بقاله وبحطها بسمك بمقابل 500 كل شهر
وافق الكفيل على هذا العرض
شرا ميزان البقاله ودفع ما يقارب 11 الف لتعديل الديكور الداخلي وللبضاعه
التزم ميزان في ان يعطي كفيله مبلغ 500 ريال كل شهر
مضت الايام والسنين والحال مع ميزان كل يوم في تحسن وتم توسيع البقاله وازداد الدخل
و
بعد مضي 3 سنوات واذا بالمصيبه تحل على ميزان
جائه كفيله وقال له ياميزان لقد بعت البقاله بملغ 115 الف واعطاه 20 الف فقط وباقي من المبلغ
95 الف ريال
رد عليه ميزان وقال وين الباقي ابي حقي هذي فلوسي وتعبي
قال له الكفيل انا عندي ازمه ماليه وراح ارجع لك الفلوس بعدين
زعل ميزان زعل شديد وقال كيف تبيع شي ما تملكه
والان يعمل لدى زميلي في المؤسسه براتب 1200 ريال
يبكي بحرقه يقول تعبت في تجميع الفلوس لمدة 4 سنوات وعملت في تطوير البقاله لمدة 3 سنوات
وفي الاخير يوخذ حقي غصب عني
والان ميزان له قرابت سنه و7 شهور وهو حائر ما يقدر يسوي اي شي
انتهت القصه
كثير ما نسب العماله بس ما ندري وش يسوون كفلاهم فيهم
ياما عماله لهم 6 شهور ما استلمو رواتبهم
ياما عماله ظلمو من قبل كفلائهم ومن قبل الناس
ياما عماله يعاملون بدون احترام ولا تقدير من قبل كفلائهم ومن قبل الناس بس علشانه اجنبي
ما يدرون ان دعوة المظلموم مستجابه حتى ولو كان كافرا
وفي الاخير نقول ليش العامل يخطي ويسرق وينهب ويزور
انا ما اقول كلهم صالحين او كلهم طالحين
بس العامل اذا عاملته معامله حسنه واعطيته حقه كامل راح تلقاه وفي ومخلص
اسف على الاطاله
تحياتي
لكم
ودي وتقديري
بنقالي طموح ولكن ؟؟؟؟؟؟
العرض المتطور
