حان الرحيل وجيت أبا اعلن رحيلي=الوقت كافي كل ٍ وفعله ارضاه
ماني بقاصر حق ولاني بخيلي=ماني من اللي معطي الناس مقفاه
قلبي معاكم ماقفي مايميلي=ولكم محبه حبكم قلبي اسقاه
كم بعت لجل الغير والله حصيلي=قرش ٍ يبعدني عن الناس مبغاه
مرت سنين و وقت اقيسه طويلي=والحمد لله سيـّـدي بأمر وانهاه
امره كما سيل الغمام ويسيلي=سيل ٍ سقى غرس المعنا وأرواه
مظلوم قال إن كان جا يشتكيلي=ببحث ورى حقه واحطه فيمناه
إل كل امر ٍ مـِـصـْـدِر ِه له دليلي=قوله وكاد وفعله اليوم سمـّـاه
اشهد يابومتعب كلامي قليلي=ياكيف اكفي فعلك إبقول وأكفاه
مثلك قليل ولا شبهكم مثيلي=الله فرد لك وصف والطبع سواه
حمل ٍ يشيله حمل والله ثقيلي=شال الحمول ولا سمع حي مشكاه
عادات ابوه بفعل دايم جميلي=واهل الجمايل كيف ماتحمي الجاه
من جاه بالكربه لهمه يزيلي=يسمع كلام وموقف ٍ فعل واشفاه
يوصي بقوله كل حي ٍ يجيلي=لا ماج بحر وضيـّـع الموج مرساه
كفه سحايب ممطرات ومخيلي=يعطي بمينى مادرت يوم يسراه
لافرق بين السايره والقبيلي=مادام له دين ٍ على الطيب رباه
شعبه يحبه عــِـد من كل جيلي=يرخص حياته شعب بالروح يفداه
بدعيك يالمولى فصبحي وليلي=تحفظ ملك يحكم بشرعك وترعاه
مادام داعي الحق جا بستقيلي=ملزوم ياظلم المعادين ننساه
لا جاهل ٍ ساطي ولا جا الطفيلي=حكم ٍ حكم به شرع والحق نجاه
ياظلم وينك خابـِـركْ تتكيلي=حبل ٍ تشده جاكم الحق وأرخاه
ماني رفيق ٍ لك ولا أنته زميلي=كم رامي ٍ يرمي وكم خاب مرماه
ياشاري الراحه أبا تشتريلي=راحه اغط الطرف والجفن غطاه
نومي يجي بالليل واهنا بمقيلي=حق ٍ على جسم ٍ عنا قلبه اشقاه
يانفس غيري برتجي تسمحيلي=إن كان جيتك بالخطا دون مشهاه
إن كان زلة غلطة ٍ فغفريلي=بكره نموت وكل ٍ يجيه مرثاه
برحل رجيت إن كانكم مرخصيلي=والحق بان وكل ٍ وشاف ممشاه
مير الوصاه إن كانكم سامعيلي=حذرى نطيح ونمشي الدرب مثناه
قلت الكلام وقولي اصبح كفيلي=واليوم لي درب ٍ تغيـّـر وابا ابداه
هذي حياة وكل يوم ٍ مديلي=ناس ٍ تموت وناس تحيا ونلقاه
للقصيدة هذه مناسبة قيلت فيها
لايتسع المجال لذكرها
فهي ليست موجهه لمنتدى النخبة ( الود )
العرض المتطور
