ليه يادنيتي اعيش باوراق مهملة
ليه كل يوم تجرعيني الحسايف والندوم
ليه يادنيا تعذبيني وتخلي حياتي مهزلة
لكل حسادي وعذالي صار الوضع معلوم
شقا خيانة كذب فتنة وللعذاب تكملة
من كثرهم حسيت ان الزمن مسموم
صاحبي وهو صاحبي تغير لسبب اجهله
مدري ان الزمن غيره ولا هو صار مغروم
واحتاج لغيري وانا اللي اذا قال صرت بمشكلة
فزيت له حتى اذا كان ظالم قلت مظلوم
اسامحه لي زعلني ولا احاول ازعله
لكنه باع الوفاء بغدر وانا بدونه مهزوم
والاقرباء اللي اذا حلو قلت ياهلا ومسهلة
لي دخلو بيتنا جرحونا وقالو البيت مزحوم
جرعونا من الشقا وكل هذا اتحمله
لجل القرابة وهم لجلها سووا كل شئ مذموم
كذب وقلت عادي عسى ربي يتممهاله
وحسبوا اني جاهل وقالو هذا غبي مرحوم
مايدري عن اللي حواليه واللي يصير له
مادروا اني لجل القرابة باستغبي مع اني راعي الفهوم
اما صديقي اللي بكل مشاكلي التجات له
وفي وقت الضيق والغم ولي صرت مهموم
هو الوحيد اللي ساندني وقربه ارتحت له
بعد الغربة والفراق وبعدماصرت منه محروم
تمنيت اذا قابلته اشكي له ومن بعد الفراق اتامله
سلم علي وراح وخلاني وانا فيه مصدوم
هذي جروحي فيك يازمن والسبب استمعت له
يازمن من كثر الجروح انحرمت من النوم
اسف ماعاد اوثق بالزمن ولا بالناس الجهلة
اللي اذا كنت طيب معهم بدوا بالعزوم
واذا شافوا عود كبريت قالو لي اشعله
ولايرتاحون الا اذا صارت نار وصرت منها محموم
كانوا اذا غلط منهم احد اضطر اعتذر عنه وله
مايستاهلون اللي عطيتهم ولاقصيدي اللي لهم منظوم
انا واحد عزيز نفس ولاارضى بالبهدلة
من ناس جهلة ماني بصحبتهم ملزوم
هذا القصيد لكم حتى افهمكم مشاعري المرسلة
اما انا فعن نفسي من فعايلكم محشوم
لاني عاقل ولاارضى بسواياكم المخجلة
اللي احس اذا تذكرتها صرت ملطوم
يازمن انا من اليوم لاخر يوم بعمري باشغله
عنكم ن اللي على شاكلتكم بالخصوص والعموم
ومن اليوم باختار صاحبي وبمزاجي باعدله
ماراح اعدل صفاته لكن صداقته باعدلهامن اليوم
وماراح اسمح له يخدعني هذا جواب الاسئلة
لاني اليوم اقوى من امسي المشؤوم
ومن اليوم لاشقا ولاعذاب ولااحد يسوي علي مرجلة
لاني صرت انسان ثاني وهذا شئ محسوم
يازمن لاتخاف علي من اللي بشوفه وباقابله
لان هذا قدر وانا راضي بقدري المحتوم
اما الماضي فانا نسيته ولاباتذكره ولااحن له
اسمعني يازمن هذا خبرجروحي والعلوم
اللي ضايقتني بهاليوم ومن القصيد نظمت له
حتى اشيل عن قلبي همومه ولااكون كتوم
صدقني يازمن انه تركني في وقت حاجتي له
ولجل هالسبب بااتغير وبالتغيير انا مرغوم
هذا اكبر درس تعلمته من الزمن وحزنت له
لكن هالحزن مابيطول لان الحياة مادامت لاحد ولاراح تدوم
شكرا يازمن على كل شئ لفت نظري له
وانا باتفاءل ولابياس وباارضى برزقي المقسوم
وهذا كله مقدر من رب العالمين ومانقدر نبدله
عسى ربي يثبتنا على الدين ويزيل عنا الهموم
ويهدي كل ضال ويغفر ذنوبه وييسر الهدى له
ويبعد عنه سوء الظن والمحن والبلاء والوهوم
ويبعده عن كل خطا ولا يخليه يستسهله
وبالجنات والمغفرة والرحمة اجزينا يارحمن يارحوم _________
لــــــــــــــــــــــيـــــــــــــــــــهـ ++slmlm07
العرض المتطور
