مساء الخير
هذي قصيده قلتها اواسي اختي
بعد ما سافر الوالد للعلاج وكانت متاثره كثير
ياشيخه تكفين لا تبكين = دمعي ولا دمعة عيونك
يابوك .. ياخوك لاتشكين = حبايبك باكر ايجونك
والمؤمن ليا طواه البين = يلجئ لمن هو خلق كونك
ليا متى وانتي تحسين = بالضيق ويبان في جفونك
ويبان حتى فكحل العين = وفي بشرتك .. حتى في لونك
ويبان حتى في كلمة مين = وفي فتحة الباب على هونك
وادخل بدون ياهلا وسهلين = ومظلم الدار من دونك
ما انته على عادتك يازين = عادتك ضحكتك ما تخونك
لاتضيقي صدري وهالحين = وريني ضحكتك ..وسنونك
يا علني فدوتك امين = ويرد غاليك لعيونك
وسلامتكم ....
العرض المتطور
