[poet font="Simplified Arabic,4,black,normal,normal" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=" glow(color=gray,strength=5)"]
مرت سنه يا بوي من وقت فرقاك ** وقلبي الى هاليوم شمسه عتيمه
مرت سنة فرقا وحسك وطرياك ** متوسد باوراق حزنـي القديمـه
مرت سنه وانا اتخضب بذكراك ** بدموعي اللي في عيوني مقيمـه
من عجلت في رحلة الموت ممشاك ** وانا حياتي ما لهـا اي قيمـه
البارحه في غفلة الليل اطـراك ** قلبـي ونـادت آهتيـن فصيمـه
ومرت بعيني صورة ايام دنياك ** واوقات كانت في حياتي عظيمـه
ياما عطيت الناس من خير ما اعطاك ** ويا مسحت دموع ثكلي كليمه
وياما يمينك سابقت خير يسـراك ** حتـى يدينـك شبهوهـا بغيمـه
يابوي بنتك دربها صار اشواك ** ومعاد تمطـر فارضهـا اي ديمـه
واللي خبرته يحسب حساب يمناك ** واشد ظهري فيه عند العزيمـه
ما مداك بس تموت يابوي ممداك ** الا وجا يهدي لعمـري الهزيمـه
ومابين غبنة ذاك وجروح هذاك ** وفراق كلي منه روحـي سقيمـه
وهذا انا يابوي من بعد فرقاك ** تذكار كنت وصـار اسمـي يتيمـه
هـــــذه الـقـصـيــده ل... تــذكـــار الـخــثــلان
[/poet]
العرض المتطور
