لو صَحًّت الأمثال في كل الأحوال = ماشفت واقعنا خضوع وهزيمة والمجد لو ينفع معه سبك الأقوال = إنْ كان صرنا اليوم أمة عظيمة كالببغاء نحفظ قديمات الأمثال = نبقى نردّدها ولو هي عقيمة نقول قال فلان وفلان ماقال = ومن حاد عنها نحْسِبِه مع حريمه مثال قالوا : كل مطرود ينطال = وحنّا نطارد والنتيجة أليمة ضاعت قضايانا ولافيه رجَّال = منا يرد الفاجعة والظليمة نقول حنا بالزمن خير الأجيال = وحنا هل النخوة وساس الغنيمة وحنا الشيوخ وغيرنا أنجاس وأنذال = وحنا النظاف أهل القلوب الرحيمة وحنا نهار الموت قاسين وأبطال = لاواعذاب اللي غدينا خصيمة رضيعنا ينطح ثمانين خيال = وسيوفنا يوم التلاقي كريمة بالحكي والتنظير نحقِّق أهوال = وأفعالنا للي حسبها عديمة يبزغ علينا هْلال وإيغادر هلال = وشبابنا ياشينهم من ضميمة نحْيِي ليالينا برقصة ومواّل = ونْسمِّي الخلوة صداقة حميمة مكتب وضيعة وقت جلسات ودْلال = أقصى أمانينا حضور الوليمة ناكل طعام ونلبس شماغ وعقال = مستوردينه أحدثه مع قديمه أجسامنا صارت شبيهة بالأفيال = من كثر ماهي في رخاها مقيمة متشيِّمينن عن شريفات الأعمال = ومتفاخرينن في علومٍ قديمة (فلان صانع ) عندنا اليوم تنقال = للي نعدِّه من أصولٍ سقيمة حياتنا لولا صناديد (بنقال ) = ماظنّها للي بغاها كريمة وحلالنا لولا مساكين ( نيبال ) = يضيع منّا في عجاج الكتيمة أقلَّها لو يضرب اليوم زبَّال = عن العمل نعيش عيشة بهيمة ماحب جلد الذات في كل الأحوال = ولاني من أهل السخرية والشتيمة متفائل بطبعي ولاني بمياّل = لأهل التخاذل والحكي والنميمة لكنْ طفح من ذلّنا كل مكيال = والنار في جوف العروبة ضريمة أطفالنا ماهم مثل كل الأطفال = أنفاسهم جمرٍ تعاظم واسلامنا دمه كما نزف شلاّل = الموت صوته والتفكك نديمه دين الله اللي لأجله استشهد أبطال = اليوم صار لتابعينه جريمة اسلام خالد مع عمر طيب الفال = اللي جعل مبغض محمد غريمه النصر يبغى من قوى حمل الأثقال = يوم الفشق متشابك مع صكيمه النصر ماياتي بقصة وسلسال = ولاتجيبه أغنية ( يايتيمة ) !! النصر مايشرى بدولار وريال = حتى لو النيات فعلاً سليمة النصر ماهو مال والله ماهو مال = النصر إيمان وصمود وعزيمة النصر تكبيرة جهادٍ إلياحال = بطش العدو عن الحلول الحليمة متنا سياسة وانتفاضة وترحال = والغازي المغرور زوّد جحيمة وش يذْكِر التاريخ من بيض الأفعال = دام الوجيه اللي رجينا دميمة ومادام أخو روبي وكوكو وفريال = ماحرِّكه ذل القهر والهزيمة شعر \ حمدان بن سالم العنزي
0 0 0 0 وش يذْكِر التاريخ من بيض الأفعال = دام الوجيه اللي رجينا دميمة حمدان العنزي صح لسانك مليووووون ولاهنت.. وبيض الله وجهك على هالقصيده ...!! والله يعطيك ألف ألف عافيه .. ولايحرمنا من جديدك ...!! ودي ووردي
صح لسانك لا هنت
حمدان العنزي صح لسآآآآآآآنك مليون في مليون شآآآآآآآمخة تعانق السحاب لا تحرمنا من بوح خآآآآآآطرك دمت بخير لا عدمناك ,,, مهآآآآآآآآجرة
:: :: :: العنزي :: :: :: صح السانك والله لا يهينك مثل ما قالوا : جبتها ع الجرح بيض الله وجهك والله لا يقصر بك شموخها عانق شموخ نجم سهيل يعطيك الف عافيه لك انت ازكى التحيه طارق اليامي :: :: ::
الله عليـك .. ابـدعـت بشمـوخ .. حمـدآن ..,.,’.. نـظم تميـز حـتى الإبـدآع .. صـح لسـآنك ويسـلم بـوحـك مليـون ولآآ يكفـون .. بوح لن أمـل متآبعتـه .. بشـوق لجديـد نـزفـك .. فـلآآ تطيـل .. ,.,’..
![الصورة الرمزية [] خفـوٍق الـرِوِح []](image.php?u=44747&dateline=1176313951)
العرض المتطور
