أنا كذا أتعب بلاش صور بنات حلوّين برسائل الوسائط

[زوبعة فكر]

مساكم الله بالخير
أدخل بالموضوع بدون مقدمات
خدمة رسائل الوسائط حلوة مرة وتوسّع الصدر بالمرة واستخدمنا لها حلو كتير بالمرة

لأنه معروف عننا أننا نوظف التكنلوجيا أفضل توظيف من شان كذا أغلب شبابنا عاطلين
لأنهم مشغولين بتوظيف التكنلوجيا
ومافيه شيء جديد يطرح بالأسواق إلا وتلقاهم يبعثرون فيه
الله لا يضرهم أتذكر لمّا نزلت البلاستيشن أفضل لاعبين عندنا يبدعون في الألعاب
يخترعون لنّا اليابانين ألغاز ورموز في اللعبات ولا يفزعون
لنّا اليابانين ويحطون لنّا مجلة فيها حل للشفرات والألغاز وكل اللي علينا بس نترجمها عربي ونفكّ أقوى لعبة
عيني عليهم باردة
الجوّالات أفضل خبراء في خفايا الجوالات عندنا
والدليل أنك تشوفهم يمسكون الجوالات في كل مكان وأتحدى واحد يجلس في مجلس ومايمسك جوّاله خلال عشر دقايق
رسايل بلوتوث وسائط وهذي هي سالفتي اللي ما بعد قلتها لكم
من شان كذا أقولكم بدون مقدمات ودي أدخل بالسالفة عالطول
أمس وصلتني رسالة وسائط الرقم غريب ماقد مر عليّ

وش حصلت بالرسالة مكتوب فوق
وسائط متعددة
شريحة 3/1
إلا أشوف صورة لوحدة مبتسمة ومتحجبة البنت جميلة بشكل رهيب وأنزل بالسهم شوي
إلا وأشوف البنت نفسها بس بدون حجاب وماسك بيدها ورقة مكتوب فيها شيء بس قلبت بالصورة يمين يسار ماوضح
عندي اللي مكتوب بالورقة نزلت مرة ثانية
إلا وأشوف البنت نفسها منسدحة والورقة بيدها وتقل واضحة شوي كبّرت الصورة إلا والكلام اللي مكتوب بالورقة
ها أرتحت فهد حياتي هذي أنا
//

\\

//
طبعاً كأي شاب سعودي توصله رسالة بهالشكل لابد أتصل وأعرف وش السالفة ولو مافيه سالفة أحط سالفة
أتصلت على الرقم قلت ألووووو إلا وذيك الصرحة اللي خلتني أتلفت يمين ويسار
قلت خير إن شاء الله ما أسمع إلا اللي تقول لي بصوت مرتعد الله يرحم والديك أنا غلطان وآسفة تكفى ياولد الناس
تحذف الرسالة اللي ارسلتها لك بلييييز واللي يوفقك
أنا ضربتني الطنخة وقلت لها لحظة خليكِ على الخط الحين أحذفها ومن الطنخة حذفت كل الرسائل اللي موجودة بالوارد
قلت يابنت الناس حذفتها قالت أحلف حلفت لها
قالت الله لا يوفقك إذا تكذب >>>>>>>>>>>>> انقلبت البنت عليّ وقامت تدعي عليّ
قلت يابنت الأجواد حذفتها خلاص بس ممكن أعرف إيش السالفة
قفلت الخط بوجهي >>>>>> حسيت أن الحركة مهي زينة قلت ماعاد أتصل عليها شكلها أرسلتها بالغلط وهذا الأكيد
أرسلت بس لها رسالة لأنه قلت من اللباقة تقولي مع السلامة مو تقفلي الخط كذا
اتصلت عليّ واتصالها زي اتصال أي بنت معها سوا يعني رنة وتقفل
اتصلت عليها وقلت خير قالت أخوي >>>> ماش يوم قالت أخوي طاب خاطري منها
قلت آمري ها وش عندك
قالت والله أنا أرسلت صورتي لخطيبي وغلطت في رقمه أتمنى ماعاد تتصل على رقمي والله لا يوفقك إذا الصورة لسى عندك >>>>>> البنت مصرة تدعي عليّ
قلت إيه خطيب إن شاء الله عقبال ما تتزوجون بالبلوتوث
وقفلت الخط
//

\\

//

\\

//
الحكمة من الموضوع
أو الغاية
أو اللب
أو سنع الموضوع كله
صارت خدمة الوسائط خراب مجتمع
الواحد أو الوحدة من خلال علاقة تسلية تسلم صورتها وترسلها بالوسائط كعربون محبة
وبالغلط توصل أو أقولكم مو لازم بالغلط
لأنها راح تكون موظفة للتهديد البنت
وأهل العقول براحة
//

\\

//

\\
والغاية الرئيسية من الموضوع
أي واحد عنده رسائل وسائط حلوة يرسلها لي بليز
توني طايح بالرسائل الحلوة
البلوتوث مليته
يللا سلام

[نبـض المشاعــر]

لا حول ولا قوة الا بالله

طيب البنت هذي طاحت في واحد يخاف الله
لكن المرة الجاية!!!!!

مو كل مرة تسلم الجرة

والباب اللي يجيك منه ريح سده واستريح

يا بنات المسلمين خافوا الله
وأستروا على أنفسكم
لاتكونين انتي السبب في انتشار صورتك


والله يهدي كل ضاال يااااارب


شكرا زوبعة فكر على الموضوع الرووووعة

[راســـم الكلـمه]

اقتباس المشاركة الأصلية كتبت بواسطة ليــان المملوحه لا حول ولا قوة الا بالله طيب البنت هذي طاحت في واحد يخاف الله لكن المرة الجاية!!!!! مو كل مرة تسلم الجرة والباب اللي يجيك منه ريح سده واستريح يا بنات المسلمين خافوا الله وأستروا على أنفسكم لاتكونين انتي السبب في انتشار صورتك والله يهدي كل ضاال يااااارب شكرا زوبعة فكر على الموضوع الرووووعة

وانا اتفق مع كلام الاخت

[زوبعة فكر]

اقتباس المشاركة الأصلية كتبت بواسطة راســـم الكلـمه وانا اتفق مع كلام الاخت

شاكر لك مرورك
تحيتي بابتسامة :)

[زوبعة فكر]

اقتباس المشاركة الأصلية كتبت بواسطة ليــان المملوحه لا حول ولا قوة الا بالله طيب البنت هذي طاحت في واحد يخاف الله لكن المرة الجاية!!!!! مو كل مرة تسلم الجرة والباب اللي يجيك منه ريح سده واستريح يا بنات المسلمين خافوا الله وأستروا على أنفسكم لاتكونين انتي السبب في انتشار صورتك والله يهدي كل ضاال يااااارب شكرا زوبعة فكر على الموضوع الرووووعة

الفتاة للأسف تثق بمجرد أن تحب وتعيش قصة بنية على الوهم
لذا تفرد بالثمين بسبب قلب عاش وهم الحب المؤقت
دون دراية أو تفكير
أسعدني هطولكِ هنا
سلمتِ
ودمتِ بخير
تحيتي بابتسامة :)

[ســـــحااب]

أقول ماتبيع رقمك شكله شيء

ههههههههههههههههههههههههههههههههههههههههههههه
عموما الصورة ماتعني اي شيء بالوقت الحاضر وان بغيت تشوف سعوديات اكثر رح لدولة قريبه مره دبي وشف العجايب اما التكنولوجيا فكل انسان يوضفها حسب احتياجاته ورغباته 0


شاكر لك الموضوع
ســـــــــحااب

[زوبعة فكر]

اقتباس المشاركة الأصلية كتبت بواسطة ســـــحااب أقول ماتبيع رقمك شكله شيء ههههههههههههههههههههههههههههههههههههههههههههه عموما الصورة ماتعني اي شيء بالوقت الحاضر وان بغيت تشوف سعوديات اكثر رح لدولة قريبه مره دبي وشف العجايب اما التكنولوجيا فكل انسان يوضفها حسب احتياجاته ورغباته 0 شاكر لك الموضوع ســـــــــحااب

لا أيدك من الشعر بيت كل رقم بزاوية يعني رقمي لا مميّز ولا شيء بس أحياناً تخمش
:)
أمّا لمّا تتكلم عن الفتاة السعودية اللي في دول الخليج صدقني هم عدد بسيط لا يمثلوا سوى
نسبة لا تذكر بس عيون الناس علينا والمشكلة أنه بعض الخليجيين صاروا يسوقون لهالشيء
لأنهم عارفين أنه الفتاة السعودية مصونة :) زي ما حصل في دورة الخليج بالإمارات
صاروا يركزوا على لبنانيات لابسات زي سعودي ويحملن شعار السعودية
وكأنه بصورة غير مباشرة يحفزوا الناس يحضروا والحركة هذي كان فيها استخفاف للعقول
على فكرة السعودية 22 مليون ودول الخليج بمجملها ما تتجاوز عدد سكان الرياض 5 ملايين من شان كذا حنّا ملاحظين أكثر


شاكر لك مرورك
تحيتي بابتسامة :)

[.. اميره ..]

التقنيه سلاح ذو حدين .. ولو استخدمت بالطريقه السليمه انعدمت سلبياتها








ندخل بالرد بدون مقدمات على رايك ..








تكنولوجيا .. البلاستيشن .. الجوالات .. انترنت .. وغيره كثير لان الخير جاي قدام







لو وضعت بايدي واعيه .. تحت تصرف اشخاص تفهم الصح وتفرقه عن الغلط








ماكان سمعنا قصص وماساه لاي بنت مع شاب مستهتر ..








المسؤوليه اعتقد بالموضوع هذا على البنت لانه حساس خصوصاً بمجتمعنا الي يوجه اصابع اللوم والاتهام لها دائماً .. ويوجه كذلك للاهل لان دورهم اساسي بالتوعيه والرقابه بالاخص على المراهقات








كذلك الواجب على كل شاب يتذكر ان له اهل مايحب يشوفهم بنفس هالموقف ..








زوبعة فكر







طالما مليت البلوتوث .. بطيحك على رساله وسائط احلى من الي عندك

كل التحايا ,,

[زوبعة فكر]

اقتباس المشاركة الأصلية كتبت بواسطة .. اميره .. التقنيه سلاح ذو حدين .. ولو استخدمت بالطريقه السليمه انعدمت سلبياتها ندخل بالرد بدون مقدمات على رايك .. تكنولوجيا .. البلاستيشن .. الجوالات .. انترنت .. وغيره كثير لان الخير جاي قدام لو وضعت بايدي واعيه .. تحت تصرف اشخاص تفهم الصح وتفرقه عن الغلط ماكان سمعنا قصص وماساه لاي بنت مع شاب مستهتر .. المسؤوليه اعتقد بالموضوع هذا على البنت لانه حساس خصوصاً بمجتمعنا الي يوجه اصابع اللوم والاتهام لها دائماً .. ويوجه كذلك للاهل لان دورهم اساسي بالتوعيه والرقابه بالاخص على المراهقات كذلك الواجب على كل شاب يتذكر ان له اهل مايحب يشوفهم بنفس هالموقف .. زوبعة فكر طالما مليت البلوتوث .. بطيحك على رساله وسائط احلى من الي عندك كل التحايا ,,

على فكرة الصورة :) تنم على ذوق رفيع :)
وتحتاج إلى قصيدة عزل تدعمها
ما شاء الله الدرايش بفمه مفتوحة

أمّا عن حكاية التكنلوجيا تأكدي بأن البعض يكون تركيزه منصب على الاستخدام السيء
للخروج عن المألوف بمحاولة الابتكار الكاذب
:)

أسعدني تعقيبكِ
سلمتِ
ودمتِ بخير
تحيتي بابتسامة :)

[معدي المراقيب]

لله درك موضوع جميل ونقد هادف بأسلوب ساخر
تقبل تواضع مروري