قصة الأكاذيب (الجزء الثاني) قصة جديدة Fresh طازه جداً من الفرن إلى كمبيوترك

[المســــافر راح]

السلام عليكم

مرحبا اخوتي الاعزاء .. طاب صباحكم بكل خير ومحبه
<< صاير رسمي اليوم

اكيد كلنا شفنا الايميل اللي وصل للقروب من الاخت

][§][®ˆ§ ليالي §ˆ®][§][

وكان مضمون الايميل .. الصوره هذي

صراحه اول ماشفت الصوره متوقع انه فبركه صحفيه ..وخصوصا انهم ماذكروا اسم الصحفي بالخبر << احلى ياكاشفهم

مو معقوله توصل للدرجه هذي انهم يرمون مواطن بالارض .
يعني وش بينه وبينهم عشان يرمونه .. وليش اصلا يسعفونه اذا هم بيرمونه

يعني بالعربي .. صحفي فاضي لقط الصوره هذي وفبرك عليها الخبر ..

كأنه فبركات جريده الجزيره وقولتهم ان نواف التمياط طلب 30 مليون << حاس ابو الموضوع

::

المهم ..

وزير الصحه ( المانع ) .. وصله الخبر ..
ارسل رده على على نفس الجريده ( جريده اليوم ) .. والجريده نشرت الرد بطريقه مدري وش تبي ..

ومافيها اي اعتراف بالخطأ ..يعني مافيه مصداقيه بالخبر ولا فيه شجاعه بالاعتراف ..ولا حتى اعتذار

واللي فقع مراتي .. ان خبر المريض بالصفحه الاولى .. والصوره كبر الجدار
اما رد الوزير بالصفحات الداخليه وخبر صغير ..

وهذا رد الوزير ..



http://www.alyaum.com/issue/article....1&I=404978&G=6

انا ودي اعرف .. وش هدف الجريده من الخبر هذا

فيه تشويه لسمعه البلد ..قبل تشويه سمعه الجريده ..

كذا راح نفقد المصداقيه بجرايدنا ..

لو هم ودهم يفبركون خبر ..كان فبركوه بشي ثاني

[يعني يقولون الخبر هذا .. [ تركيب الدي اس ال بعد 24 ساعه من الطلب
مع ان هذي مستحيله ..بس على الاقل يخلوني انبسط << مقدم له 6 شهور و ماركبوه للحين

اما يفبركون خبر مريض والاسعاف رامينه بالارض .. مالهاش لزمه

::

انا ما ادافع عن وزاره الصحه .. يكفي القطاع الصحي جاب العيد بالطفله رزان وماتت بخطأ طبي <<< قلب عليهم

بس نبي المصداقيه بأعلامنا ..

وسلامتكم وسلامه الحاظرين << قصيده مو موضوع

[البركان]

هلا وغلا

المسافر راح

الف شكرعلى التوضيح
وصراحة اطلعت على هالصورة وكان في موضوع من احد الاخوة
هنا في المنتدى ورديت عليه رد في نقد لوزارة الصحة ولمثل هالمستشفيات
التي لاتهتم في مرضاها والبعض قد يخرجه من المستشفى في حال لم يدفع حساب علاجه،،

ولكن الصورة الان اتضحت
وبعد مافكرت فيها شوي قلت يعني معقولة يروحون ويرمونه في وسط الشارع
لو فرضنا ذلك نقول بيطلعونه من غرفته في المستشفى بيحطونه في المرر
بجنب المتشفى بالكثير لكن يروحون يركبونه بالاسعاف وينزلونه وسط الشارع ويرمونهم هناك‍‍‍،،،،،،
قوية شوي،،

عموما اتاسف من الرد السابق في الموضوع الخاص بان هذه الصورة
لارجال اسعاف رموار بمواطن خارج المستشفى الى الشارع بعد توضيح وزارة الصحة،،

وسبحان الله العلمل الذي قاموا به هو العكس تماما
ذهبوا لا نقاذه،،

وانا هنا اطالب بمعاقبة جريدة اليوم ومن قام بفبركة الخبر الكذبه
والذي اساء لسمعة الوطن في كل مكان داخليا وحتى خارجيا لمن اطلع على هالصورة،،،

[قـمـ الــود ـري]

بس في ملاحظة اخـرى اخوي مسافر

انه الخبر انتشر في كل الصحف

ورد وزير الصحه ( ما جا ولا في اي صحيفه )

يعني الا الا يبغى يمسكوا شي على المخلص الامين وزير الصحه

خصوصا بعد ما كفـش خبثـائهم في عملة رشـوة الصيدليات ( منذ حين مضـى ) !!

[المســــافر راح]

يعطيكم العافية على الرد ومشكورين على المرور

[محتاج حب وحنان]

الدكتور حمد المانع على حد علمي أنسان عملي ومجتهد في عمله

ولا أتوقع أنه راح ينفي الخبر لو كان الخبر صحيح أصلا

ولا أتوقع أن أي مدير مستشفى يسوي كذا

يعني بصراحه الخبر مادخل راسي


ويعطيك الف عافيه أخوي

ودوووم هالطله ان شاء الله

[..! خسآره !..]

..

يـعطـيك العافيه ع المووضووع وتسـلم يمـنآك,,,


خـسـآرٍه

..