ادخل والله لتعض الفرشه من الضحكـ لاتستغرب دلخ !!!!!
كعادتي راقد في المقلط ؟؟؟؟؟؟؟ ما فيه جديد
متدربي(متدحرج) لين وصلت المطبخ والسبب أفلام جاكي شان اللي قاهرني وشلون يصفق خمسه بدركسون الكرسيده >>>> كامري يا حماااااار
والله وفي نهاية الفلم قصدي النوم أتعرض لأصابه وسوي نفسي متكسر وأبغى بلنتي هههههههه
أثاريه أبوي يصحيني للمدرسه ويقولي قم ما بقى في البيت أحد الا انت وانكسرت يده والسبب إنهم يطيحون فيك كل ما يبغون يغسلون في الصباح وأنا اللي أسوي إني برئ
ومالي دخل وإن هذه كلها أضغاث أحلام <<<<<< أخس سامعها من مدرس الحديث ؟؟؟؟ يجي منك يالقرد .
المهم الناس تفطر وتمشي وأنا اول شي أدور عليه هي طاقيتي البريئه وشماغ المظلومه
بسبب هجرها للماء من شريتها في عرس دحيم ما غسلتها وطبعة 58 عليها منقلبةٍ صفراء
من كثر ما أجلس مع الشباب في البر عند النار >> ما أحد سألك أكيد وسخه
طبعا أجلس عند الباب ما غسلت وجهي اللي يشوفني يقول شحاذ عند باب مسجد
المهم وفي أثناء غفوتي المعتاده على درجة الباب أقوم على قرع نعال أبو سلوم
جارنا اللي يودي كل يوم بنته للمدرسه المهم يوم شفت ابو سلوم ويطير النوم
وأكشر عن أنيابي تعبيراً عن الرضى والأبتسامه بأسناناً قد أكلها السوس
والسبب بسكوت ريكو ( الله لا يوفق اللي صنعه والحصيلة نظارات شمسيه حضراء )
المهم وأقمز مثل الأسد اللي شايف له لبوه وأطمر وأحب خشم ابو سلوم
وأتميلح عنده والسبب معروف
واقول لأبو سلوم إذا تبي شي والا شي لا يردك الا درجة البيت
ترى أنا مثل ولدك المهم وفي أثناء كلامي >>> أنا أقول إني اليوم سيبويه يا ولد ؟؟؟ ..
والله ويلتفت الشايب ويقول يا ولدي ما عندك دراسه
المهم وأبتسم وألبس النظاره الخضراء ( الجائزه الكبرى من ريكو وإنجاز حياتي الوحيد ) ..
قلت الا عندي دراسه
قال ليه ما تظف وجهك وتدرس أزين من وقفتك تقول كنك علبة مالبورو أنت وشماغك
واقول أعقب يالداشر وشوي ويطلع الليل وأشوف النجوم بس أخبر الليل ما فيه دراسه >> تأثير عصى ابو سلوم
المهم ويطلع صارور في راسي وفي الجبهه تحديدا
وأحاول أنزل الطاقيه عليها بس يوم حطيت الطاقيه حسيت الدنيا ظلما
الله لا يوفقك يأبو سلوم يا شايب القطاوه ؟؟؟؟ نازل الصارور(جرح منتفخ)خخخخ عند عيني :::::
وكعادتي أجي متأخر ويقولي الوكيل وين الناس
وأسوي نفسي ظريف وأقول ما أدري أنا توني جاي من البيت ،،،،،
ويعصب الوكيل ويقوم ويعطيني مساحة الصبوره وأحطها في مخبا ثوبي >>>>> إيه هين قلهم فقع وجهك فيها ؟؟؟
ويحولني الأجرررب للمرشد ويوم أدخل على المرشد وهو كان يكلم واحد وأجلس على الكرسي
وأحس إن عيونه بتطلع من راسه بس ما أدري وش السالفه
ويسكر السماعة ويقول مرحبا عبودي وأبتسم في وجهه
وأنا خجلان وأسوي نفسي متبعثر في الكلام
وأنا وشكلي تقول قرد ما يأهل تكون في أمل وبوادر خجل في يوم من الايام .....
بس كمل القصه الناس ماهيب فاضيه لك ؟؟؟
ويقول لي عبودي تشرب بارد والا شي حار ؟؟؟؟؟؟؟؟؟؟؟
واقول لا والله توني شارب كوفي شوب >>> عادي قروي لا أحد يدقق
طبعا الوكيل يعطيني مساحة الصبوره ؟؟؟
المشكلة المرشد منسق مع الوكيل هالضاطور على طول يعطيني الطبشور >> لا أحد يسألني أكيد تعرفون السبب ..
ويعطيني ورقة إستدعاء ولي أمر ....
الله لا يعطيه عافيه قال عطها أبوك
قلت ابوي لادغته ضاطوره ههههه >> ويعصب علي يدري إني اقصده
ويقولي أنت ما ينفع معك كذا خل أبوك يجي وأخليه يربيك
وأقوله ليه شايفني قطوه >> بدأ التنسيم المعتاد الساعة 9 صباحا ؟؟؟
ويقول إنزل تحت وخلك في الحوش وأنا اللي أقاطعه
وأقول ليه شاري نعيميه عشان تحطني في الحوش ؟؟؟؟؟؟؟؟؟
ويعصب ويقول تراك رفعت ضغطي يا دلخ وابتسم كالعادة
وأقول له أنا ياستاذ ارفع ضغطك عن الطلاب عشان ما يلعبون فيه>>> خيل
ويقول لي رح للمدير خلاص مافيك فايده ؟؟؟؟؟
وأسوي نفسي حزين.............................
واقول للمرشد بكل سهوله أنتهينا ... كلمه قالتها وراحت وأنــ ....>>اخص يانانسي جرعم
وأسمع صوت والتفت على المرشد واشوفه أنغمى عليه
وأطلع وأروح للمدير ويشوفني ويتعقد وجهه
وانا اللي أبتسم تقول فراش بيستلم الراتب
قالي وشعندك واسوي نفسي خفيف دم عشان ارفع ضغطه
واقول معرس بس مضيع الصاله ههههههههههه
طبعا ما يقدر يقولي شي لأنه يسجل في بقالتنا >> يلعن أم الذل ؟؟
وشوي ويدخل الوكيل والمرشد حاط ثلج على راسه ههههههه تدرون ليش طبعاً
ويقولون للمدير يا أحنا في المدرسه يا عبود ولد ابو عبود ؟؟؟؟
ويقوم المدير ويمسك أذني ويطلع فني برا المكتب
وهو لا يزال يمسك في أذني
وأنا لا أستسلم وأقاوم وهو يمسك أذني
وتارة يدي وتارة أخرى ثوبي من عند ازارير رقبتي >> وشفيك قلبتها مصارعه
ويقول تعرف بيتكم اللي بآخر الحاره
قلت له إيه قد عزمني ابوي مرتين هههه
قال أنقلع وخل أبوك يمر علينا بكره ولا تجي الا وهو معك يا دلخ ؟؟...
وأطلع كعادتي قبل الخلق كلهم وماسك الكتب >> الله وأكبر كلها دفتر تعبير ودفتر كشكول ؟؟
وأجي للبيت وأقول لأمي اليوم طلعونا بدري عشان اليوم الوطني ؟؟؟؟؟
قالت يا عبود كل يوم ربوع عيد وطني قلت بس كان تاريخ الأربعاء غلط >> الله يخلف على أمك
وأنا قاعد أسولف مع أمي عن الحرب العالمية الثانيه
وأمي ما تدري وشسولف عنه وقاعد أقولها أن بوش صفقك هتلر هو ورونالدو
وبعد يومين يقوم الزير سالم ويدخل في المعركه ويكفخهم كلهم وياخذ حزام البطوله ؟؟؟؟؟
ويدخل علي أبوي كالعادة جايب البزارين الصغار
قال لي وشفيك يا عبود طالع بدري
قلت اليوم عند أربع حصص بس قال ليه أخبرها سبع حصص
وأقوله لا المدير سامحنا اليوم >> يلعن أم النصبه
ويدري ابوي من المدير يوم صلى في المسجد العصر
وانا رايح العب كوره ويتم طردي من المدرسه
وإلى الان قاعد أدور على مدرسه بشرط أكون فيها عريف الفصل
) .. 
العرض المتطور
