هل تقبل بفتاه دخلت الانترنت

المشهور · 29-09-2002, 11:20 PM

اود من خلال هذا المنتدى ا ن اطرح سؤال قد يتبارد الى اذهان الكثيرين من الشباب
ذلك السؤال هو : هل تقبل ان ترتبط بفتاه دخلت الانترنت ؟
وكلمه الانترنت كلمه عامه يختلط فيه الصالح بالطالح .. فما هي ردة فعلك ايها الشاب لو تبين لك ان من ستتقدم لخطبتها من هواه دخول الشات والتعمق في خبايا الانترنت
ارجو من الاخوة والاخوات ابداء رايهم حول هذا الموضوع بصراحه ..

وأرجوووووكم بدون زعل :)

يا شباب ويا بنات سئلني واحد من الشباب هذا السؤال ونا جاوبته بكل صراحه وحبيت انكم تشاركونا في الراي والى عنده اختلاف ياخذ راحته وكل واحد يقول الي في خاطره ولااحد يستحي وانا وجهة نظري بتشوفونها تحت ولكم مني طيب المقام:)

الفـــــارس · 29-09-2002, 11:28 PM

شوف اخوي المشهور
ياما طرحت انا هذا الموضوع بس ماكان في تعاون

انا اجاوبك وبكل صراحه
انا اقبل اني اخذ وحده تعرف النت
بس اذا كان في الشئ الصالح
او بالاحرى اذا كان قبل الزواج كانت تدخل دردشه او ماسنجرها مليان شباب
بس اذا تزوجتها باحاول اغيرها
يعني نووو دردشه نوووو ماسنجر وكذا
بس في الاخير انا ارضى فيها
لانه مافي بنت الحين ما تعرف النت الا قليل

بس مع اني اقول هذا الكلام واني موافق بس حركاتي ما تدل على كذا
انا في البيت كنت بس انا اللي استخدم النت وممكن الوالد شويه عشان يقرى جرايد
اختي اخواني ابد ما حاولت اعلمهم كيف يستخدكونه ولا باحاول
انا منعت النت على اخواني لاني اشوف مضاره اكثر من منافعه

هذا اللي عندي ومشكور اخوي المشهور

مع تحيات

الفارس

المشهور · 29-09-2002, 11:35 PM

اببدا في الموضوع على طول

اولاً : لكل انسان وجهة نظر في اختيار الفتاة الي يبيها ... يعني مو شرط انه يبي وحده ملتزمه وووو الا اخره

ثانياً : مو شرط ان كل بنت تدخل النت بنت ما تستحق الزواج .

وانا القول ان العاقله عاقله ولو انه تدرس بأمريكا بلد الحرية المزعومه الفسق العلني .

والمتمرده متمره ولو نها في القصيم ....اهلها مسكرين عليها الابواب والتلفزيون والكمبيوتر ووووو

يعني هي ترجع على الشخص نفسه وما يختار .... وياكثر البنات الي على النت يدعون الى الخير والصلاح ولله الحمد

قد يكون ان بطبيعة الانسان يمر بمرحلة مراهقه ... بس حتى هناك من يتغلب عليها دينها وحياءها وشيمتها مع اهلها

يعني بنت اصايله ... ما تضر اهلها مهما كانت الدوافع .

ولكم خالص الود

وجدان الدوحه · 30-09-2002, 12:58 AM

تسلم يااخوي " المشهور " على هالموضوع

انا برايي عادي اقبل بفتاة دخلت النت لان هالايام كل البنات يدخلون النت...واذا كانت مدمنة شات او ماسنجر ..او بالتوك ..الخ
انا باستطاعتي ان اغيرها لان البنت تدخل النت من الملل والاستفاده احيانا ...بس لو يكون عندها الزوج والاطفال مابيكون هناك وقت لدخول النت الا نادرا وانا اعتقد انها لو تزوجت الامور راح تتغير وهي من نفسها ماراح تتفرغ للشات والماسنجر

لك مني خالص تحياتي

دوم مو يوم
وجدان الدوحه

××دمـ ألم ـعة×× · 30-09-2002, 10:07 AM

للاسف مفهوم النت أصبح عار عند بعض الشباب

النت يا أخواني فيه الخير والشر حاله حال الستلايت (الدش)

التلفاز التلفون اي أداة أحنا نستعملها بس الفطن او الفطنه

تستعلمه بالخير مو بالشر يعني أكبر دليل المنتدي أنا وحده من الناس

أستفدت منه الكثير والكثير بالنسبه للماسنجر مو ملزومه اخليه مقر وفندق للشباب

اقدر استخدمه بالخير بعد

تحياتي لكم

solaf · 30-09-2002, 07:10 PM

بصراحة هالموضوع اشوفة عايدي ليش
لان الحكم علي اي بنت دخلت النت بانها لا قدر الله منحطة او ماشابه ذلك .... يعتبر بحد ذاته خطا لذا امل انلا تكبرو المسأله ويكفي انك عندما تتزوج الفتاه وتنشغل بامور الحياة فصدقوني انها سوف تنسي الانترنت ... ( واذا لقت زوج صالح باذن الله ) .

وجدان الدوحه · 30-09-2002, 11:12 PM

جورية ..ياحبيبتي ;) كلامك دوم ينقط عسل واللي قلتيه هو عين العقل
وتحياتي لك وانشاء الله لاتحرميني من ردودك الحلوه دوم

اختي سولاف ..كلامك صح ان البنت عادي تدخل النت ولكن تتصرف بحكمة مع النت ولما تتزوج راح تنشغل بامور الزوج والبيت والاولاد وراح مايكون لديها متسع من الوقت عشان تدخل النت

دوم مو يوم
وجدان الدوحه

سارا · 01-10-2002, 06:18 AM

مرحبا

جوريه كفت ووفت...
بس شوف انا احلفلك اني مااشوف الي يشوفونه بعض الشباب((شوفو قلت بعض))
وهذا قالبين الدنيا ناس عندي ليش عندي نت..
لا والمشكله ان قلت والله مااشوف شي ولا كلام فاضي ودلع انا ماادخل علشان كذا شوف الاتهامات عاد كذااااااابه تدخلين وكلام فاضي...

وكل يرى الناس بعين طبعه..

تحياتي

ريانة العود · 02-10-2002, 10:20 PM

اناااااااااااا جيت ممكن اعلق على الموضوع ...

اسمحوا لي يا شباب ..

نظرتكم جدا سطحية للأمور ..

الانترنت عالم بحد ذاته ..

والل ما يعرف يستخدمة في نظري انسان جاهل

لان فيه اشياء تفيد كثيررررررررر من مواقع ممكن الواحد يستعين فيها في عمل بحوث واشياء مثلا انا بالجامعة عندي بحوث كثيرة استعين بل نت ..

بس انك ما تتزوج وحدة لانها تدخل النت ..

لحظة ودي اضحك اشوي ههههاي .. ليه هل الانترنت عيب والا حرام ..

ترى مثل مافيه الطالح فيه الصالح والواحد على حسب تربيته يقدر يسوي كنترول على نفسه ..

وانا ما انكر انه في اشياء ما هي كويسة .. بس عندنا عقل ونقدر نميز ..

تحياتي لكممممممممم ..

وارجو ان محد يزعل مني هذا وجة نظري

واختلاف الرأي لا يفسد للود قضية ..

;)

رجـــوى · 03-10-2002, 09:08 AM

هلا .. مشكور اخوي على موضوعك .... بس قبل مانرد حنا ياالبنات على سؤالك ا وبمعنى الشباب يردون .... ؟ وش القضيه ان البنت اللي تبي تتزوجها تدخل النت وش المشكله اذا اكتشفت هذا .. !!!!

اللي ابي اقوله شي واحد انه شبابنا صار تفكيرهم للاسف سطحي تاخذون الامور بسطحيه بمنضار اخر اخي الفاضل .... اذكر اول مابدء الجوال وش كان نظرة شبابنا للبنات اللي معهم جوال كانت بنفس النظره للبنات اللي يدخلون النت .... للاسف الشديد دائما النظره تكون قاسيه على البنت هذا مجتمعنا وهذه عادتنا ننكر الشي للبنت وبعد مده يصبح هذا الشي امر عادي ... فما العيب ان تدخل البنت النت هل ترفض كزوجه اذا دخلت النت .... اذا كان هذاالموضوع طرأ على بالك اخي الفاضل فمعناه للاسف الشديد يوجد من يفكر فيه بهذا المجتمع رغم تطورنا وتغير الزمن الا انه توجد بينا فئه يكون هذا تفكيرها مثل ماسبق وأشرنا اخواتي الفاضلات يوجد في كل شي الصالح والطالح ولا نستفيد من الصالح الا بمرورنا على الطالح واخذ العبرة منه
اسفه على الاطاله اخي الفاضل ولكن اتمنى ان تجيب انت وغيرك من شبابنا على سؤالي وهو....
مالمشكله اذا اكتشفت ان من تريد الزواج منها تدخل النت ؟ هل هو عيب ؟ ام حرام ؟