موقف في مطعم

[الورور]

السلام عليكم

موقف واقعي تاني

النقرزان واخوووه يروحو مطعم فرايديز اللي في جدة

الساعة تقريبا 2 في الليل تاني يوم في العيد

النقرزان واخوه يتجهو الى بوابة قسم الافراد

عند الباب رجل الامن يقووول اش عندكم يا شباب

انا واخويا: الدخول للعوايل؟.؟!!!!!!!!!!

رجل الامن : ايوا يا شباب معليش

انا واخويا : ليش ان شاء الله ما ناكل احنا يعني

رجل الامن: والله معليش يا اخوان عشان الزحمة اضطرينا نمنع الشباب من الدخول ونخلي الدخول مقتصر على العوايل بس

انا واخويا : يا سلااااااااااااام يعني مو من حقنا نتعشى؟؟؟

رجل الامن: والله يا سادة اش نسوي دي التعليمات كدا

انا واخويا: يا اخي ضاربين مشوار من بيتنا على الفاضي

رجل الامن: والله شوفولكم مطعم تاني ما في دخووول يعني ما في دخووول

انا واخويا: (سبسبة اكيد كالعادة)

انقلعنا من المكان وسبينا اهلهم

اش رايكم بالله؟؟؟؟؟؟؟؟؟؟؟؟؟

[مزايـــا]

بصراحه أنا دخلت مطعم فرايديز اكثر من مره

المطعم ضيق جدا ودايم ننتظر في الخارج على الكراسي


ربع ساعه حتى نستطيع الدخول ويتوفر لنا المكان

وخاصه في الليل

والمطعم للعوائل غالبا لان الحواجز الي بين الجلسات من الداخل مفتوحه على بعض

ومافيه خصوصيه

المفروض من البدايه لما شفتم المطعم زحمه رحتم لمطعم ثاني

ويا كثر المطاعم في جده

شكرا لك أخوي الورور وهذا رأيي في الموضوع

تحياتي لك

[أخو الورور]

مزااااياا عذر أقبح من ذنب صراااحة




مو مشكلتنا احنا انهم مصممين مطعم صغير ويخصصوه للعوائل بالرغم من إنه موجود باب مكتوب عليه للأفراد


..



ملحوظة مو أنا اللي كنت مع الورور اخونا التاني :)




الورور بالعافية عليكــم

[مزايـــا]

اخو الورو

بدون انفعالات ريلاكس


والله مو أنا صاحبة المطعم بس مرات نروح للمطعم ونلاقيه زحمه

ونغير لمطعم ثاني بدون زعل

ومطعم يلدزلار احلى من فرايديز

يعني مافي داعي تنفعل علينا

وبالعافيه عليكم

[أخو الورور]

اقتباس المشاركة الأصلية كتبت بواسطة مزايـــا اخو الورو بدون انفعالات ريلاكس والله مو أنا صاحبة المطعم بس مرات نروح للمطعم ونلاقيه زحمه ونغير لمطعم ثاني بدون زعل ومطعم يلدزلار احلى من فرايديز يعني مافي داعي تنفعل علينا وبالعافيه عليكم

ماتخافيش ماانفعلت ولا يحزنون ..بس عشان لا تدفي انتي اول ..


ايوا مانزعل بس يضيق صدرنا خصوصا لو خلاص .. اخترت مطعم .. وخلاص حاطه في بالك وفجأة تتغير الخطة ..


بالنسبة ليلدزلارد .. فهدا أكتر مطعم اشتاقله وأنا هنــا



( كيف يجتمع الرمز هدا مع هدا )







برضو أقول مو أنا اللي كنت معاه

[مشـــــــــــــاكــــس]

يعطيك العافيه....

بنسبه لي يعني ماتقدر تسوي شي والمفروض قصرت الشر وتروح مطععم ثاني .............؟؟


وبنسبه لهذي الحركه اذا صار قسم الافراد مزحوووووم هل يحولونه للافراد بس زي ماسوو للعوايل .........؟؟

[نبـض المشاعــر]

والله شي غريـــب

طيب أنا أذكر لكم موقف وتردون علي بصراحة

أوكـــــــــي







أنا مرة كنت رايحة لمكـــــة عشان آخــذ عمـــره
كنت مع أخواتي وبنات عمي كانوا موجودين


المهـــم أخذنــا العمرة ولله الحمــــد



وقبل آخر يوم في الليل
وكانت رحلتنا الصباح

كنا نبغى نروح نحب الحجــر الأســــود

وطبعا معروف ان الحجر الأســود
يكون زحمممممممة مررره عليه

المهم كنت أنا وثنتين من أخواتي
ووحدة من بنات عمـــي


المهم رحنا وزاحمنا الناس
وبغينا نمووت على بال ماوصلنا قريب عند الحجر الأســـود

عموما باقي خلاص حرمتين ويجي دورنا


وفجـــــــــــأة



يرد الظابط اللي عند الحجر الأسود




يلـــــــــه مافي حريـــــم

بس رجاجيــــــــل


يله يله روحوا على بيوتكم! ! !







وطلعنا واحنا مرررة معصبين

يعني هذا بيت رب العالمين
واحنا مو كل يوم نقدر ندخل الحرم عشان نحب الحجر الأسود

ولانقدر نغيره ونروح مكان ثاني مثل المطعم

ولانقدر نروح ونلقى الحجر الأسود في مكان ثاني
مثل المحلات اللي في الأسواق نلقاها على الشوارع العامة




طلعنا وسكتنا




ماعصبنا مثلكم
عشان مطعم ولا عشان سوق

سكتنا وخليناها على رب العالمين



وش رايكـــــــــم



يعني من موقفه أغـــرب




عموما


الله يعيــــن


والواحد منا يحتسب الأجر


وبعدين ترا أحنا هنا
اخوان
وكل واحد يعرض مشكلة له
واتمنى اني مازعلت أحد منكم يا أخوانــــي
بكلمة بدووون قصــد




أختكم

ليــان المملوحه. . .

[أخو الورور]

اقتباس المشاركة الأصلية كتبت بواسطة ليــان المملوحه والله شي غريـــب طيب أنا أذكر لكم موقف وتردون علي بصراحةالمهـــم أخذنــا العمرة ولله الحمــــد بس رجاجيــــــــل يله يله روحوا على بيوتكم! ! ! طلعنا وسكتنا ماعصبنا مثلكم عشان مطعم ولا عشان سوق سكتنا وخليناها على رب العالمين وش رايكـــــــــم يعني من موقفه أغـــرب عموما الله يعيــــن والواحد منا يحتسب الأجر وبعدين ترا أحنا هنا اخوان وكل واحد يعرض مشكلة له واتمنى اني مازعلت أحد منكم يا أخوانــــي بكلمة بدووون قصــد أختكم ليــان المملوحه. . .

ياشيخـة ..



لا تشيلي هم ..


أنا اللي ساكن بجدة .. ودايما الحمد لله نازلين جدة .. ماعمري فكرت أروح أبوس الحجر الأسود ..


تقوليلي ليــش .. عشان هناك الناس همج استغفر الله مو كـأنهم .. عند باب الكعبة .. في طابور ويجوا من قدام ويدفدفوا .. واخر حركات بايخة من بعضهم .. واذا وقفت في الصف زي الناس المحترمة وتقرب من الحجر تلاقيهم يطلعوك على برا .. انا جربتها مرة وحدة وماقدرت اوصل وكنت رح اختنق واموووت من كثر الدف ..


ولا رح أعودها الا اذا لقيت مافي ولا مخلوق عند الحجر الأسود

[مشـــــــــــــاكــــس]

اختي ليان.............................؟؟؟

تبين الحق .................... والله يلعن ابو المطعم ...ياشيخ

صح هذي حاجه غريبه بلفعل يعني واقفين ومع الزحمه وكل شي يقول وبكل برود روحو لبيتكم والله قهر .....
بس الشكوا لله...........................؟؟
ولا اقول كان دقيتي علي علشان اادبهم ههههه...

الله يعينك ...

[نبـض المشاعــر]

مشكور اخوي مشاكس

والله اني مقهورة لحد الحين

بس يلـــه

الأجر على اللـــه



أختك

ليــان المملوحه. . .