اخواني اخواتي يشرفني الانضمام
لكوكبة المبدعين
اقتنعت ان الخيانه للرجـل تلـوي يمينـه = عقب ليله من ليالي نجد حاويهـا قمرهـا
المدينـه دار خربـه والخرابـه كالمدينـه = كيف تخرب دار بيتك عقب ما ربي عمرها
تحسب انك فزت فيها ايه ياورد الجنينـه = لا وربي ما تفوز وهامتـي ترقـا بحرهـا
التحدي له تحدي والحجر تركض سنينـه = ما يهده كود ريحن تضعفه والله بصرهـا
تحسبنك لا رحلة ورحت اسنيني حزينـه = لا وربي حط غيرك عـد بدنيـا بشرهـا
كم حبيبن عن حبيبه راح ما اندى جبينـه = ماشكا لناس جرحه والبـلاوي مختبرهـا
تكفي الدنيا تعلم من دلـه قلبـه بعينـه = والحقيقه شي واقع شوف بدنيا صورهـا
لارحل عنتر زمانه شف قيسن مع ونينـه = وابتصر بالحب واعرف كل عاشق في نحرها
فلسفة دنيا غريبه كلنـا فيهـا عجينـه = كل خايف من خويه والخوي فيها دمرهـا
هاك بدنيا دراسه والحكي مـا تفهمينـه = ما طلبتك تفهمينه بس اخذي من عبرهـا
هكذا الدنيا تجارب ناس تبحـر بسفينـه = من تعلم من زمانه عبرته قـام ونشرهـا
بنهايه كان قصدك اسم فيصـل تهدمينـه = اذلفي روحي بفالج وسوالـف بختصرهـا
فيصل البريكي
العرض المتطور
