تعبت اشكي
تعبت الالم ساكن في اعماقي
تعبت اسكب مدادي دم على اوراقي
تعبت ابكي
ولا ابتعد ...
ولا اقسى...
ودموعي تشعل اشواقي
وارد وانسى
ادور على مرسى
مثل مركب
شراعي السهر
ومجاديفي حزينه
نسيت ان البحر مالح ...واهوال واخطار
يواسيني
بموجه الجارح ... وطبعه الغدار
اجيه عطشان ابي اروى ويزيد الضما فيني
اجيه تعبان ابي ارتاح ويزيد التعب فيني
ياقلب كافي
تحط الهم على اكتافي
تشيل الجرح
وتدور في زمن جافي
تدور على حضن دافي
ياقلب كافي
تشغل بهم نبضاتك
تفرحهم بأ اهاتك
تبتعد ...
وترجعلهم بالقدم حافي
ياقلب كافي
يذلك حرف
يردد كل ازمانك
يجدد كل احزانك
تكون الصيف
جبال ... وصحرا ... ورمال ... وبقايا طيف
لا ورود ... ولا عشب اخضر ... ولا الوان الطيف
تحملت يكفي سنين
وفيك الحب يكفي العالم
ولا يعطيك غير الهم
ويذلك حرف
يردد كل ازمانك
يجدد كل احزانك
تكون الصيف
جبال ... وصحرا ... ورمال ... وبقايا طيف
ياقلب كافي
كافي...
كافي...
كافي...
موووووت ياحرف
وقبل موتك
اكتب موت عاشق ويوم ميلادي
مووووووووت ياحرفي
مابقى في عروقي دم
اسكبه على اوراقي
العرض العادي
