*·~-.¸¸,.-~* أغلى المحــــــــبينا *·~-.¸¸,.-~*
و حان موعد لقانا و التقينا
بعد ما ذلنا هالخل ع الموعد مذله
رحبت به وقلت يله مشينا
وشخبار من سكن قلبي واستحله
قال حنا ماعندنا أخبار تعرفينا
عندك انتي خبر هالكون كله
لكن ترانا يا خلي ما نسينا
ودنا نسمع صوتك بشله
قلت من هالموضوع ما انتهينا
أخاف تسمع صوتي بعد تمله
قال خل عنك هالسوالف واطربينا
أفا عاشقٍ صوتك كيف امله
بعدها قال ش آخر ما قصدت فينا
ودي اعرف أخبار قلبك وش حصله
قلت يله بسم الله ابتدينا
قال آه والله شعرك فله
قلت ما غيرك حرك الاحساس فينا
يا وليف قلبي و خله
قال والله من الشمس إنشوينا
خلنا نروح تحت ظله
قلت يلا يا خلي سرينا
نروح للمكان الي تدله
و عاتبت قلبي كيف يا قلبي سهينا
كيف نسينا هالمظله ؟
شوف خلي كيف ذايب علينا
ليتني بس غيمه وأظله
رد قلبي الظاهر من الفرحة نسينا
كم حرقنا الشوق قله
قلت يا خلي يا أغلى من سكن فينا
تدري كم حرقنا الشوق والله
وتدري أن ما غيرك هوينا
و ما غيرك سكن قلبي وتله
و كم مره جفيت و كم صوبك عنينا
انت الوحيد الي طريق القلب دله
قال بسألك سؤال و جاوبينا
و عطيني جواب السؤال وحله
قلت أسأل وانا من السامعينا
و إن شاء الله اقدر أحله
قال عدي نجوم الثريا و خبرينا
هذا العدد حدٍ وصله ؟
وقتها تعرفين حبي وشوقي الدفينا
و إن حبك محد يقدر يصله
بعدها قال كم سنه و حنا متعارفينا
قلت بديت شوفي تمله
قال .. لا بس عندي خبر وادري انه حزينا
و لا بغيت دمع عينك قدامي تسله
أنا برحل وبنفترق حنا الثنينا
و هذا قلبي امانه بيديك خله
قلت .. لا يا خل أكيد تلعب علينا
و الا ناوي تزيد هالقلب عله
قال لا هذي الحقيقه صدقينا
و هذا الحكم سيف القدر سله
قلت يحفظك ربي يا أغلى المحبينا
وجعل حياتك عطر من السعد و فله
وخذ هالقصيده وقول للعاذلينا
هذا الذي قلبي محله
وهواي ساكن قلبه سنينا
و من غلاي قصدت هالشعر كله
العرض الشجري
