رد

[سجين البدر]

حبيت بس اشارك في الموضوع بحكم ان عمري تقريبا 17سنه
اولشي حبيت اقوله سواء كان المراهق مذنب او لا ان هذي المرحله غصب علينا نمر فيها رضينا ولا ما رضينا ...
ولازم نمر بذنوب احنا لااااازم نسويها ولا ماكانت مرحله مختلفه او صعبه..

لكن اكثر شي يخلي المراهق يذب (هذا رأيي الشخصي) انه يكون عليه ضغط كبير في انتقاد الاخطاء الي يسويها بعدم ترك فرصه له بأنه يبرر موقفه او خطئه..
احنا نواجه رده فعل قويه على اخطائنا بحكم ان هذي المرحله خطير لكن الحقيقه ان هذي المرحله مرحلة تجربه شخصيه لكل واحد فينا

اخر شي حبيت اقوله لازم تعطون المراهق فرصه ليبرر خطئه ولازم تتفهمون وش يبغى المراهق
اخوكم المخلص:سـجــــيـــــن

[العمدة الإجباري]

أخي الكريم والجديد سجين البدر،،، حياك الله معانا،،، وإن شاء الله ما تسيبنا.

إسمحلي أعلق تعليق بسيط.
إنت قلت (لازم نمر بذنوب احنا لااااازم نسويها ولا ماكانت مرحله مختلفه او صعبه).

معاك حق إنها مرحلة صعبة ومختلفة،،، وكلنا مرينا فيها.
لكن هذا ما يبرر وقوعنا في الأخطاء،،،

فين تربيتنا؟؟؟
فين ديننا؟؟؟
فين علمنا؟؟؟
فين عقلنا؟؟؟

هذا الأشياء المفروض إنها نمت معانا من الصغر،،، وهي اللي نحتاجها في كل المراحل،،، مو بس مرحلة المراهقة.

والحمد لله،،، أنا من الناس اللي عشت حياتي بالطول وبالعرض من غير ما أنحرف أو أرتكب الكبائر او أجيب المصائب لأهلي أو أدخلهم شرطة وخلافه.

ليش؟؟؟ عشان عندك عقل يحكمك بمبادئه وتربيته ودينه. وقبل لا تنتظر أحد يحاسبك أو تبرر له أخطائك،،،، حاسب نفسك.

الله يسعدك دنيا وأخره

[سجين البدر]

مشكور اخوي العمد
انشاء الله نشوفك في مواضيع ثانيه

[أبو طارق]

واشكرك من أعماق قلبي ياعمدتنا وكفيت ووفيت حبيب البي
وكأنك بقلبي والله ...