قال لي أمسكي قلم ؟
وهاتي الورق ؟
وأكتبي على ذيك السطور.. بعض الجمل ؟
إكتبي نهاية هالعشق !
إكتبي على أول سطر .. اليوم وتاريخ الشهر !
واكتبي على ثاني سطر ... بنستمر !
واكتبي على آخر سطر ... ما نستمر !
اكتبي يصير أو ما يصير ..
والعبره دايم بالأخير ..
قصده..آخر سطر .. قصده ما نستمر .. يعني يبينا نفترق !
وأصير أنا...ذكرى عشق !
رديت عليه وهو ينتظر~أكتبلها... سطر سطر ..
جيت أبكتب هالجمل ..
لقيت دمعي اللي كتب ..
كتب جمل .. غير الجمل ..
كتب جمل ... كلها بسمة أمل ؟
كتب على أول سطر ... قلبي يحبك للأبد ...
وكتب على ثاني سطر ... ما أرضى أنا بغيرك أحد ..
وكتب على آخر سطر ... أكيد حنا بنستمر ...
طول الدهر ...ولو قضى فيك العمر ...
أبعطيك من عمري عمر ....
بس المهم ما نفترق ....
وما أصير أبد... ذكرى عشق ....
منت عشق ياللي نهايتك الفراق
ترى العشق بيبتدي بعد الفراق
محبوبي.....
هات الورق .....كل الورق .....وأكتب بكل السطور ....
كلمه يملاها الشعور .....كلمه لا يمكن تبور ....
أكتب بأول سطر ...وآخر سطر ....وفوق الورق ....
لا يمكن إنا بنفترق .........لا يمكن إنا بنفترق
مع حبي وتقديري اختكم
العرض العادي
