السلام عليكم :
هذه اول مشاركه في كتابه موضوع جديد ويا ليت تتقبلونه
في الساعه الثالثه ليلا قبل امس
دق على واحد من خارج المملكه
رديت عليه وانا فيني النوم مرره
قالي السلام عليكم كيف الحال
رديت عليه بالسلام وقلت وش تبي
قال ان رجل فعل لك قبيل من السحر
وسوف ترى الموت اليوم او غدا
قلتله انت صاحي الموت بيد الله سبحانه
قال انت يعني منت خايف قلت لا
الاعمار بيد الله سبحانه قال انا
فاعل خير وابغى انصحك وهذا هو شغلي
لاني احب الخير قلت خلاص كلمني بعدين
قالي بعدين الان لانك بتومت اليوم اوغدا
وان رجل فعل لك قبيل من السحر
قلت يعني انا الان مسحور قال نعم
قلت وش دراك قال انا صليت صلاه الستخاره
وثم جائوني الجن واخبروني بأن رجل فعل لك
قبيل من السحر قلت اي جن اي خرابيط
انا ماني مسحور شفني حي ارزق والحمدالله
ثم قالي كلام طويل يبغاني اصدقه
قلت طيب انت تعرفني قال عرفتك من الجن
قلت طيب من وين جبت رقمي قال ها ها ماذا
قلت شفت انك نصاب قال اقولك جبت الرقم من
الجن قلت طيب من معي
قال الشيخ/ هاموس الصدق...
قلت طيب من وين انت الان تكلمني
قال من افريقيا قلت الله تكلمني من افريقيا
متى المعرفه يا ابو الشباب
ثم قام يعيد كلامه من اول ويجيب لي حديث
ويقول
قال ان رجل فعلك قبيل من السحر
وانا اخوك المسلم وقال النبي صالى لله عليه وسلم
( المسلم اخو المسلم كأالبنيان يشد بعضه بعضا )
قلت انت من جد انت صادق في كلامك
قال نعم وسوف ترى الموت اليوم او غدا
قلت طيب وش السبب اللي يخليني اموت
قال فيه شخص قريب منك ويكرهك ويحسدك
وفعل لك قبيل من السحر قلت الحمد الله كل
اصدقائي مسلمون ولا اشك فيهم اطلاقا
قال وما يدرك قلت الثقه موجود
قال تريد افكك السحر منك وانجيك من الموت
بأذن الله قلت والله يمكنك غلطان في الرقم
او مشبه وبعدين لو انا مسحور كان ما كلمتك
كان شفتني مريض ولا غيره وانا الحمد الله
ما فيني شي قال انا علمتك والموت قريب منك
قلت ما اقدر اصدقك قال الان اكلمك من افريقيا
واحب لك الخير قلت لو تحبلي الخير كان ما كلمتني
في اخر الليل قال هل تريد تريد اساعدك انجيك
من الموت وانت مسحور ولا تدري عن نفسك
قلت طيب وشلون بتساعدني <<< ما صدقته بس ابي اشوف نهايته
قال خذ ثلاثه كيلو تمر غدا وتصدق بها على الفقراء
قلت طيب وبعدين قال اذا فعلت هذا الشي
سأخبرك الباقي غدا قلت اخاف اموت غدا <<<ابغي اشوف رده
قال لا تخاف لن يأتك الموت اذا فعلت هذا الشي غدا
قلت شفت انك نصاب اصلا الاعمار بيد الله سبحانه
قال لاشك بهذا فقط انت افعل هذا الشي غدا واتصل علي
قلت طيب <<<<ما صدقته مررره بس اشوف نهايتها وياه
قال تصبح على خير ومع السلامه
قلت انت معزم اني مسحور قال نعم
قلت شي طيب اول مره اشوف اشوف شيخ نصاب
وثم اغلقت المكالمه وبعد لحظات الا قلبي
يطق دقات سريعه مرره من الخوف
قلت في نفسي اغوذ بالله من الشيطان الرجيم
وش اسوي مع هذا الدلخ وجلست دقائق وانا افكر
قلت لازم اكلم الشيخ الفلاني الذي هو عضو
من هيئه كبار العلماء وادق عليه في نفس اللحظه
قلت يا شيخ من ثواني من وقتك قال ماذا تريد
قلت عندي مشكله خطير مره مره وابغى منك تخلصني
منها ارجوك قال الوقت متأخر مره ما تقدر تأجلها بكره
قلت اي بكره بكره ما ادري عن نفسي
قال مابك قلي وش فيك
وعلمته السالفه من اولها الى اخرها
ثم سألته قلت هل اصدقه يا شيخ
مع انه جابلي حديث من الرسول صلىالله عليه وسلم
وقالي نه فاعل خير وقالي كذا وكذا و..و....
قال هذا كـــــــــذاب وهـــذا من اساليب الشغوذه
قلت يعني اللي كلمني قبل قليل مشعوذ
قال نعم
ولا تصدق منه اي شي قلت طيب اهو وصاني
عشان يساعدني انه اجيب له ثلاثه كيلو تمر واتصدق بها وقال اني مسحور قــــال الشيخ لا تصدقه قلت والله اني عارف من اول انه كذاب بس قلت في نفسي خلني اكلم الشيخ عشان يطمأن قلبي ويووووم جاء بكره ما فعلت اللي قالي المشعوذ دقت على المشغوذ علشان اهزئه
واجرحه بكلامي ويوم دقيت عليه اول ومارد قال بصوت عالي ليش ما فعلت اللي قلت لك قلت وش دراك واغلق المكالمه وقلت في نفسي وش علمه فيني لايكون الجن بس اللي عندي معلمينه
وثم رحت الكبينه الهاتف واشوف مفتاح المنطقه من اي دوله هذا الرقم وثم عرفت انه من السينغال
وثم عقبها لا كلمته ولا كلمني والحمد لله ايماني بالله قوي لا اخاف من هذا ولا هذا الا الله سبحانه
( وتقبلو تحياتي اخوكم خيال نجد )
العرض العادي
