عاشقة شعري

حبووب · 12-06-2005, 04:04 PM

سالتني عاشقـة شعـري عسـى ترتيبـك الاول
عساك مغطي بشعرك على حامد وابـن علـوش

تـرى حرفـك يذكرنـا بمـن لا قـال مـا أول
وقصيدك كنه البلسم على جرح الزمن مرشـوش

وتقول هنـاك جمهـورك عليـك أمالـه يعـول
طلبتك ابذل جهودك وسطـر بالحـروف نقـوش

نبيك اصدق من افكارك وحذاري غيابـك يطـول
نبيه يصير لك سلطه وتبنـي بالقصيـد عـروش

ترى نستغرب وننكر كسوووول وغيـرك اتسـول
علامك ماتبي توصل ودربك واضـح ومفـروش

كـلام حيييـل حيرنـي وانـا مـن ذب ماحـول
احب الصدق واخوانه ولاارضى بالحياء المخدوش

الا يابنت فـي حكيـك كـلام يذهـل00 يهـول
وضعتيني وسط غابـه وهديتـي علـي وحـوش

تبيني شاعـر صـادق لنقـل احساسـك مخـول
تبين أوصلك قمـة غـرور العاشـق المغشـوش

طموحي اكبـر مـن اللـي حكيتـي اخـر واول
وانا ممكن بعد حامد وممكـن قبـل ابـن علـوش

--------------------------------------------------------------------------------

][دلــع نجد][ · 13-06-2005, 12:11 AM

نديم القصيد · 13-06-2005, 01:33 AM

تبيني شاعـر صـادق لنقـل احساسـك مخـول
تبين أوصلك قمـة غـرور العاشـق المغشـوش

طموحي اكبـر مـن اللـي حكيتـي اخـر واول
وانا ممكن بعد حامد وممكـن قبـل ابـن علـوش

صح لسااااااااااااااااانك وربي انك ابدعت ......

الله لا يحرمنا من قصائدك يالغلااااااااااا........

تقبل اعجابي ...

mojaazf · 13-06-2005, 01:49 AM

الله يعطيك العافيه وصح

لسانك المزيد المزيدمن الابداعات الحلوه

حبووب · 13-06-2005, 11:28 AM

كا العادة الغالية دلع نجد والمحبوب نديم
حياكم اللة واتمنى كتاباتي دوم تعجبكم
الاخ مجازف حياك اللة صديقا جديد