بس قبل لا نبدى ابي اقولكم ان الموضوع طويل جدا اذا تبي تقراه انصحك تفصل النت وتتوكل على الله واذا ماتبي انصحك تنسخه عندك وتقراه في وقت ثاني واذا ماتبي عاد شوفلك موضوع غيره
بس صدقوني ان الموضوع مهم
ادري ان الموضوع مش في محله وادري انه مفروض يكون في القسم الاسلامي لكن صدقوني ما لقيت اقدر اني اتكلم فيه الا هذا القسم
لان الاعضاء اللي يرتادونه وسيعين صدر والمشرفين بعد
ارجوا من المشرفين عدم نقل الموضوع وللضروره جزاهم الله الف خير
لاني قمت بعملية تجميل وحصلت انتقادات كبيره وخطيره وابي اوضح لكم اسبابي الخاصه اللي جبرتني بالقيام بمثل هذه العمليه الملعونه
ياناس انا قصتي قصه
واحد متعذب في حياته
الزبده انا .... شييييييييييييين شين بما تعنيه الكلمه وجهي غلط
بما تعنيه الغلطه !؟
يشباب بالله شفتوا واحد مثل شكلي ؟
وانتوا يا صبايا ادعوا الله انه ماتشوفوني او واحد مثلي لالا ما اضن ان في احد مثلي
ابدى اقولكم قصتي
انا اذا جيت اطلع من البيت - وطلعاتي قليله - اذا جيت اطلع لازم البس على وجهي برقع صقر (( قناع يرتديه الصقر )) لاني شين
واذا كان البرقع في المغسله احط على راسي كرتون وافتح فتحتين لعيوني عشان اشوف منهم .... يارجال حتى عيوني غلط
مره فكرت اني اكحلهم لكن للاسف .... يوم كحلتهم طلعوا كأن واحد عطاني ركبه على عيوني
بالله كل هذا ولا تبوني اسوي عملية تجميل؟؟
ازيدكم من الشعر بيت
امي الله يحفظها -قولوا امين - سألتها يوم من الايام عن شكلي وانا صغير ... وياليتني ما سألت الله يحفظها رفستني على وجهي وقالتلي : ليه تذكرني بذيك الايام؟؟ الله يقطعها من ايام
قلت لها ليييه؟ وانا منسدح من الرفسه
قالت لي : اسمع ياوليدي انا يوم ولدتك اول ماشفتك تغطيت؟؟ احسبك رجال غريب؟؟؟
قلت لها افااااااا وبعدين
قالت لي : وش وبعدين عمرك شفت بزر له شنب ؟؟؟
ويوم ابوك جا يشوفك اول شي سواه مسكك من رقبتك وقال: وش اللي مدخلك هنا ؟؟؟
وش اقولك ياوليدي انت تعرف وين يحطون الاولاد اول ما ينولدون ؟؟
قلت لها وانا مبتسم ايه في الحضانه اذكرها وانا صغير
قامت بدون تردد وعطتني ضربه خطافيه وقالت لي : كذاب انت ماحطوك في الحضانه لاتسوي نفسك رهيب انت حطوك في قسم انتظار الرجال ؟؟
انا: اييييييييييه
بالله ياناس كل هذا وماتبوني اسوي عمليه تجميل لوجهي ؟ اقولكم يوم صرت بالشهر الرابع بديت احدد الشنب !
ويوم الدكتور كان يشخص حالتي وانا توني مولود كان يجي يسالني : ها يابو الشباب انت بخير ؟
اقولكم وجهي شين شيييييييييين
يوم دخلت المدرسه
ايييييييييييه من ذاك اليوم اول ما دخلت قالي المدير : مانحتاج مدرسين ؟؟ قلت له : انا ابي اسجل في صف اول ابتدائي لاني ابي ادرس
قام وحذفني بدفتر تحضير المدرسين !
المهم سجلوني بالقوه ودخلت اول بس...... اول ليلي(مسائي) ؟؟؟
بالله عليكم احد سمع باول ليلي؟ انا الوحيد اللي كنت ادرسه كنت في فصل بالحالي ونجحت والحمد لله طلعت الثاني
بس المدرسين اشتكوا من وجهي وقالوا محنا مدرسينه لو نقلتونا للخرخير ( الخرخير منطقه نائيه في الربع الخالي)
المهم اتفقوا انهم ينجحوني من اول ابتدائي الى رابع جامعه قسم تشريح الحيوانات
انا ما كان قدامي الا اني اوافق ولا كان بيتدمر مستقبلي
وكل هذا كان بسبب وجهي
بالله عليكم لي حق اسوي عملية تجميل ولا لا؟؟؟
يعني لسه مب مقتنعين؟
طيب
من شين وجهي واللي ما اقدر اوصفه لكم لاني لو وصفته ما اضن تكملون السالفه معي
اقولكم من شين وجهي ولدرجة القبح اللي فيني المنظره(مرآة-meror) اللي عندنا في البيت مايمديها تطلع وجهي ماتقدر؟ تقعد تقول وش ذا ؟؟
حتى يوم ابي اضحك يجيني شد عضل في وجهي وتنتابني نوبات عصبيه
كل هذا بسبب وجهي
ايييييييييييه وش اقولكم عن قصة بنت جيرانا اللي نقلوا بسببي ؟
يوم كنت راجع من الملعب طبعا مستغربين كيف يخلوني العب معهم للاسف انا ماكنت لا لاعب ولا حتى حكم انا كنت في الملعب مجرد "قائم" او عارضة للمرمى اقوم بواجبي وانقلع للبيت فيوم كنت راجع وانا منهك من اللعب قابلتني بنت الجيران وكانت في منتهى الجمال سبحان الله وانا في منتهى القبح لا حول ولا قوة الا بالله قابلتها وكنت منزل راسي لكن صار شي اجبرني اني ارفع هذا الراس الشين الا وهو انها نادتني باسمي ... وائل وائل -حتى الاسم مب راكب- انا قلت وش ذا الصوت وش ذا التغريد اللي اسمعه الظاهر انها كانت تسمع الوالده تناديني ولا كانت تشوفني فهذا الموقف اجبرني اني ارفع الطابوقه اللي تسمونها عندكم وجه ... ويوم رفعته ..... البنت تشنجت وبدت ترتعش وتقول كلام ما فهمته قاعده تقول : بسم .... الل...رحم .... يماااااااااااااااااااااا وصرخت باسم امها وطاحت
ومن ذيك السالفه نسمع صوت البنت في الليل تصارخ وتقول كلام ماينفهم لين ابوهم قرر انه ينقل من الحاره وفكر ان فيها جن ؟
وما درى اني انا اكبر جني مع وجهي
كل هذا وماتبوني اسوي عملية تجميل ؟؟؟
انا متوقع بعد هذا الكلام ان القراء انقسموا الي قسمين
قسم يقول:ايه معاك حق في كل شي قلته . وانا اشكر هذا القسم اللي وقف معاي
وقسم يقول: لا ياخوي هذا حرام ولا يجوز بالادله ربي عطاك هذي الطابوقه عفوا الوجه ولازم تحمده في ناس غيرك ما عندها وجه؟؟
صحيح ان وجهك مايساعد وكانه ماصة (طاولة) وكيل مدرسه بس معليه ياخوي اصبر وتحمل ولك الاجر
بس انا اقول
اني سويتها وقولوا اللي تبونه لان رايكم ما يهمني
ولا يحرك شعره من طابوقتي
انا سويتها والحمد لله وكل شي تمام وابيكم بنفسكم تشوفونها وتشوفون كيف الطب تطور وتقدم
7
7
7
7
7
7
7
7
7
7
7
7
7
7
7
7
7
7
7
7
البنات يتغطون ولا يشوفون موضوع ثاني اما الشباب تدحدر
7
7
7
7
7
7
7
7
7
7
7
7
7
7
7
7
7
7
7
والله شيييييييين
7
7
7
7
7
7
7
7
7
7
7
7
7
7
7
7
7
7
الحين بنوصل
7
7
7
7
7
7
7
7
7
7
7
7
7
7
7
7
-------------
سلام ياحلوين
**************************************************
مايستفاد:
صدقني اخوي احمد الله على كل شي خلقه لك وصيره عشانك
ولاتتذمر يوم من شكلك او شي فيك لانه يمكن سواه فيك لشي اخر ومو يمكن الا اكيد لان الله عز وجل له حكمته في كل شي
وانا ماحبيت اطرح الموضوع الا لاذكر البعض منكم بنعمة الطابوقه هههه عفوا قصدي الوجه
تخيل واحد فيه هذي الصفات اللي قلتها ؟؟؟..... اكيد لازم تحمد ربك على اللي انت فيه
(بس قبل لا نبدى ابي اقولكم ان الموضوع طويل جدا اذا تبي تقراه انصحك تفصل النت وتتوكل على الله واذا ماتبي انصحك تنسخه عندك وتقراه في وقت ثاني واذا ماتبي عاد شوفلك موضوع غيره)
( ادري ان الموضوع مش في محله وادري انه مفروض يكون في القسم الاسلامي لكن صدقوني ما لقيت اقدر اني اتكلم فيه الا هذا القسم
لان الاعضاء اللي يرتادونه وسيعين صدر والمشرفين بعد )
7
7
7
هذي لحالها تستاهل التثبيت
(وانتوا يا صبايا ادعوا الله انه ماتشوفوني او واحد مثلي لالا ما اضن ان في احد مثلي )
7
7
7
يااااارب مانشوف واحد مثله
(يعني لسه مب مقتنعين؟ )
7
7
7
بصراحه بعد اللي قريته انا مقتنعه وبقوه مااافي مجال للرفض
المهم سجلوني بالقوه ودخلت اول بس...... اول ليلي(مسائي) ؟؟؟
بالله عليكم احد سمع باول ليلي؟ انا الوحيد اللي كنت ادرسه كنت في فصل بالحالي ونجحت والحمد لله طلعت الثاني
طيب ومين اللي طلع الأول يابووو
بصراحة موضوع جدا جميل وماني عارف أرد عليه والله
ومعاك حق وأنا أخوووك بالفعل الحمدلله على النعم اللي أنعم علينا فيها ,,,
مشكووور أخوووي على هالموضوع ,,, وننتظر منك المزيد والمزيد من المواضيع الجميلة والرائعة ,,,
ماحكم عمليات التجميل؟؟؟ افيديوني جزاكم الله خير
- سألتها يوم من الايام عن شكلي وانا صغير ... وياليتني ما سألت الله يحفظها رفستني على وجهي وقالتلي : ليه تذكرني بذيك الايام؟؟ الله يقطعها من ايام 
ايه في الحضانه اذكرها وانا صغير 
و الف شكر لك 
العرض العادي
